Java e Shkencës 2012 - Universiteti i Prishtinës

KUMTESA
parë ose mbetet çështje e asistentëve. Në raste të tilla realizohet si detyrim formal i studentëve duke
mos e realizuar as qëllimin kryesor të punimit seminarik-debatin për temën. Roli i mësimdhënësit në
seminare është i pazëvendësueshëm. Prandaj, përgatitja dhe realizimi i seminareve në mësimdhënien
e arsimit të lartë është e domosdoshme dhe paraqet jo veçse një sfidë intelektuale për studentë. Kur
jemi te studimet themelore në Fakultetin e Edukimit më mirë është të mendohen dhe zbatohen forma
dhe metoda tjera alternative se sa një mënyrë e realizimit të punimeve seminarike që e bëjmë sot. Në
studimet master po përballemi me numrin e madh të studentëve, mungesën e hapësirave përkatëse
edhe përkundër përpjekjeve të mësimdhënësve. Rrjedhimisht mendojmë se nuk jemi duke e realizuar
këtë metodë në mënyrë efikase. Ngritja dhe shqyrtimi i këtij problemi padyshim na shpie tek çështja e
përgatitjes së punimit seminarik. Jemi të mendimit se këtu përballen mësimdhënia tradicionale jo ana
pozitive e saj, meqë ka përpjekje që mësimdhënia tradicionale të trajtohet jo edhe si anë pozitive, si
dhe kërkesa e domosdoshme sa jemi duke i aftësuar studentët për të shkruar një punim seminarik.
Qëndrimi i mësimdhënësve karshi studenteve, sidomos në procesin e vlerësimit, është problem
kompleks, i cili ka qenë dhe është fushë e studimeve të ndryshme. Nota përfundimtare e studentëve
përformohet në të shumtën e rasteve nga testet, angazhimet e tyre në projekte, në diskutime dhe
debate të ndryshme si dhe aktivitete të tjera që kanë të bëjnë drejtpërdrejt me veçantitë e kurseve
(lëndëve), drejtimeve dhe mënyrave të organizimit të studimeve. Që në fillim nuk duhet përjashtuar
që vlerësimi ndodh që të jetë seleksionues jo vetëm për nga gjinia, por edhe nga steriotipet dhe
paragjykimi në aftësinë e studentëve. Ndodh shpesh që shkaku i vlerësimit jo të drejtë e ka burimin
në mos vlerësimin e drejtë, mungesën e informacioneve dhe transparencës, gjykimet e ngutshme përse
jo edhe rastet tjera të përgjithësimeve.
Nga rezultatet e një studimi me studentët e Fakultetit të Edukimit në Gjakovë, hulumtim në të cilin
kanë marrë pjesë 153 studentë të programeve të ndryshme të vitit të tretë dhe të katërt, një hulumtim i
kufizuar,na dalin këto rezultate:
Në pyetjen se si i vlerësojnë ligjëratat e profesorëve, rezulton sipas gjetjeve se 54.9 % e studenteve
mendojnë se janë relativisht të kënaqur me ligjërimet e profesorëve kurse 28.1 % janë shumë të
kënaqur; vetëm 15% janë pak të kënaqur dhe 2% aspak.
~ 554 ~