Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Msc Bislim LEKIQI 1 : MOTIVIMI I BURIMEVE NJERËZORE NË PUNË NË
KUSHTET E EKONOMISË KOSOVARE
1 Fakulteti i Ekonomisë dhe Agrobiznesit – UBT
Hyrje
Tentimi për gjetjen e përgjigjes në pyetje se pse të punësuarit tregojnë sjellje dhe rezultate të
ndryshme në punë, i shpie menaxherët në rrugën e kërkimit se çka i motivon të punësuarit që
ata i menaxhojnë. Secili menaxher ka për synim të zotëroi situatën me të punësuarit nën
mbikëqyrje, por motivimi për punë është një nga fushat më misterioze në fushën e
menaxhimit sepse në motivimin në punë, përpos aftësive të menaxherit dhe kushteve të
punës, ndikojnë edhe faktor të tjerë, të cilët e bëjnë situatën edhe më të ndërlikuar. Se sa
është e komplikuar çështja e motivimit për punë, dëshmon fakti se asnjëra nga teoritë e
motivimit nuk arrin në mënyrë të plotë dhe gjithëpërfshirëse të definoi çështjen e motivimit
për punës. Për këtë arsye, menaxherët, në harmoni me synimet dhe mundësitë e ndërmarrjes,
aftësitë e tyre menaxhuese, rrethanave të ndikuara nga mjedisi, e sidomos në bazë të
karakteristikave të individuale të të punësuarve aplikojnë forma të ndryshme të motivimit të
burimeve njerëzore, me synim motivimin e tyre sa më të lartë.
Bazuar në kushtet e ekonomisë Kosovare, hulumtimi kërkon përgjigje në dy lloj pyetjesh:
ato të cilat përfshijnë faktorët që ndikojnë direkt dhe indirekt në motivimin e punëtorëve në
punë me nivel ndikimi dhe grupi i dytë i pyetjeve që kanë të bëjnë me informata shtesë
personale për të anketuarin. Ky kombinim na jep informata të shumta për hulumtimin e
nivelit të motivimit në punë bazuar në moshë, gjini, arsimim, përvojë punë etj.
Objektivi kryesor: Analiza e gjendjes aktuale e motivimit në punë e të punësuarve në
ndërmarrjet përpunuese.
Metodat
Për përgatitjen e këtij materiali u studiua literature në fushën e menaxhimit të burimeve
njerëzore me theks të posaçëm në motivim (posaçërisht ajo në gjuhën gjermane), u
shfrytëzuan studime të mëparshme në këtë fushë si dhe është kryer një hulumtim në janar
2012, duke përfshirë ndërmarrjet përpunuese të cilat kanë 4 e më shumë të punësuar në
Komunën e Ferizajt - Kosovë.
Përzgjedhja e mostrës
Duke u fokusuar në objektivat e studimit, është menduar që mosterizimi për të punëtorit, të
përdoret zgjedhja empirike paraprake që ka të bëjë me zgjedhjen e individëve para se të
pyeten. Kështu individët janë konsideruar njëlloj përfaqësues te popullimit. Kjo mënyrë u
përzgjodh për faktin se anketimi është bërë nga vetë studiuesi. Kështu mënjanohet mangësia
e kësaj mënyre dhe konkretisht fakti që anketuesit janë të gabueshëm.
~ 619 ~