Sepedi - Department of Correctional Services

MONGONGOREGI LE MOHLOKOFATŠWA KA GARE GA LEKGOTLA LA
PAROLA.
Na o be o tseba gore ge ole mohlokofatšwa goba mongongoregi wa bosenyi, o na letokelo
ya go tsena lekgotleng la Parola, ge go rerwa tša kgonagalo ya go lokolla mosenyi.
Kgoro ya Tshokollo ya bagolegwa ke lekala la mmušo e bile ke karolo ya naga ya
Afrika Borwa, ka go rialo e angwa ke bosenyi.Re hlokomela bahlokofatšwa le
bangongoregi ba tša bosenyi, e bile re pele ka go hlokomela dinyakwa tša ba
hlokofatšwa.
Go ipapetša le maemo a ditšhabatšhaba a go hlokomela bahlokofatšwa le leano la mmušo
la go matlafatša bahlokofatšwa, kgoro ya tšhokollo ya bagolegwa e thomile magato le
ditsela tše diswa go ka kaonafatša kamano ya bahlokofatšwa ka gare go makgotla a
Parola, ge go sekasekwa kgonagalo ya go lokolla mogolegwa.
Ka gare ga melao e mebedi e leng karolo ya 75(4) ya Correctinal Service Act ya 1998
(Act 111 ya 1998) ye e fetošitšwego le karolo ya 299A ya Criminal Proceedure Act 1977
(Act 51 ya 1977) go na le magato le mekgwa ya go thuša go tsentšha bahlokofatšwa le
bangongoregi ka gare ga makgotla a Parola. Melao ye e tla thuša mo taolong.
Khomišinare ya kgoro ya tshokollo ya bagolegwa o na le ditaelo tše a di ntšhago
malebana le ditokelo tša mohlokofatšwa ge di phethagatšwa go tlaleletša seo kgoro ya
tša toka e nago le magato a motheo a ditirelo tša bahlokofatšwa le Service Charter ya
bahlokofatšwa ba basenyi mo Afrika Borwa, le yona e bolela ka ditokelo tša
bahlokofatšwa.
PHAPANO KE EFE GARE GA MONGONGOREGI LE MOHLOKOFATŠWA ?
Molao wa Criminal Procedure Act le wa Correctional Service Act o bolela ka
mongongoregi mola dikgato tša motheo tša ditirelo tša bahlokofatšwa ba bosenyi mo
Afrika Borwa, di bolela ka mohlokofatšwa gabotse ga go na phapano gare ga
mareo/maina akhwi. Mo bathong ba bangwe leina la “mohlokofatšwa” le bontšha o kare
motho o tšhetšwe ke madi a kgofa. Ba bangwe ba rata go ba bitša “Baphologi
bosenying”. Go bolela nnete mantswe a ke mahlalosagongwe a bolela selo se tee . Ge re
eya Lekgotleng la Parola le ditokelong tša mohlokofatšwa goba mongongoregi mantswe
a a ama le meloko ya mohlokofatša yo a hwilego.
KE DITOKELO DIFE TŠEO MOHLOKOFATŠWA A NAGO NATŠO GE A TSENA
KOPANONG YA LEKGOTLA LA PAROLA?
Mohlokofatšwa a ka tsena ka kopanong ya Lekgotla la Parola ge go na le kgonagalo ya
gore mogolegwa a ka lokollwa goba a ka kgopela goemelwa ka lengwalo ka

Lekgotleng la Parola. Lekgotla la Parola le dumela le dikgatisho tša theipi rekhoda le
mekgwa ye mengwe mohlokofatšwa a ka botšiša ka mananeo a tshokollo ao mogolegwa
a a dirilego, go fetoša mekgwa ya gagwe ya bosenyi. .Taba ye e ka kgonagala ge
mogolegwa a dumetše ka lengwalo.
MOHLOKOFATŠWA /MONGONGOREGI O KGOPELA BJANG GO TSENA KA
DITHERIŠANONG TŠA LEKGOTLA LA PAROLA.
Mohlokofatšwa oswanetše go ngwalela Lekgotla la Parola go le tsebiša maikemišetšo a
go tsenela kopano.Kgopelo ye e tla ngwalwa, gomme Lekgotla le tla mo tsebiša ge
mogolegwa a batametše go lokollwa. Mohlokofatšwa o tla tsebišwa le ge mogolegwa a
ka tšhaba, goba a hwa, goba a išwa kgolegong ye nngwe e šita le ge parola e phumutšwe
ka morago ga go lokollwa.
KE DIFE TŠEO MOHLOKOFATŠWA A KA DI TSEBIŠANG LEKGOTLA LA
PAROLA LEO LE SWERENG MOGOLEGWA ?.
Mohlokofatšwa o swanetše go tsebiša Lekgotla la Parola le le swereng mogolegwa ka
lengwalo tše di latelago :
Leina la mogolegwa,
Mogolegwa o dirile molato wa mohuta mang?.
Nomoro ya molato, letšatši le leina la kgoro ya tšheko yeo e ahlotšego molato wa
mogolegwa.
Maina ka botlalo le Pasa (I.D) ya mohlokofatšwa.
Aterese ya poso ya mohlokofatšwa.
Mohlala wa tsebišo ye, o ka hwetšwa Lekgotleng le lengwe le le lengwe la Parola
goba websieting ya DCS (kgoro ya Tšhokollo).
Bahlokofatšwa ba swanetše go tsebiša Lekgotla la Parola ge di aterese tša bona di
fetošitšwe.
BOITSIBIŠO BJA MOHLOKOFATŠWA E TLA BA SEPHIRI.
Kgoro ya tshokollo e tla leka ka maatla gore boitsebišo bja mohlokofatšwa e be sephiri,
mme bo ka seke bja utullelwa mogolegwa.
NA MOHLOKOFATŠWA O TLA LEBANA THWII LE MOGOLEGWA KOPANONG
YA LEKGOTLA LA PAROLA?.
Go ya ka mokgwa wo go tlwaelegileng le go sepela ka molao wa go kwa bohlatse kamo
le kamo, mogolegwa o tla ba gona ge mohlokofatšwa a tšweletša sello sagagwe. Ge e ba
mohlokofatšwa a tla ala sello sa gagwe ka bo yena kopanong ya Lekgotla la Parola
,modula setulo wa Lekgotla la Parola o tla dira matsapa kamoka gore mohlokofatšwa a
šireletšege go mogolegwa le go bona gore mohlokofatšwa a se tšhošetšwe mo kopanong.

Ge e le gore mohlokofatšwa ke ngwana goba ele motho wa go iphokolela gona a ka se
lebane le mogolegwa. Ge bahlokofatšwa ba na le ditabana tše dingwe, gona ga ba di rere
le Lekgotla la Parola . Lona letla ba tloša letšhogo la ba thuša le ka dinyakwa tše dingwe.
NA MOHLOKOFATŠWA A KA FELESETŠWA KOPANONG YA LEKGOTLA LA
PAROLA?.
Ee mohlokofatšwa a ka felesetšwa ke mang goba mang yo a mo ratang yoo a tlago mo
thekga moyeng. Lekgotla la Parola le swanetše go tsebišwa leina la mofelesetši, gore go
dirwe dithulaganyo tša go tsena monyakong wa kgolego.
GO TSENA MO KOPANONG YA LEKGOTLA LA PAROLA GO KA HUETŠA
SEPHETHO SA LEKGOTLA NAA?.
Ge go sekasekwa tokollo ya mogolegwa go lebelelwa ditaba tše ntšhi. Sa pele go
lebelelwa tema ya tshokologo ya mogolegwa malebana le mananeo a tshokologo ya
bagolegwa. Go lebelelwa gore motho ge a tšwile o ya kae, o a amogelega mo setšhabeng
naa?. Kgonagalo ya go bušeletša bosenyi ke ye kakang . Go ntšha mogolegwa go
swaretše setšhaba le mohlokofatšwa eng?. Dilo tše kamoka ke mabaka ao Lekgotla la
Parola le swanetšeng go a hlokomela ge a tšeya sephetho. Ke ka mokgwa wo go leng
bohlokwa gore mohlokofatšwa a be gona kopanong. Kemedi ya mohlokofatšwa e ka
thuša go bea mabaka a Parola ao a fiwago mogolegwa ge a lokollwa ka Parola goba
hlokomelong ya tshokollo. Mohlokofatšwa ga a na setseka ge lekgotla la Parola le dira
sephetho. Ge go le molaleng mo kopanong gore mohlokofašwa o gana go swarela
mogolegwa , gona Lekgotla la Parola le ka ditela sephetho sa go mo lokolla go
lebeletšwe kgonagalo ya go tsentšha molamodi.
GO DIREGANG GE MOHLOKOFATŠWA A NYAKA GO TSENA LENANEONG
LA MOGOLEGWA, LA GO LAMOLA?
Ge taba ya go lamola e atlegile e tla thuša mogolegwa go boela setšhabeng ga bonolo.
Bolamodi ke karola e bohlokwa ya go fodiša mohlokofatšwa. Matsapa a mohlokofatšwa
a go nyaka go akaretšwa mo bolamoding a tla amogelwa. Mohlokofatšwa yo a nyakang
go tsenela kopano ya bolamodi le mogolegwa o swanetše go ngwalela hlogo ya Kgolego
mo mogolegwa a leng gona. Hlogo ya kgolego ke yena a tlang go sepetša ditaba le
modirela Leago goba molamodi yo a hlahlilwego. Modula setulo wa Bhoto ya Parola a
ka thuša go thoma morero wo.
NA MOHLOKOFATŠWA O TLA TSEBIŠWA SEPHETHO SA LEKGOTLA LA
PAROLA?.
Bahlokofatšwa bao ba rometšeng baemedi goba bao ba kgopetšeng go tsebišwa sephetho
sa Lekgotla la Parola ba tla tsebišwa ka lengwalo . Bao ba ikemetšeng thwii mo morerong
ba tla tsebišwa sephetho ka molomo.
MOHLOKOFATŠWA A KA IKOPANYA BJANG LE LEKGOTLA LA PAROLA?.

Mohlokofatšwa a ka ikopanya le lekgotla la parola la kgolego yeo go lego mogolegwa.
Dinomoro le di aterese dika hwetša kantorong enngwe le ye nngwe ya tša kgolego goba
dikantorong tša setšhaba tša tshokollo .Diaterese dika hwetšwa leka gare ga websaete
leka gare ga puku ya dinomoro tša thelefomo.
WEBSAETE YA KGORO YA TŠA TSHOKOLLO KE, www.dcs.gov.za
Kgoro ya tša tshokollo ena le dinomoro tše;
GAUTENG * 012 420 0100
LMN *012 323 4818
FREE STATE/N CAPE *051 04 0200
EASTERN CAPE *043 706 7802
KWAZULU NATAL *033 355 7300
WESTERN CAPE *021 550 6003
NATIONAL HEAD OFFICE
P/BAG X 136
PRETORIA
0001
Republic of South Africa
E-mail: communications@dcs.gov.za
Tel: +27(012) 307 2278
Fax: +27(012) 323 4942