Lulëzimi Trëndafilave

Si ta falim namazin?
Namazi fillon me Allahu Ekber . Kur falësi i namazit thotë
Allahu Ekber, për të janë të ndaluara veprat e tilla si: ngrënia, pija, të
folurit dhe disa të tjerë. Prandaj ky tekbir quhet tekbiretul -ihram .
Fjala Allahu Ekber ka një botë të tërë kuptimesh. Nëse ndonjëri ka dije
dhe beson me zemër në thellësinë e kuptimit të shprehjes Allahu
Ekber , asnjëherë nuk do të shkojë pas veprave të këqija e të shëmtuara
dhe do të ndiejë kënaqësinë e përkujtimit të Zotit. Allahu Ekber do të
thotë: Allahu është më i madhi se ç do gjë tjetër mbi rruzullin
tokësor . Imam Sadiku (a.s.) ka thënë: Në kohën kur shqipton Allahu
Ekber, duhet që të gjitha gjërat tek vetvetja të jenë të vogla, përveç
Zotit .
Në luftën e Hendekut gjatë hapjes së gropave myslimanët
hasën në një gur të fortë. Guri ishte aq i fortë sa që kazma u thye ndërsa
guri nuk u thye. I Dërguari i Allahut (s.a.a.) u afrua dhe i ra disa herë
gurit. Pas çdo rënieje kërcente ndonjë shkëndijë dhe I Dërguari (s.a.a.)
shqiptonte tekbirin. Edhe shokët gjithashtu shqiptonin tekbirin njëzëri
derisa guri u copëtua. Shokët e pyetën të Dërguarin (s.a.a.) për arsyen e
thënies së tekbirit. I Dërguari i Allahut (s.a.a.) i vështroi shokët dhe me
një besim të plotë u tha: Unë kam parë rrënimin e kështjellave Romake
dhe Iraniane në dritën e shkëndijave të gurit .
Si të themi tekbiretul-ihramin?
Falësi i namazit gjatë shqiptimit të tekbiretul-ihramit duhet që
t i çojë lart të dy duart deri te lartësia e veshëve, në atë mënyrë që kur
t i ketë vendosur duart afër veshëve, të ketë përfunduar tekbirin.
Gjatë thënies së tekbirit, gishtat e dorës së falësit të namazit
duhet të jenë të bashkuar dhe të jenë të ngritura lart. Shputat e dorës
duhet të jenë të kthyera në drejtim të kibles.
26