Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Ma .Mirela KARABINA 1 : PERCEPTIMI I MESUSEVE PER FORMEN DHE STILIN E
DREJTIMIT TE SHKOLLES.
~ 547 ~
( 1 )Universiteti i Tiranës
Fakulteti i Shkencave Sociale
Departamenti Pedagogji-Psikologji
Abstrakt
Ky shkrim është një përpjekje për të krijuar mundësinë e njohjes së formës dhe stilin të drejtimit të
shkollës, si një faktor i rëndësishëm në arritjen e rezultateve dhe klimës pozitive, mundësisë së
ndërhyrjes për përmirësimin e formës së drejtimit. Pyetja e ngritur është: “Cili është stili i drejtimit që
përdoret në shkollat 9-vjeçare të qytetit të Tiranës?” Për këtë është zhvilluar pyetësor me mësues për
të parë perceptimin e tyre mbi formën e drejtimit të shkollës. Janë ballafaquar rezultatete e pyetësorit
me teoritë dhe studimet aktuale të stilit të drejtimit të shkollës, rëndësisë së përdorimit të disa stileve
të ndërthurura për të kuptuar rëndësinë dhe mundësinë e përmirësimit të tyre. Rezultatet e studimit
kanë mbështetur hipotezën e ngritur se: ”Stili i përdorur është bashkëpunues dhe konsultativ”. Mbi
këtë bazë janë dhënë konkluzione dhe rekomandime, të cilat janë parë si ndihmesa në këtë fushë dhe
do të shërbejnë si mbështetje për njohjen dhe përmirësimin e drejtimit të shkollës.
1.Hyrje
Një nga çështjet me interes në fushën e drejtimit të shkollës është stili i drejtimit, dhe specifikisht lloji
i stilit që përdoret nga drejtuesit, efikasiteti i tyre. Ne trashëgojmë një traditë, e cila ka krijuar kulturën
tonë të drejtimit. E kaluar nga një brez në tjeter, kjo formë vjen duke u ndryshuar për arsye të
zhvillimit të shoqërise. Në këtë shoqëri që ndryshon, roli i drejtuesit është i rëndësishëm, por edhe i
vështirë. Përkushtimi ynë profesional, qytetar, human, duhet të jetë në ndihmesën për të treguar rrugët
dhe mundësitë pozitive, koherente, efektive për përmirësimin e stileve të drejtimit (Fullan, 2010). Në
kushtet aktuale drejtimi i shkollës paraqet probleme.të karaktereve të ndryshme. Kapacitetet drejtuese
herë-herë janë të diskutueshëm dhe sjellin problematikën e tyre në drejtim. Tradita, eksperienca,
gjendja aktuale kërkon një vemendje nga të gjithë aktorët për këtë çështje.
1.1 Qëllimi i studimit:
Vlerësimi i stileve të drejtimit që aplikohen sot në shkollat 9-vjeçare të qytetit të Tiranës.
1.2 Objektivat e studimit
1.Të identifikojë stilet e drejtimit në shkollat 9- vjeçare të qytetit të Tiranës.
2.Të pasqyrojë format dhe stilet e drejtimit në teoritë dhe studimet aktuale.
3.Të pasqyrojë opinionin e mësuesve mbi formën e drejtimit.
4.Të ofrojë rekomandime për përmirësimin e drejtimit të shkollës.
2.Shqyrtimi i literaturës
Eksperienca e vendeve perëndimore afron analiza dhe raporte, ku roli i drejtuesit në arritjet e shkollës
është parësor. Në praktikën tonë në analiza dhe raporte, drejtuesi është parë si një nga faktorët në
ecurinë e shkollës, por jo si çelësi i suksesit të saj.“Drejtimi nuk është mobilizimi i të tjerëve për të
zgjidhur problemin, sepse ato e dinë si ta zgjidhim, por t,i ndihmojë ato të përballen me problemin, i
cili nuk është zgjidhur me sukses” (Fullan, 2004, fq.1).
Peter Drucker, teoricien i menaxhimit shprehte se menaxhuesit i japin organizatës drejtimin dhe
vendosin si t’i përdorin burimet e organizatës, qoftë kjo ndërmarrje prodhuese apo shkollë. Duke