Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
prindërit e nxënësve me rezultate të ulëta zakonisht vijnë në fund të vitit shkollor pasi i shqetëson
mundësia që fëmijët e tyre mund të jenë jo kalues.
Konkluzione
Studimi tregoi se bashkëpunimi shkolle-familje ka një lidhje pozitive substanciale arritjet
akademike të nxënësve, por nga ana tjetër rezulton se palët në këtë bashkëpunim paragjykojnë njëratjetrën.
Sa më larg që të qëndrojnë mësuesit dhe prindërit aq më shumë do të rritin qëndrimet
paragjykuese për njëri- tjetrin. Për tu përballur me këtë, është e rëndësishme të bëhen përpjekje për të
rritur nivelin e marrëdhënieve mësues-prind, pasi është pikërisht kjo marrëdhënie që përcakton se sa të
koordinuara do të jenë të dy mbështetjet, si ajo e mësuesit ashtu edhe ajo prindërore, për të cilat
nxënësit kanë aq shumë nevojë.
Gjithashtu, u pa se prindërit e deklarojnë një nivel më të lartë bashkëpunimi se mësuesit por
nivel më të ulët komunikimi midis palëve. Mësuesit paragjykojnë rezultatet e nxënësve duke gjykuar
se faktorët demografikë ndikojnë në to. Studiuesit Epstein (1995) dhe Gianzero (2001) kanë gjetur në
studimet e tyre se mënyrat se si prindërit përfshihen në edukimin e fëmijëve është më e rëndësishme
dhe ka ndikim më të madh në arritjet akademike të nxënësve se variablat e background familjar.
Gjithashtu Henderson dhe Berla (1997) si dhe Gianzero (2001) theksuan se ku se kur shkollat punojnë
së bashku me familjet për të mbështetur të nxënit, fëmijët kanë prirjen të jenë më të suksesshme jo
vetëm në shkollë por edhe jetë. Nga studimi rezulton se ka lidhje të rëndësishme midis notave të
fituara nga nxënësit dhe gjinisë, nivelit të shkollimit të prindërve, si dhe nivelit të të ardhurave
mujore, por nuk ka lidhje midis gjendjes familjare të prindërve, apo dendësia e banesës.
Pjesëmarrja e prindërve jo vetëm në takime me prindër, por përfshirja e tyre në jetën
shkollore përfshirë këtu edhe veprimtaritë mësimore të çdo klase, do të ndihmonte krijimin e një klime
pozitive bashkëpunimi dhe komunikimi që do të ndikonte në një njohje më të thellë midis palëve dhe
për rrjedhojë do të shembte gradualisht paragjykimet që ekzistojnë midis mësuesve dhe prindërve.
Gjithashtu, për të rritur nivelin e marrëdhënieve shkollë-familje, shkollat duhet të hartojnë një plan të
detajuar ku të gjenden rrugë të ndryshme për krijimin e kontakteve dhe informimin në përshtatje me të
gjitha llojet e familjeve. Ky të jetë një plan jo vetëm për veprim por me pas edhe për vlerësim.
Paralelisht, ndërhyrja në kurrikulat e Fakulteteve të Mësuesisë duke krijuar kurse të veçanta për t’i
përgatitur mësuesit e ardhshëm për partneritetin me prindërit, do të ndikonte në përmirësimin e
gjendjes në të ardhmen.
Recensentë:
PhD Marina DALLA Universiteti i Athinës, Greqi
Dr. Muharrem JAKUPI Universiteti “A. Moisiu” Durrës
~ 573 ~