Haliuzwi - Femina HIP

More documents

Recommendations

Info

STORI YANGU Mikopo imenitoa Naitwa Juma Kapute aka Chaudele, jina ambalo kwa Kizaramo linamaanisha kitindamimba. Kimanzichana ndo makazi yangu ingawa asili yangu ni Mngindo kutoka Lindi. Baada ya kuhitimu elimu ya msingi niliajiriwa katika mgahawa ambako nilipiga mzigo kwa miaka minne. Wakati huo nilikuwa nikitunza kiasi fulani cha mshiko katika mshahara wangu kila mwezi, hivyo nikawa nimedunduliza hadi Sh 140,000. Niliacha kazi na nikaitumia fedha hiyo kufungua mgahawa wangu na kwa kuwa kwa mapishi niko juu, pale mgahawani nilikuwa nikipiga mzigo mwenyewe, ingawa kwa sasa nasaidiana na mke wangu kwani tuna miradi mingine kibao. Niliendesha ‘kijiwe’ hicho huku nikiweka kiasi fulani cha faida benki, niliamua kujenga nyumba na kununua samani lakini nikawa na ndoto ya kupanua biashara. Wakaja watu wa FINCA ambao walikuwa wanatoa mikopo kwa wanawake, hivyo mke wangu alichangamkia mkopo ili afanye biashara ndogondogo. Kwa kuwa hatukuwa tumejipanga fresh tulishindwa kurejesha. Ilifika wakati wakaja kutunyang’anya vitu vyote ndani, hivyo ikabidi nitumie akiba ya benki kuokoa jahazi. 4 Si Mchezo! machi-aprili 2012 Ila sikukata tamaa, nilijiunga na Kasi Mpya SACCOS ili niendelee kufukuzia ndoto zangu. Nikalipa kiingilio kutokana na faida niliyokuwa nimeipata tena mgahawani baada ya sakata la FINCA, nikawa nanunua hisa kila mwezi hadi ikatimia Sh 70,000. Nikawa na uwezo wa kukopa sh 300,000 ambazo nilizitumia kununulia mbao na kuziuza. Nikawa narejesha Sh 50,000 kila mwezi hadi nilipomaliza deni. Nilikuwa na mpango wa kukopa tena lakini ikatokea songombingo, SACCOS ikafa na viongozi wakasepa na mkwanja wote! Imebaki stori! Baadaye walikuja watu wa VICOBA, wakatuhamasisha nami nikachangamkia fursa kama kawa. Tuliunda kundi la watu
30, tukachanga pesa ikafikia Sh 105,000 na kila mmoja akanunua hisa kwa kadri awezavyo kwani aliyenunua hisa nyingi alikuwa na uwezo wa kukopa pesa nyingi pia. Wanasema ng’ombe wa maskini hazai na hata akizaa huzaa dume! Hawa nao baadaye walisepa na pesa za wanachama na hadi leo kesi iko mahakamani. Hapa napo nilikula hasara ya Sh 52,000 hivi. Sikuchoka! Baadaye ilianzishwa SACCOS inaitwa Belita nikalipa kiingilio na michango nikawa mwanachama. Nilianza na mkopo wa Sh 50,000, nikaendelea kupanda na hivi majuzi nimekopa milioni nne. Narejesha bila tabu kwa kuwa nimewekeza fedha hizo katika biashara. Naishukuru mikopo maana imepanua biashara zangu, hivi sasa namiliki mkokoteni, baiskeli kumi, bajaj na nina mpango wa kuanza kujenga nyumba nyingine ya ukweli! Mkokoteni na baiskeli nakodisha, bajaj pia inakodishwa kubeba mazao na wagonjwa na nimepata tenda ya kusafirisha wanafunzi. Vyote hivi vinalipa kichizi! Mingo zote hizo zinaniwezesha kurejesha mkopo na kusomesha watoto wangu watatu na pesa ya kubadilisha mboga hainipigi chenga. Akaunti yangu ya benki nayo naendelea kuitunisha kwa faida inayobaki baada ya kutoa marejesho na matumizi. Nitaendelea kukopa, kuwekeza na kurejesha kwani mikopo ndiyo iliyonifikisha hapa. Cha muhimu ni malengo, nidhamu katika matumizi na marejesho na pia kujiwekea akiba benki. Nasema tena, NITAKOPA MPAKA KIELEWEKE! machi-aprili 2012 2012 Si Si Mchezo! 5 5
Page 1 and 2: ISSN: 0856-8995 KATUNI: machi-april
Page 3: Femina HIP Mhariri Majuka Ololkeri
Page 7 and 8: VICOBA, SACCOS wana mengi ya ziada
Page 9 and 10: NGUVU ZA MWANAUME Jogoo halipandi m
Page 11 and 12: Shost, mie nikipata tu mkopo namtoa
Page 13 and 14: Anafurahi lakini mwisho wake utakuw
Page 15 and 16: Hatujaja kwa mazungumzo. Lete chetu
Page 17 and 18: n Mida ya hisa ilipofika, kila mwan
Page 19 and 20: Faida za kutumia njia za uzazi wa m
Page 21 and 22: Baunsa noma! Mshikaji alienda kuiba
Page 23 and 24: HUDUMA Walianza kama utani! Siku mo
Page 25 and 26: machi-aprili 2012 Si Mchezo! 25
Page 27 and 28: UKWELI WA MAMBO Yanawakuta wengi! S
Page 29 and 30: januari-februari 2012 Si Mchezo! 29
Page 31 and 32: . USHAURI Swali Nina mpenzi ambaye

Haliuzwi - Femina HIP

You also want an ePaper? Increase the reach of your titles

Delete template?

Save as template?