Java e Shkencës 2012 - Universiteti i Prishtinës

KUMTESA
Bashkëpunimi shkollë- familje është pjesë e punës së mësuesi është një detyrë e vështirë
dhe një burim të përbashkët pasigurie dhe frike si për mësuesit ashtu edhe për prindërit. Në ciklin e
lartë të shkollës 9-vjeçare, ku nxënësit janë duke kaluar pubertetit dhe po hyjnë në adoleshencë, mund
të lindin si problemet por edhe sfidat në mësimdhënie, të cilat janë të panjohura në periudhën shkollës
fillore. Prandaj, është shpesh një nevojë për mësuesit të bashkojnë forcat e tyre me prindërit për të
mbështetur rritjen dhe zhvillimin e shëndetshëm të nxënësve.
Prindërit e vlerësojmë bashkëpunimin me mësuesit në shkollën fillore por niveli i
bashkëpunim zvogëlohet kur nxënësit hyjnë në ciklin 9-vjeçar. Ndarja e mësuesve sipas lëndëve
gjykohet të jetë një nga arsyet kryesore për uljen e nivelit të bashkëpunimit por jo vetëm. Mungesa e
barazisë për sa i përket niveleve arsimore, mungesa e besimit bazuar në përvojat e mëparshme,
mungesa e disponueshmërisë në momentin e duhur, mungesa e përgjegjësive të qarta midis palëve,
refuzimi për të dëgjuar, boshllëku i komunikimit (komunikimi formal) apo mbingarkesat, janë faktorë
që ndikojnë në komunikimin midis prindit dhe mësuesit dhe për rrjedhojë edhe në marrëdhëniet midis
tyre.
Secili nga ne e katalogon botën sipas mënyrës se tij. Perceptimi selektiv ndodh kur njerëzit
bllokojnë informacionin nëse ky informacion bie ndesh me atë çka ata besojnë. Kur njerëzit marrin
informacion, ata priren te dëgjojnë vetëm ato pjesë që konfirmojnë ose riafirmojnë besimet e tyre.
Perceptimi final rezulton në stereotipizim. Krijimi i stereotipeve është një pengesë për komunikimin
pasi tendenca e këtij komunikimi priret te dëgjojë vetëm ato elemente që konfirmojnë imazhet e tyre
stereotipe dhe kështu krijohet mundësia për paragjykime.
Qëllimi i studimit
Ky studimi synon:
Të përcaktojë nivelin e marrëdhënies prind- mësues dhe mësues- prind.
Të përcaktojë lidhje që ekziston midis niveli të marrëdhënies prind- mësues dhe arritjeve
akademike të nxënësve.
Të përcaktojë lidhjen që kanë; gjinia, faktorët demografikë të nxënësve (gjendja familjare e
prindërve, arsimimi i prindërve, gjendja ekonomike) me arritjet akademike të nxënësve.
Të zbulojë paragjykimet midis mësuesve dhe prindërve.
Metodologjia
Popullata e studimit ishin nxënës të klasave të 9 ta të shkollave 9-vjeçare publike të qytetit të
Tiranës, prindërit e tyre si edhe mësuesit e gjuhës amtare dhe të matematikës që u jepnin mësim gjatë
vitit akademik 2010-2011. Kampioni i këtij studimi qenë 714 nxënës dhe 173 prindër këtyre nxënësve,
të cilët u përzgjodhën në mënyrë rastësore në 21 shkolla nga 66 shkolla publike qe ka qyteti i Tiranës
si dhe 22 mësuesit e gjuhës amtare dhe 24 mësuesit e matematikes.
Për nevojat e këtij studimi u përdor një instrument matës i përbërë nga tre pjesë; Pjesa e
parë ishte një pyetësor me vetë-raportim që përmbante të dhëna personale dhe demografike për
nxënësit (N=714) Pjesa e dytë, ishte pyetësori me vetë- raportim nga mësuesi “Shqyrtimi i
marrëdhënies prind-mësues” (Vickers, & Minke, 1995) për të përcaktuar nivelin e marrëdhënies
prind-mësues (N=714) i cili kishte dy nënshkallë, bashkëpunimin (19 artikuj) reabiliteti është α= .92
dhe komunikimin (5 artikuj) reabiliteti α= .66. Pjesa e tretë, ishte pyetësori me vetë-raportim nga
prindërit “Shqyrtimi i marrëdhënies mësues-prindër” (Vickers, & Minke, 1995) për të përcaktuar
nivelin e marrëdhënies dhe mësues-prind (N=173) i cili kishte dy nënshkallë, bashkëpunimin (19
artikuj), reabiliteti α= .82 dhe komunikimin (5 artikuj) reabiliteti, α= .62
U realizuan gjithashtu edhe 81 intervista gjysmë të strukturuara me prindër dhe dy fokus
grupe me mësues për të zbuluar paragjykimit e palëve. Notat dhe mungesat e nxënësve u nxorën nga
regjistrat e shkollave dhe klasave përkatëse.
~ 570 ~