Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Prof. Dr. Sc. Sejdi REXHEPI 550 dhe Altin N. ADEMI 551 : DILEMAT DHE
MUNDËSITË E ZHVILLIMIT LOKAL(Rasti i Skenderajt)
Hyrje
Në fillim të vitit 2007, kur tregjet financiare shënuan rënien graduale dhe fillimin e “krizës
globale” zhvillimi i ekonomisë botërore akoma shihej në një kontekst të tërësisë, krahasuar
me shumën e pjesëve përbërëse të saj. Zhvillimi ekonomik i bazuar në një rrjet të gjerë
korporatash të shtrira në shumë vende, megjithatë tregoi se maksima se “çfarëdo që është e
mirë për biznesin, është e mirë edhe për shtetin” të mos ishte e vërtetë, për arsye se rënia e
një biznesi në një vend, ndikoi në rënien zinxhirore të bizneseve në vende tjera.
Ndonëse ekonomia botërore në tre dekadat e fundit shënoj një rritje të konsiderueshme edhe
falë procesit të globalizmit (integrimi e shpejtoj rritjen e Bruto Produktit Botëror prej 3.2%
në periudhën 1988-1997 dhe prej 4.4% nga 1988-2008 552 ), megjithatë zhvillimi ekonomik në
tre dekadat e fundit është promovuar me të madhe edhe përmes alternativave të tjera, në
mesin e së cilave një vend të veçantë zë valorizimi dhe futja në funksion e resurseve
ekonomike lokale.
Në shikim të parë emërtimi “zhvillim ekonomik lokal” në rrethanat e ekonomisë së Kosovës
na duket si një koncept i njohur dhe shpesh i dëgjuar, jo vetëm në ambientet publike si pjesë
e debateve të përditshme zhvillimore por edhe si pjesë e procesit të zhvillimit ekonomik,
ndonëse pa tërhequr ndonjë vëmendje të veçante. Së fundmi, ky proces ka filluar të trajtohet
edhe në ambientin shkencor, përderisa në vendet e zhvilluara që bartin statusin e zhvillimit
modern ekonomik, çështja e zhvillimit ekonomik lokal, tashmë përbën një disiplinë të tërë
shkencore dhe një nocion aplikativ të lidhur me politikën ekonomike dhe atë publike.
Megjithatë, në një shikim më të hollësishëm, shtrohen pyetjet se a mundemi në të vertetë ta
vizuelizojmë zhvillimin ekonomik lokal? Kush janë akteret në këtë proces dhe si na shërben i
njëjti për zhvillimin dhe avancimin tonë ekonomik, social e kulturor? Si mund ta masim
zhvillimin ekonomik lokal? etj.
Në këtë studim, jemi përpjekur të sjellim sfondin e procesit të zhvillimit ekonomik lokal në
komunën e Skenderajt, me ç’rast gjatë hulumtimit jemi përpjekur që tërthorazi të përgjigjemi
në pyetjet e sipërshtruara. Njëherit, përmes rastit tonë të studimit, kemi kuptuar që zhvillimi
ekonomik lokal është një proces më kompleks sesa që e kemi menduar dhe përceptuar në
fillim dhe se formati i tij definohet nga shumë faktorë, nderveprimi i të cilëve nuk mund të
kontestohet në mënyrë që të arrihen rezultatet e pritura nga ky proces, gjë që e konfirmojnë
edhe
550 Prof Dr.Sc Sejdi Rexhepi, Fakulteti Filozofik, Universiteti I Prishtinës,
551 Msc. Altin N. Ademi, Instituti për Politika Ekonomike Lokale, IPEL
552 Blakely, J. Edward and Nancy Green Leight “Planning Local Economic Development” SAGE, 2010, fq.2;
~ 613 ~