Java e Shkencës 2012 - Universiteti i Prishtinës

KUMTESA
motivim i ulët i personelit akademikë në Universitetin e Prishtinës dhe komuniteti i arsimit të lartë në
përgjithësi, nuk e kanë këtë të qartë në tërësi, procesin e Bolonjës ( OSCE, 2004). Po ashtu, nga
vlerësues të tjerë të kësaj çështjeje, potencohet se edhe përkundër pjesëmarrjes se mesimdhenesve në
trajnime të ndryshme për metodat e mësimdhënies, serish mësimdhënësit e edukimit te lartë në UP,
hezitojnë te ndryshojnë dhe vazhdojnë ta përdorin stilin e vjetër apo tradicional të të nxënit. (Mustafa,
Gashi, Demukaj, Havolli, Kotorri, 2004). Ne disa nga vlerësime të tjera, thuhet se ngecja e
funksionimit te plotë të reformave arsimore në Kosovë, është si pasoje e njohurive te pamjaftueshme
të personelit akademikë vendor për procesin reformues akademikë dhe mungesa e informacioneve te
duhura dhe komplete për këtë sistem, qe nga koha e fillimit të këtij procesi nga Misioni Kombeve të
Bashkuara në Kosovë (UNMIK), (Sommers dhe Buckland (2004), në Tahirsylaj,2008).
Faktorët ndikues në përformimin e studentëve përgjatë studimeve
Sipas, Helme & Clarke ( 2001), gjatë studimeve studentët bartin me vetë edhe një numër
tjetër të karakteristikave të cilat ndikojnë ne zhvillimin njohës apo kognitiv të tyre. Këto karakteristika
i përfshijnë: aftësitë e tyre, njohuritë, dispozitat, aspiratat, pritjet, perceptimet, nevojat, vlerat dhe
qëllimet( fq. 138). Ndërsa, sipas disa vështrimeve të tjera teorike, thuhet se motivimi është vërtetuar të
jetë ndikues në procesin e të nxënit tek studentët gjithashtu. (Helme & Clarke, 2001; Jenkins, 2001).
Hansen & Joe ( 2000) potencojnë se në përformimin akademikë të studentëve, ndërveprojnë faktorë
të tjerë si aftësitë e tyre individuale për të mësuar, gjinia, raca, etj. Faktorë të tjerë me ndikim janë
veçuar edhe mos durimi i mjaftueshëm i studentëve ( Kirby dhe Winston, 2002), jeta ne vendbanime
studentore (Alexander, Gur et al. 1974; Fraser, Beamn et al. 1977) dhe ambienti ku jetojnë studentët
(Hyman & Rosoff, 1985)., si dhe koha e kaluar në gjumë apo niveli i stresit me të cilën ata
ballafaqohen.(Wooten, 1998].
Një varg tjetër i studimeve, kanë vërtetuar se mënyrat e mësimdhënies mund të pengojnë
motivimin e studentëve dhe iniciativat e tyre gjithashtu. Sipas (Ericksen, 1978), shumë student u
përgjigjen në mënyrë shumë pozitive kurseve më të organizuara dhe të udhëhequra nga instruktor
entuziast, të cilët zgjojnë interesim tek studentët dhe mënyrat se si ata mësojnë. Lloje të tilla të
kurseve e promovojnë të nxënit tek studentët, dhe i motivojnë ata për të mësuar. Forma konstruktive
e të mësuarit u ndihmon studentëve të marrin përgjegjësi për të nxënit, dhe u mundëson atyre të jenë
te pavarur dhe të zhvillojnë konceptet e tyre për atë se çfarë mësojnë (Brooks and Brooks 1993, fq.
13). Ndërsa, sipas një analize tjetër, të realizuar me studentët të cilët kërkonin shërbime këshilluese,
nga Gallagher, Gill dhe Sysko ( 2000), është vërejtur se tek shumica e studentëve përveç faktorëve
akademik, një varg faktorësh kanë ndikuar në gjendjen e tyre jo të mirë emocionale, si faktorët social,
kulturorë, e personal, si ndarja nga partneri, familja jo funksionale, marrëdhëniet jo të mira me
prindërit, toleranca e ulët , dhuna, dhe marrëdhëniet jo të mira ndër personale.
Faktorët Akademikë : Vlerësimi i mësimdhënies dhe vlerësimit nga studentët
Të dhënat e mbledhura nga 1006 përfitues të sistemit te lartë te Edukimit ne Kosovë,
studentët e Universitet të Prishtinë, tregojnë se vlerësimi i mësimdhënësve është jo aq i lartë, por në
nivel mbi mesatarë. ( N=560 apo 55.7%) dhe ( N=146, apo 14.5 % ) pajtohen dhe pajtohen plotësisht
me deklaratën se mësimdhënësit e tyre prezantojnë për studentët përmbajtën e lëndës në përputhje të
plotë me lëndën dhe zhvillimet e fundi të disiplinën të cilën udhëheqin; ndërsa ( N=405, apo 40.3 %)
dhe ( N= 135, apo 13.2%) nga gjithsej studentët pjesëmarrës në hulumtim, pajtohen me deklaratën se
mësimdhënësit e tyre janë në gjendje të komunikojnë në mënyrë efektive me studentët e tyre ( shih
tabelën.:1 ne vijim).
Tabela.: 1
Vlerësimi i cilësisë së mësimdhënies nga studentët
Nuk
pajtohen
në
Nuk
pajtohen
Pajtohem Pajtohen
plotësisht
~ 594 ~
Neutral