Java e Shkencës 2012 - Universiteti i Prishtinës

Të dashur lexues,
KONFERENCA VJETORE E SHKENCËS ‘JAVA E SHKENCËS 2012
Para jush po e sjellim përmbledhjen e disa prej kumtesave të paraqitura në
konferencën tonë vjetore “Java e Shkencës 2012” në të cilën morën pjesë rreth 350
autorë dhe bashkautorë nga Kosova, Shqipëria, Maqedonia, Mali i Zi, Sllovenia dhe
Austria.
Ne shpresojmë që ky botim të hasë në mirëkuptimin tuaj, të hapë para jush
horizonte të reja të të menduarit, të paraqesë para jush rezultate të reja shkencore
që do t’ju ndihmojnë në hulumtimet e ardhshme. Ky libër, shpresojmë, të paraqesë
një kontribut për shkencën tonë dhe, në anën tjetër, të shënojë konsolidim të
mëtejshëm të traditës që ka krijuar, tashmë, konferenca kombëtare e shkencës
“Java e Shkencës”.
Vendosja e kumtesave në libër është bërë duke u bazuar në radhën e paraqitjes së
tyre në konferencë sipas seancave. Në anën tjetër, sipas marrëveshjes që kemi
pasur me autorët, ata kanë qenë përgjegjës për sigurimin e recensioneve, për
përmbajtjen, drejtshkrimin dhe lekturën e kumtesave të tyre. Për të gjitha këto, ne si
redaksi, nuk mbajmë asnjë përgjegjësi.
Duke shpresuar në përhapjen e rezultateve hulumtuese që sjell ky libër,
shfrytëzojmë rastin t’ju ftojmë në konferencën e vitit 2013 që do të mbahet në muajin
maj dhe në të cilën e kanë paralajmëruar pjesëmarrjen e tyre shumë shkencëtarë
nga të gjitha vendet e Ballkanit dhe nga disa vende të Evropës.
Mirupafshim!
Dr. Murteza Osdautaj
~ 7 ~