Java e Shkencës 2012 - Universiteti i Prishtinës

KUMTESA
Hartimi i planit strategjik të eksportit si pjesë e strategjisë së zhvillimit ekonomik
nga ana e ekspertëve të fushave të ndryshme, duke u bazuar në trendet
bashkëkohore teknologjike, inercionin integrues të Kosovës, çështje të ambientit
dhe në përgjithësi duke respektuar standardet evropiane dhe ato ndërkombtare;
Rishikimi i politikave fiskale si dhe mënjanimi i dukurisë së fshehjes së tatimeve
(evazioni fiscal, siç është bërë modë të thuhet) dhe kontrabandës në përgjithësi, në
masën më të madhe të mundshme (eliminimi i kësaj dukurie sigurisht se do të
shtonte dukshëm vëllimin e të hyrave buxhetore );
Rrumbullakësimi i infrastrukturës ligjore me anën e së cilës rregullohet fusha e
ekonomisë;
Mbështetja konkrete edhe më e madhe e prodhuesve dhe eksportuesve ekzistues apo
potencial. Në grupin e këtyre masave do të mund të merreshin edhe këto: lirimi i
prodhuesve nga tatimi në fazën e parë të aktivitetit të tyre, kontrollimi i importit me
instrumente jodoganore dhe stimulimi i eksportit, shtimi i sigurisë, subvencionimi në
vazhdimsi i produkteve të caktuara, kreditë zhvillimore, formimi i tregjeve të
farmerëve etj. Duhet bërë sakrifica afatshkurtra për realizim të objektivave afatgjata;
Riaktivizimi i minierave të Trepçës të cilat mbajnë në vete rezerva të mëdha plumbi,
zingu, argjendi, ari etj.
Përpjekja për anëtarsim në organizatat ekonomike regjionale dhe ndërkombëtare ;
Shtimi i sigurisë për investitorë të huaj dhe të vendit, në funksion të integrimeve
prodhuese ndërkombëtare;
Luftimi i dukurisë së korupcionit në vazhdimësi;
Përmirësimi qenësor i infrastrukturës ekonomike si parakusht për shtimin e
prodhimit industrial dhe bujqësor;
Mbrojtja e prodhimit vendor nga konkurrenca jolojale, me mjete jashtdoganore dhe
eliminimi i informalitetit;
Riformulimi i politikave të privatizimit të ndërmarrjeve shoqërore dhe përshpejtimi
i ritmit të këtij transfromimi pronësor;
Identifikimi i fushave të cilat veçanarisht mund të jenë atraktive pë investime direkte
dhe ndërmarrja e hapave konkret që atyre investitorëve në baza të interesit të
ndërsjell t’u hapet dera (Kompleksi turistik Brezovica etj.)
~ 632 ~