Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Msc. Jehona Ferizi MIFTARI, Besa FERIZI: PËRSHKRIMI I FRIKËS
SHKOLLORE TE FËMIJËT QË NISIN KLASËN E PARË
Studente e doktoraturës, Universiteti i Evropës Juglindore, Tetovë
Asistente për lëndët e pedagogjisë, Fakulteti i Edukimit, Universiteti i Prishtinës
I. Hyrje
Me përfundimin e luftës në Kosovë, nisi reformmi i sistemit të arsimit në të gjitha nivelet, nga arsimi
dhe edukimi parashkollor deri në arsimin e lartë, me qëllim të sëndërtimit të një sistemi të arsimit
bashkëkohor. Me këtë rast, dukshëm vërehen ndryshimet në të gjitha fushëveprimtaritë arsimore, u
përmirësua infrastruktura shkollore, u organizuan programe trajnimi e aftësimi profesional të
mësimdhënësve, u hartuan dhe u implementuan ligje e dokumente të shumta që rregullojnë veprimtarinë
shkollore siç janë: Korniza e Kurrikulit të Ri të Kosovës, Strategjia e Zhvillimit të Arsimit në
Kosovë(2007-2017) etj. Ndryshimet në legjislacionin shkollor sollën edhe zgjatje të shkollimit të
detyrueshëm, organizim të ri të niveleve të shkollimit. 533 Në bazë të këtij legjislacioni shkollor të
tanishëm, edukimi parashkollor merr karakter obligativ dhe parashihet që fëmijët para se të nisin klasën
e parë, të ndjekin dy nivele të edukimit atë parashkollor ( mosha 1-5) dhe parafillor ( mosha 5-6), e kjo
shpie drejt përgatitjes më të mirë të fëmijëvë që nisin jetën shkollore. Edhe në Planin Strategjik të
Arsimit në Kosovë (2011-2016), del të jetë prioritet dhe çështje strategjike ,, zhvillimi dhe përkrahja e
shërbimeve të zhvillimit në fëmijërinë e herëshme… zhvillimi i ambienteve miqësore shkollore për
fëmijët”. 534 Megjithë këta hapa pozitivë të hedhur deri tani, jemi dëshmitarë të një situate jo të mirë në
këtë rrafsh. Edhe pse proklamohet rëndësia e edukimit parashkollor dhe parafillor, si dhe e drejta për
pjësëmarrje e secilit fëmijë në te, përfshirja e fëmijëve në këto nivele të edukimit është e vogël. Dhe, me
këtë rast rriten gjasat që pikërisht këta fëmijë, të cilët nuk kanë pasur ndonjë parapërgatitje profesionale
për të nis klasën e parë, përkatësisht një hallkë të re në vargun e hallkave të mëtejme të edukimit dhe
arsimimit, refuzojnë të shkojnë në shkollë dhe kanë frikë para se të shkojnë në shkollë. Fillim viti
shkollor, takimi i parë me mësuesin apo mësuesen bënë që te shumë fëmijë të dridhet buza dhe gati sa
edhe nuk pikon loti. Që në klasën e parë do të kemi ,,, fëmijë, i cili di të flas për jetën në mars, po nuk di
t’i mbledhë 2+2,… fëmijë i cili si pa kokë nxiton ta kryejë detyrën, i pari e kryen, po asgjë nuk është e
saktë… fëmijë i cili nuk do të shkojë në shkollë, në vend të saj shpik probleme lukthi, temperaturë ose
kokëdhembje” 535 Ky ilustrim situate, kjo laramani në klasë tregon më së miri se mënyra se si fëmijët iu
përgjigjen kërkesave në mjedisin shkollor, se si ata e përjetojnë jetën shkollore, varion nga fëmija
533 Shih më shumë: MASHT, Korniza e Kurrikulit të Ri të Kosovës
534 Shih më shumë: MASHT, Planin Strategjik të Arsimit në Kosovë (2011-2016)
535 Miller, Bonnie. Komunikimi me fëmijë. Ferizaj: QPEA, 2004, fq.98.
~ 581 ~