Java e Shkencës 2012 - Universiteti i Prishtinës

KUMTESA
Duke njohur faktin se zhvillimi i ekonomisë lokale është i lidhur me krijimin, mbajtjen dhe
tërheqjen e bizneseve, kurse ato kontribuojnë 567 në të hyrave për familje si dhe në rritjen e
konsumit; fuqizojnë rolin dhe ndikimin e furnizuesve dhe kontraktuesve të vegjël; nxisin dhe
mundësojnë përfshirjen e komunitetit në negocimin me akterët lokal; dhe përmirësojnë
mirëmbajtjen si dhe kanë një kujdes më miqësor në raport me ambientin.
Në pyetjen e shtruar mbi identifikimin e modelit të preferuar, më të përshtatshëm dhe më të
sigurt të organizimit të ekonomisë lokale, një shkallë prej 49.9 %, kanë preferuar
organizimin e ekonomive bazuar në modelin e ndërhyrjes publike dhe rregullimit shtetëror,
pasuar nga sektori privat 26.6% dhe partneriteti publiko-privat 24.1%. Në kushtet e një
ekonomie të lirë të tregut, një përgjigjeje kaq e fuqishme pro ndërhyrjes publike në
ekonominë lokale nuk mund të kalojë pa u vërejtur. Si rrjedhojë, në kontekstin e hartuesve të
politikave lokale mund të ngritët një pyetje se “si mund të shpjegohet kjo kërkesë e lartë e
qytetarëve për rregullimin e ekonomisë?” Natyrisht se përgjigjet mund të jenë reflektim i
kërkesës për një model ekonomik që në radhë të parë ka gjasa të zbusë papunësinë e cila
mbetet shumë e lartë dhe është brenga kryesore e qytetarëve. Përvoja që ata mbajnë mend në
kushte të një punëzënie të lartë i referohet një sistemi ekonomik i cili, edhe pse me efikasitet
të ultë, prapëseprapë krijonte vende punë. Duke qenë kryesisht një vend agrar dhe me një
ekonomi të varur nga produktet që importohen, pa një të kaluar të qëndrueshme dhe të
njohur për zhvillim ekonomik dhe gjenerim të mirash, mallrash dhe shërbimesh, është e
kuptueshme që pronësia apo orientimi i menaxhimit të ekonomisë lokale bashkë me
elementet përcjellëse të saj në duart e sektorit privat të shoqërohet me një dozë frike. Në
anën tjetër, duke ditur se jo të gjitha format e ndërhyrjes së sferës publike në ekonomi janë të
dështuara 568 , dhe përderisa një pritshmëri e lartë ekziston në mesin e qytetarëve pikërisht për
“dorën e shtetit”, një gatishmëri e institucioneve lokale për të “rregulluar” ekonominë e
Skenderajt, nuk do të duhej t’i ngjasonte punës dhe veprimtarisë së deritanishme të komunës
si një institucion administrativ. Është e nevojshme që modeli i sjelljes së institucioneve
lokale si “administratë” të zëvendësohet me modelin e sjellës si “administrues” duke
ndërmarrë politika publike aktive që nxisin dhe promovojnë zhvillimin ekonomik lokal........
(Kjo pjesë është shkëputur nga hulumtimi në vazhdim e sipër me temë “Zhvillimi Ekonomik
Lokal dhe Ndikimi në Mirëqenjën Sociale-Rasti i Komunës së Skenderajt”.)
567 ILO “Employment, Poverty Reduction and Local Development” Training Center, Training on local
resource based approaches held in Bangkok, 23-27 April, 2007;
568 Për më gjerësisht, lexo Aurelia George Mulgan “Japan Interventionist’s State: Bringing Agriculture Back
In” (Japanese Journal of Political Science 6, Cambridge University Press 2006), Marie Anchordouy, David
Arase (2003), Richard Katz (1997), Yasusuke Murakami (1982) etj.
~ 618 ~