duka nziza mu Itorero ryacu Urakaza neza - epr

Usibye ibikorwa by’iterambere mu by’umwuka hatekerejwe
n’ibikorwa by’iterambere mu byo dukenera mu buzima bwa
buri munsi.
Hari aho batangiye gukora ibyo kugurira umuntu itungo,
abandi batekereza ku bimina bishingiye kuri za Korari barimo.
Hari abahinze umurima w’inanasi n’abandi bagenda batekereza
kubindi bitandukanye.
Muri Paruwase zimwe hari abagiye bakusanya amafaranga
bakagurira ibikoresho by’ibanze byoroheje kuri bagenzi babo
batishoboye.
IBITEGANYWA
IBIKORWA BY’ITERAMBERE
Kwagura Umuryango ukagera no muzindi Region( Ku
rwego rw’igihugu)
Gukora igiterane ngaruka mwaka kirimo inyigisho zo gufasha
abanyamuryango kumenya ibyo twizera, kubafasha
guhangana n’isi y’iki gihe no kubashishikariza kwitangira
umurimo mu Itorero.
Turateganya guha ingufu ibimina bigamije kwiteza imbere
Kurushaho kwiga uburyo ubworozi bw’amatungo magufi
bwafasha abafite ibibazo kurusha abandi.
Gushishikariza abantu batandukanye gutera inkunga ibitekerezo
by’abanyamuryango bigamije iterambere
Gushaka uburyo abarangije kwiga bo muri Paruwase bajya
bafasha nibura bake mu bana babura uko biga kubera
ubushobozi buke.
Gukomeza gushishikariza abanyamuryango guhuza ibyo
bize n’umurimo w’Imana.
Abayobozi b’itorero bitabiriye ibiterane byo mu biruhuko
Uvuye i Bumoso: Pst Jonas Musengimana, M. Jean Sauveur Masabo,
Pst JMV Mukeshimana, Pst Jerome BIZIMANA(Pres. Region Remera)
Igiterane cyabereye i Rukoma Ukuboza 2010 cyatewe inkunga 60% n’a-
Korari zasusurutsaga igiterane I Remera-Rukoma 2010
Contact
Association de Réveil Estudiantin et Post-scolarisés Présbyteriens.(AREPP).
Presbyterian Students and Post-school Revival Association (PSPRA)
BP 56 Kigali, Rwanda/ Tel Mob 0788740489/0728740489
E-mail:arepp98.@yahoo.fr
UMURYANGO W’UBUBYUTSE
MU BANYESHURI N’ABARANGIJE
KWIGA B’ABAPRESIBITERIYENE
ASSOCIATION DE REVEIL
ESTUDIANTIN ET POST-SCOLARISES
PRESBYTERIENS
(AREPP)
Nyuma y’igiterane cyo mu kiruhuko I Remera– Rukoma 2009
Nawe Ushobora gufatanya natwe kwamamaza
Ubwami bw’Imana hano ku isi no kuzana impinduka
nziza mu Itorero ryacu
Urakaza neza
VISION DE L’EPR
Construire une Eglise solide dont les fidèles sont spirituellement
murs, capables de témoigner du Royaume de Dieu dans
le monde et dont l’environnement social est pleinement
épanoui.
THE VISION OF EPR
Build up a solid church of which the believers ones are
spiritually mature, able to take the stand for the Kingdom
of God in the world and of which the social environment
is fully blossomed.

Association de Réveil Estudiantin et
Post-scolarisés Presbytériens
Amateka
Umuryango w’Ububyutse mu Banyeshuri n’abarangije
kwiga b’Abapresibiteriene , ni umuryango udaharanira
inyungu watangiye tariki ya 7/9/1998. Utangirira muri
Paruwase ya GIKO, Ururembo rwa Remera.
Wabayeho mu gihe nta rwego rwariho mu itorero ruhuza
abantu bize, bityo kutagira urwego bahuriramo
bigatuma hari bamwe badakoresha impano zabo ngo
zifashe bagenzi babo batagize amahirwe yo kwiga
ndetse no gufatanya ubwabo. Dore ko buri wese ari
urugingo rwa mugenziwe.Ikindi kandi hari n’abahindukaga
abo kugwiza umurongo cyangwa ntibarerwe
ngo bagere kukigero gishyitse gikwiriye umukirisitu.
Kwishyira hamwe byahereye kuri Korari ariko biza
kugaragarako hari abandi banyeshuri cyangwa
abarangije batifitemo umuhamagaro wo kuririmba, biza
kugaragara ko byaba byiza bagize ibindi bikorwa bajya
bategurirwa bagakoresherezamo impano zabo zindi
zitari ukuririmba.
Nyuma yo kubona ibyiza by’umuryango waje gukwizwa
muri Paruwase zose z’Ururembo maze aho bari
basanzwe barishyize hamwe hatorwa komite za AREPP
zihuza abanyeshuri n’Abarangije bataba muri za Korari.
Imbuto zavuye mu kuba hamwe
Kuba hamwe byabaye:
Umwanya mwiza wo gusengera ibyifuzo duhuriyeho
ndetse no gushakira umuti ibibazo bya bamwe bijyanye
n’ubushobozi dufite.
Umwanya wo gukundisha, gutoza abanyamuryango
gukorera Imana n’Itorero mu bikorwa bitandukanye.
Umwanya wo kuvuga ubutumwa
Umwanya wo kugaragaza impano zitandukanye z’abanyamuryango
Intumbero(Vision)
Dushingiye ku ntumbero y’Itorero Presibiteriyene mu
Rwanda, twifuza:
Gutuma abize babasha kubakwa mu by’umwuka, byahura
no kubakwa mu by’ubwenge bikabafasha kuba
umusemburo w’impinduka nziza mu Itorero ndetse
n’aho batuye. Bityo itorero rikagaraza umumaro waryo
mu batuye isi.
INTEGO
1. Guhuza imbaraga zitatanye z’abanyeshuri n’abarangije
kwiga b’abaperesibiteriyene
2. Gufasha abanyamuryango kuba ingingo nzima z’itorero
,impano zabo zigakoreshwa mu kuryungura no
kungura umuryango nyarwanda muri rusange.
3. Kuvuga ubutumwa
4.Gutegura ibiterane by’ivugabutumwa,amahugurwa
n’ibikorwa bitandukanye byagirira umumaro abanyamuryango
nabataribo.
5. Gukora ikintu cyose cyateza umuryango imbere kitanyuranyije
n’amategeko
Abanyamuryango
Abanyamuryango bari mu byiciro bitatu bikurikira:
1.Abanyeshuri bo mu mashuri y’isumbuye n’amakuru
2.Abarangije kwiga bari muri Paruwasi cyangwa hanze
yayo
3.Abanyamuryango b’icyubahiro
Nubwo abari mu Itorero bari muri ibi byiciro bose bemerewe
kuba abanyamuryango, ariko kuba uri mu itorero
ntibihita bikugira umunyamuryango utabyemeye. Ahubwo
buri wese akangurirwa kwinjira mu muryango kandi akajya
yitabira ndetse agashyigikira(mubitekerezo cg mu
butunzi) ibikorwa biteguwe n’umuryango.
Abahagarariye abandi muri za Paruwase nyuma yo gutegura
igiterane cyabereye I Rukoma ,Ukuboza 2010
Imiyoborere
AREPP kugeza uyu munsi ifite ubuyobozi kuva ku rwego rwa
Paruwase kugeza kurwego rw’ Ururembo.
Ku rwego rwa Paruwase igira Komite Nshingwabikorwa
igizwe n’abantu 5 bakiri ku ntebe y’ishuri, ndetse hakaba na
komite Ngishwanama igizwe n’abantu 3.Pasiteri muri Paruwase
yinjira muri Komite atabitorewe. Inteko rusange igizwe
n’abanyamuryango bose.
Ku rwego rw’Ururembo igira Kongere(Inteko rusange)igizwe
na komite za Paruwase zose, Urwego rw’ubuvugizi
(Representation) abantu 2, na Komite nshingwabikorwa igizwe
n’abantu 5 n’abajyanama 3. Umushumba w’Ururenbo na
Perezida wa Sinode y’Ururembo binjira mubagize inteko
rusange batabitorewe.
IBIKORWA BIKURU BYAKOZWE
HAGATI YA 1998-2011
1. Gushaka no guhuza abanyeshuri n’abarangije
Umuryango watangiriye kukwegeranya abanyeshuri
n’abarangije ndetse no kubumvisha ibyiza byo gukorera
hamwe. Gutinyura abatinyaga no gutera umwete abari
bafite ubushake bwo gukora.
Hagiye hategurwa amateraniro ahuza abanyamuryango
ndetse n’urundi rubyiruko rwo mu itorero. Amakorari
yaratangijwe ndetse aho yari asanzwe aterwa umwete.
Ibyo byatangiye kugaragaza impinduka mu Itorero kuko
abo banyeshuri barangwaga no kuzana udushya no
gususurutsa abakirisitu hakoreshejwe indirimbo, amakinamico
mu bitaramo bitegurwa buri kiruhuko.
2. Kubaka neza inzego z’umuryango
Hashyizweho amategeko agenga umuryango ndetse
hanatorwa Komite muri za Paruwase uko bagiye
bamenya umuryango bakishimira kuwubamo.
Mu mwaka wa 2008 hashyizweho komite yambere ku
rwego rw’Ururembo.
3. Ibiterane n’Amahugurwa
Hakozwe ibiterane by’abanyeshuri n’abarangije kwiga
bo muri Paruwase zitandukanye:
2006 Igiterane cyahuje Paruwase Giko, Bubazi,
Rutongo cyabereye I Giko gihuza abagera kuri 200.
(Iminsi 2)
2008: Igiterane cyahuje Bubazi, Giko, Rutongo n’abantu
batanu batanu baturutse muri paruwase zose
z’Ururembo cyabereye I Bubazi gihuza abagera kuri
300.(Iminsi 3)
2009: Igiterane cy’umunsi 1 gihuza Paruwase esheshatu
esheshatu muri 12 zigize ururembo cyabereya I
Giko n’I Remera.
2010: Igiterane cyahuje Paruwase 12 z’ururembo rwa
Remera cyitabiriwe n’abagera kuri 300 babaga mu
giterane n’abarenga 100 batahaga.(Iminsi 3)
NB: Kuva 2010 hemejwe ko buri mwaka hazajya haba
igiterane gihuza Ururembo rwose.
Amakorari
Ubu muri buri Paruwase 11 n’akarere k’ivugabutumwa
kamwe hari Korare y’abanyeshuri n’abarangije nibura
imwe, hari na Paruwase nyinshi zifite korari kuri buri
Ntara(Central)
Hari Korari 6 zamaze gusohora indirimbo zabo kuri
Kasete(Album) ayo ni nka Korari Guershom
(Gacurabwenge), Groupe Golgotha(Giko), Rangurura
(Bubazi), Maranatha (Karangara), Hope Choir (Remera),
Peace Voice(Gihinga).