Java e Shkencës 2012 - Universiteti i Prishtinës

KUMTESA
në fëmijë. Secili fëmijë, botë në vete! Kur flasim për fëmijët e moshës 6 vjeçare, që nisin klasën e parë,
mund të themi që nuk janë të paktë fëmijët, të cilët nuk iu përshtaten shpejt ndryshimeve, tregohen të
druajtur, nuk marrin pjesë me entuziazëm në aktivitetet mësimore, për ta vajtja në shkollë, angazhimi
në aktivitete mësimore, detyra të ndryshme, mund të jetë edhe burimi i mundshëm i vuatjeve,dhe që
ata të refuzojnë të shkojnë apo edhe të qëndrojnë në shkollë. Ky problem, i dalë në shesh me emrin tani
frika shkollore ka qenë i rrënjosur qysh para shumë kohësh dhe as atëherë e as tani nuk është trajtuar në
mënyrën adekuate.
Vlerësojmë, që edhe prindërit e edhe mësuesit nuk kanë qenë në dijeni sa duhet për rëndësimë që ka
përgatitja e fëmijës për kalim sa më të lehtë nga nivelet e shkollimit dhe se kjo periudhë e nisjes se
klasës së parë, është një periudhë delikate në jetën e femijës dhe mund lë gjurmë në jetën psiko-fizike të
tij.
II. Qasje metodologjike e problemit
Qëllimi i hulumtimit: Qëllimi ynë ishte fillimisht të ndihmojmë me informacion dhe me sugjerime
për tematikën në fjalë, të identifikohen shkaqet e mundshme dhe të sugjerohen ndërhyrjet për evitimin
e rasteve që çojnë në shfaqjen e frikës shkollore te fëmijët që nisin klasën e parë.
Detyrat e hulumtimit: Të nxirren të dhëna për për praninë e frikës shkollore, te fëmijët e moshës
6–vjeçare që nisin klasën e parë; Të nxirren rekomandime, në ndihmë gjashtëvjeçarëve që kanë frikë
të shkojnë në shkollë apo refuzojnë të qëndrojnë në shkollë; T’i nxisim psikologët dhe
mësimdhënësit, që të marrin inciativat profesionale, në dobi të përmirësimit të gjendjes në shkollat
tona, në drejtim të evitimit të frikës shkollore te fëmijët e moshës 6 vjeçare që nisin klasën e parë;
Hipoteza:
H: Te fëmijët që nisin klasën e parë, është e pranishme frika shkollore
H¹: Te fëmijë të ndryshëm, frika shkollore varion në format e shprehjës së saj
Pjesëmarrësit në hulumtim: Fillimisht me ndihmën e drejtorëve të shkollave dhe mësuesëve, janë
selektuar rastet për hulumtim dhe i kemi kontaktuar prindërit e këtyre fëmijëve, gjithsej 15 prindër,
prej tyre 10 femra dhe 5 meshkuj, prej tyre 7 me edukim superior. Për mbledhjen e të dhënavë për
tematikën në fjalë, pjesëmarrës në hulumtim ishin edhe mësuesit e fëmijëve që kishin refuzuar
shkuarjen, qëndrimin në shkollë. Pyetësori i’u është shpërndarë pjesëmarrësve, duke iu rikujtuar atyre
konfidencialitetin. Hulumtimi është realizuar në qytetin e Vushtrrisë, përkatësisht në 4 shkolla fillore.
Metodat dhe instrumentet e hulumtimit: Si instrument hulumtimi për të nxjerrë të dhëna nga
tereni, për problematikën në fjalë kemi përdorur pyetësorin. Pyetësori përmbante pyetje të thjeshta
që kërkonin nga pjesëmarrësit të përshkruanin situatat me të cilat janë ballafaquar dhe mënyra se si ia
kanë dalë që t’i bindin fëmijët e tyre që të mos refuzojnë shkuarjen apo qëndrimin në shkollë.
Prindëritë e edhe mësuesit nuk kishin shumë informacione në këtë rrafshin psikologjik të problemit,
bile emërtimi fobi shkollore nuk ishte shumë i qartë për ta. Ata ishin në gjendje të flasin e të na
ofrojnë informacion vetëm në tipet e pyetjeve të mëposhtme si: A mund ta sillni ndërmend për ne
reagimet e fëmijës tuaj në fillim vitin shkollor?;A mund të na tregoni me hollësi se si vepruat në këtë
rast?; Sa i fuqishëm mendoni se ka qenë bashkëpunimi shkollë-familje( mësues-prindër) për t’u zbutur
problem? etj. Pyetësori iu është shpërndarë pjesëmarrësve, duke iu rikujtuar atyre konfidencialitetin.
Koha për të plotësuar pyetësorin ishte 20 minuta. Pjesëmarrësit në hulumtim treguan seriozitet,
gatishmëri në trajtim të çështjes. Metoda e përdorur në hulumtim është ajo analitike dhe deskriptive (
përshkruese).
III. Përshkrimi i frikës shkollore
Në cilat raste mund të flasim për frikë shkollore? Për frikën nga gjërat, objektet specifike flasin shumë
studime. Duke u nisur nga përkufizimi i kuptimit të nocionit frikë/fobi, në fjalorin psikologjik gjejmë
se,, fobia (greq.phobia = frikë), frikë e sëmurë te disa individë ndaj objekteve, ndaj dukurive ndaj
~ 582 ~