Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
sigurinë për vendimmarrjen me koeficient prej .391 dhe signifikancë prej .000 që nënkupton se sa më
shumë njohuri që të rinjtë kanë për profesionin e tyre të preferuar, aq më të lartë e kanë sigurinë për
vendimmarrje.
Bazuar në të njëjtën analizë statistikore, siguria për vendimmarrjen është parë kë ketë
ndërlidhje edhe me faktorët kontekstual dhe përkrahjen prindërve, mësimdhënësve e
bashkëmoshatarëve për zgjedhje të profesionit. Rëndësia dhe ndërlidhja e faktorëve kontekstual me
vendimmarrjen është potencuar edhe nga studime tjera (Lent, K W., Brown, S, D., & Hackett, G.
1996; Ferry, (2006). Përkrahja prindërore është parë të jetë faktori me nivel më të lartë të ndërlidhjes
me sigurinë për vendimmarrje, por ndonëse në nivel pak më të ulët, edhe shkolla dhe
bashkëmoshatarët janë parë të jenë faktorë mjaft të rëndësishëm për sigurinë e vendimmarrjes, gjetje
këto që konsistojnë në një linjë të drejtë me rezultatet e studimeve të bëra për analizë të faktorëve të
tillë (Ferry, 2006). Rezultatet mbi ndërlidhjen e vendimmarrjes me përkrahjen e prindërve, shkollës,
bashkëmoshatarëve e faktorëve tjerë kontekstual janë në konsistencë edhe me gjetjet e studimit të bërë
në Kosovë (Jemini – Gashi, L. 2010).
Bauzar në të gjitha rezultatet e këtij studimi, mund të thuhet se vendimmarrja për profesion
është një process i ndërlikuar edhe për të rinjtë kosovarë të regjionit të Prishtinës. Rezultatet tregojnë
se pjesa më e madhe e maturantëve kanë vendosur për profesion, por është mjaft shqetësuese që rreth
njëzet përqind e pjesëmarrësve nuk kishin bërë zgjedhjen e tyre profesionale edhe pse ishin në fund të
shkollimit të mesëm. Shqetësues po ashtu është fakti që disa prej pjesëmarrësve kanë deklaruar se
profesioni i zgjedhur nuk është vendim i tyre. Ky studim jep një pasqyrë të qartë të të dhënave mbi
sigurinë e vendimmarrjes ndërlidhur me shumë variabla të rëndësishme, por janë më se të nevojshme
dizenjime tjera të studimeve duke përfshirë edhe faktorë tjerë.
~ 579 ~