Lulëzimi Trëndafilave

PARAFJALË
Në Emër të All-llahut Mëshiruesit-Mëshirbërsit
Selam fëmijë të dashur! A jeni mirë? Ju uroj arritjen tuaj në një
moshë më të madhe. Mirë se keni ardhur në gostinë e Zotit.
Fëmijë! A e dini që Zoti ju do shumë juve? Për këtë arsye tani e
tutje mund të bisedoni më lehtë me Të dhe rruga më e mirë për të
biseduar me Zotin e Madhëruar është falja e namazit.
Në të vërtetë fëmijë të dashur, dëshiroj t ju tregoj për një çështje
të rëndësishme.
Nga arsye se falja e namazit dhe agjërimi i ramazanit janë të
vështira për fëmijët e vegjël, Zoti ka thënë se deri në një moshë të
caktuar nuk jemi të obliguar që të falemi dhe të agjërojmë, por
mundemi që të ushtrojmë deri sa ta arrijmë atë kohë. Dhe, atëherë
mundemi dhe duhet që ta falim namazin dhe të agjërojmë.
A e dini me çfarë ngjanë kjo? Është i ngjashëm sikur provimi i
maturës, ku duhet që të mësojmë mirë gjatë tërë vitit shkollor dhe të
përgatitemi duke bërë ushtrime, me qëllimi që të tregojmë sukses në
provimin e maturës dhe të marrim notë kaluese.
Njeriu, kur të rritet, arrin në një moshë kur Zoti i thotë: Tani e
tutje Unë jam shoku yt i ngushtë dhe dëshiroj që të kryesh sa më shumë
vepra të mira dhe të largohesh prej veprave të këqija. Zoti i Madhëruar i
shënon të gjitha veprat tona dhe nëse kryejmë vepra të mira, Ai do të na
shpërblejë.
A e dini cila është ajo moshë? Për vajzat është mosha
nëntëvjeçare dhe për djemtë mosha pesëmbëdhjetëvjeçare.
Pra, tani kur e keni arritur këtë moshë dhe konsideroheni si të
rritur, çka duhet të bëni që Zoti t ju dojë më shumë?
Librin që po e lexoni tani ju tregon juve vajzave se çka duhet të
bëni tani e tutje. Inshaallah, në një rast tjetër do t ju ofroj libra të tjerë
për udhëtimin tuaj të mëtutjeshëm.
3
Hoxha Beni Ahmedi