Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
situatave” 536 . Dhe, sigurisht që çdo njeri ndjenë disi frikë apo pasiguri në situata të caktuara në jetë,
por kur kjo frikë bëhet pengesë në funksionimin normal të jetës, atëherë mund të themi që kemi të
bëjmë me një frikë specifike 537 që edhe mund të jetë rast për t’u brengosur. Kur flasim për fëmijët e
moshës 6 vjeçare, të cilët nisin klasën e parë mund të themi që sa sjell hare në jetën e fëmijës
vajtja në shkollë, angazhimi në aktivitete, detyra të ndryshme, në të njëjtën kohë mund të jetë
edhe burimi i mundshëm i vuatjes, frikës. Që në ditët e para të shkuarjes në shkollë, do të dalin në pah
fëmijët që i përtojnë shkuarjes në shkollë, për arsye që kanë qef të qëndrojnë në shtëpi, meqë aty e
kanë mundësinë të vazhdojnë të merren me aktivitete, punën që iu pëlqen, aty kanë prindërit afër dhe
fleksibiliteti ditor në shtëpi i tërheqë ata. Janë një mori arsyesh që shtyejnë fëmijët të mos pajtohen për
të marrë rrugën për në shkollë ose të refuzojnë të qëndrojnë në shkollë. Ka mundësi që vajtja në
shkollë të sjellë frikë apo të shoqërohet me një dozë frike, e cila përmban në vetvete dimensione
psikologjike, konsiderohet si një lloj depresioni psikik. 538 Nga shfletmi dhe analiza e literaturës që
trajton tematikën në fjalë, del se janë një mori faktorësh që bëjnë të rriten gjasat që femijët që nisin
klasën e parë të refuzojnë shkuarjen apo qëndrimin në shkollë. Fëmijët me frikë shkollore fillimisht
kanë kinse simptomat e sëmundjes dhe të tillët zakonisht ,, sëmuren” derisa ai /ajo të mos jetë i/e
sigurtë se do të mbetet në shtëpi dhe nuk do të marrë rrugën për në shkollë. Përpjekjet për të definuar
frikën shkollore datojnë kaherë, që në vitin 1932 nga Droadwin, pastaj
Johnson, Kenocily e të tjerë. 539 . Sot, frika shkollore shihet si,, frikë intenzive e fëmijës, që lidhet me
shkollën … stres kronik, i cili emocionalisht e godet fëmijën, … prek shëndetin e fëmijës, ndikon në
funksionimin e disa organeve, ul rezistencën dhe shkakton pengesa psikofiziologjike ose
psikosomatike’’ 540 . Ankesat nga më të ndryshmet vijnë gjithëherë pothuajse në kohën e njëjtë, në
kohën kur nisin përgatitjet për të shkuar në shkollë, atëherë fëmijët zakonisht ankohen se kanë
dhimbje koke, dhimbje të fytit, barkut me qëllim që t’iu lejohet të qëndrojnë në shtëpi. 541
Përvoja dhe hulumtime të shumëta tregojnë se për frekuentimin e fëmijës në shkollë, ambientimin e tij
në mënyrë të tërthortë kanë përgjegjësi edhe prindërit e fëmijëve. Sa më i kënaqshëm të jetë raporti i
bashkëpunimit të prindërve me mësuesin, aq më sukseshëm do të integrohet fëmija në jetën shkollore
meqë prindëritë do të kontribuojnë në përzgjedhjen sa më adekuate të përmbajtjeve të ndryshme, të
cilat janë të përshtatshme për shkallën e zhvillimit të fuqive dhe aftësive, interesave, emocioneve,
përvojës së përditëshme të fëmijëve. Nuk do të ishte korrekte, që në këtë proces të shihet mësuesi apo
mësuesja si faktor i vetëm me rëndësi në këtë proces, meqë edhe prindërit kanë përgjegjësi. Në vargun
e faktorëve me rëndësi jetike në këtë proces, është edhe ndikimi i mësimdhënësit, shkalla e njohurive
536 Nushi, Dr Pajazit. Fjalor i psikologjisë. Prishtinë. 1987, fq.70.
537 Shih më shumë: Morris, Charles& Maisto, Albert. Psikologjia-shkenca e proceseve mendore dhe e
sjelljeve njerëzore. Tiranë: CDE, 2008, fq. 427.
538 www.telegrafi.com/.../perse-femijet-refuzojne-shkollen-53-8.html
539 Kearney, Christopher A.Silverman, Wendy K.TITLE. Children and Adolescents with School
RefusalBehavior. PUB DATE Nov 91NOTE14p.; Paper presented at the Annual Conventionof the
American Association for Advancement of BehaviorTherapy (25th, New York, NY, November 21-
24,1991).
540 Grup autorësh. Shkolla dhe shëndeti mental. Ferizaj: QPEA, 2007, fq.181.
541 http://www.aacap.org/galleries/FactsForFamilies/07_children_who_wont_go_to_school.pdf
~ 583 ~