Java e Shkencës 2012 - Universiteti i Prishtinës

KUMTESA
Qendra Burimore “Dr Xheladin Deda” Pejë
Tani pas gjashtë vjet themelimi të Qendrës së parë Burimore për mësim “Dr Xheladin Deda” në Pejë
mund të analizojnë gjendjen e përkrahjes për nxënësit e verbër të integruar në sistem të rregullt
arsimor. Qendrat Burimore për mësim janë themeluar me qëllim që ekspertizën e shkollave me
nxënës me aftësi të kufizuara ta shpërndajnë në institucionet parashkollore, shkollat dhe organizatat e
ndryshme, familjet dhe individët. Qendrat Burimore, jane njësi në përbërje të koordinatorit,
mësimdhënësve udhëtues dhe grupit mbështetës për të dhënë përkrahje shkollave të rregullta për
nxënësit me nevoja të veçanta arsimore.
Figura 1.Paraqitja skematike e funksionimit te Qendrës Burimore
Mësuesit udhëtues
Detyrat parësore të mësuesve udhëtues janë: identifikimi i nxënësve me nevoja të veçanta arsimore,
dhënja e këshillave të nevojshme, organizimi i trajnime, ofromi i materialeve, bashkëpunimi me
arsimtar, prind, përgatitja e materialeve ndihmëse për nxënës, krijimi i bazës së të dhënave.
“Puna e mësuesve udhëtues në teren ka ngritur vetëdijen dhe është pjesë e modelit social që
nënkupton përcjelljen e përvojave nga shkollat me traditë në arsimin e nxënësve me nevoja të veçanta
arsimore drejt shkollave të rregullta. Kjo punë nënkupton edhe bashkëpunimin dhe shkëmbimin e
informatave nga të gjitha institucionet arsimore dhe gjithashtu organizatave të cilat janë të lidhura
ngushtë me prindërit e fëmijëve me nevoja të veçanta arsimore” 523
Sfidat e sistemit mbështetës
Numri i vogël i mësuesve udhëtues, numri i madh i nxënësve për tu dhënë ndihmë, shkollat e
painformuara për organizimin e sistemit mbështetës, qëndrimet negative të udhëheqëseve të shkollave,
vet mësimdhënësve, teren e largëta, mungesa e transportit sistematik, mësues udhëtues dhe ekipe
bërthamë më kompetente, buxheti i ulët për shërbimet mbështetëse.
Hulumtimi
Për këtë kemi analizuar dy raste studimi me fëmijë të verbër të integruar në sistemin e rregullt
shkollor. Rasti i parë është nxënësja e verbër e interguar në shkollën “Ismail Qemali” në Prishtinë dhe
rasti i dytë është në shkollën e muzikës “ në Ferizaj.
523 Luljeta Kabashi: Raporti vjetor i punës së mësuesëve udhëtues, MASHT 2010
~ 532 ~