Java e Shkencës 2012 - Universiteti i Prishtinës

KUMTESA
psikologjike e posaqërisht të psikologjisë fëmijërore e tyre. Është fakt që suksesi akademik vazhdon të
jetë prioritet i shumë mësuesëve, ata harrojnë të përdorin ,,fjalët, foljet, pasthirrmat, gjestet ose
grimasat që i tregojnë nxënësit se po i kuptojnë ndjenjat e tyre”. 542 Harrohet faktin që rruga e suksesit
është inkurajimi i fëmijëve, ofrimi i një mjedisi stimulues, mbështetës për nga ana emocionale do ta
trimëronte fëmijën meqë ,, gjashtëvjeçari merr krahë kur nxitet, dështimet i ka të vështira… shkolla
zëvendëson shtëpinë si influencë ambientore më e rëndësishme” 543 Figura e mësueses apo mësuesit,
përshtypjet e fëmijëve për të janë shumë të rendësishme në këtë proces. Jo rrallëherë na ka rastisur të
dëgjojmë, se si fëmijët i ekspozohen frikës shkollore edhe nga fjalët kërcnuese të ndryshme të
prindërve si,, kamera e mësueses është në shtëpinë tonë, ajo sheh gjithçka që ti po bën”. Pa e nisur
mirë ende jetën e shkollarit, fëmijët nisin të krijojnë përshtypjet e tyre për shkollën, punën që i pret
atje figurën e mësuesit dhe dita e parë e shkollës,, është momenti kur fëmija vërteton personalisht
përshtypjet pozitive dhe ato negative që i ka për shkollën” 544 .Që në ditën e parë në shkollë fëmijëve iu
bënë jashtëzakonisht përshtypje toni i zërit të mësueses apo mësuesit, mimika e tij, qëndrimi
dashamirës, përkujdesi, interesimi, komunikimi që iu jep zemër ( ledhatim koke, thirrja me emër).
IV. Rezultatet e hulumtimit
Frika shkollore del të jetë rezultat i shumë faktorëve dhe sigurisht që po qe se do të bënim një studim
më të thellë dhe më të gjatë në kohë do të gjenim edhe një mori arsyesh ( frikësimesh) të ndryshme,
që i shtyejnë fëmijët të refuzojnë shkuarjen apo qëndrimin në shkollë. Harmonizimi i të dhënave nga
pyetësori qetë në pah këto pika:
Janë shumë të rëndësishme përshtypjet e nxënësve për ditën e parë të ardhjes në shkollë,
takimin me mësuesin (nxënia është proces i gëzueshëm). Klima jo e mirë në shkollë,
struktura dhe dinamika e klasës, tipi i mësuesit, kërkesat që shtron ai në procesin e të
nxënit, janë arsye që të shfaqet te fëmija frika shkollore.
Fëmija, zhvillimi psiko-fizik i tij, janë një faktor me vete, me peshë në çështjen e
shfaqjes së refuzimit për të shkuar në shkollë.Të qenit ndryshe nga të tjerët- dallimet
trupore mund të jenë arsye për t’u shfaqur refuzimi për të shkuar në shkollë ( mbipesha
dhe ora e edukatës fizike)
Të nxënit dhe rezultatet e fëmijës mund të jenë një shkak i shfaqjes së refuzimit për
të shkuar, qëndruar në shkollë( harrimi i librave, mosbërja e detyrave të shtëpisë etj.)
Nuk punohet sa duhet në drejtim të përgatitjes së fëmijëve për një kalim sa më të lehtë nga
nivelet e shkollimit (mungesa e dokumentimit të zhvillimit psikofizik të fëmijëve, raporti
MM dhe MK, pikat e dobëta dhe të forta të fëmijës); Numri i madh i nxënësve minimizon
përkujdesjen individuale të mësuesit për secilin fëmijë.
Kontributi i psikologut në shkollë është i domosdoshëm
Përgatitja jo e mirë e mësimdhënësve në çështjet psiko-pedagogjike, në zotërim të teknikave
për menaxhimin e dukurive afektive ( laramania e rasteve dhe situatave). Ata e shohin veten
pa përvojë paraprake, pa modele të mirëfillta veprimi për tematikën në fjalë.
542 Ismaili, Xhafer. Efektet stresuese të mësimdhënies dhe ecuritë e reduktimit të tyre. Prishtinë: Libri
shkollor , 2011, fq.241.
543 Grup autorësh . Krijimi i klasave me në qendër fëmijën (6-7 vjeç). Tiranë:Extra, 1999, fq. 15.
544 Ismajli, Xhafer: Motivimi dhe emocionet në shkollë. Shkëndija, dhjetor ,2000.fq 2.
~ 584 ~