Lulëzimi Trëndafilave

Vaji i fëmijës
Qielli i qytetit të Medinës ishte i pastër dhe i kthjellët. I
Dërguari (s.a.a.) dhe shokët e Tij po faleshin në xhami ku mbizotëronte
qetësia. Pas leximit të teshehhudit të rekatit të dytë, i Dërguari (s.a.a.) u
ngrit në këmbë për rekatin e tretë. Papritmas në xhami u dëgjua vaji i
një fëmije. Një fëmijë i vogël ishte ulur pranë nënës së vet, e cila ishte
duke u falur, ndërkohë fëmija filloi të qajë dhe ta thërras atë. Të qarët e
fëmijës e shqetësoi pa masë të Dërguarin (s.a.a.). Rekatin e tretë dhe të
katërt të namazit e fali më shpejt sesa herëve të tjera. Kur përfundoi
namazi, një nga shokët e të Dërguarit (s.a.a.) erdhi afër tij dhe e pyeti:
O i Dërguari i Allahut! Përse e fale namazin më shpejt sesa herëve të
tjera? I Dërguari (s.a.a.) e ktheu kokën mbrapa dhe tha: A nuk e
dëgjove vajin e fëmijës? Desha që nëna e vet ta përqafojë atë sa më
shpejtë . Burri e lëvizi kokën dhe u fundos në detin plot dashuri të
shikimit të të Dërguarit (s.a.a.).
Engjëjt e Zotit
I Dërguari i Allahut (s.a.a.) u kthye nga Qabeja për të falur një
namaz mustehab (të preferuar). Nipi i vogël i tij, Hysejni, vrapoi me
nxitim dhe qëndroi pranë të Dërguarit (s.a.a.). I Dërguari (s.a.a.) i ngriti
duart deri te veshët dhe tha Allahu
Ekber . Hysejni veproi sikur gjyshi i tij
dhe i vendosi duart prapa veshëve por nuk
mundi të thoshte Allahu Ekber . I
Dërguari (s.a.a.) përsëri i vendosi duart
tek veshët dhe tha: Allahu Ekber , por
Hysejni i vogël dhe këtë herë nuk mundi
të shqiptonte fjalët Allahu Ekber . I
Dërguari (s.a.a.) edhe pesë herë të tjera
radhazi tha Allahu Ekber . Herën e
shtatë, Hysejni filloi të lëvizte gjuhën dhe
në mënyrë të qetë mundi të shqiptonte
fjalët Allahu Ekber . Engjëjt e Zotit u
gëzuan kur dëgjuan zërin e Hysejnit dhe e
puthën atë në buzë. Atëherë, i Dërguari
(s.a.a.) e filloi namazin.
9