Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
“He has brought me to this lonely place to murder me!” (OT, 207)
“Më solli te ky vend i shkretë që të më vrasë.” (OT, 184)
Perfekti prezent i anglishtes në romanin në fjalë është përkthyer me prezentin e
shqipes më rrallë se me dy kohët e shënuara më lart. Më saktësisht kjo kohë e anglishtes nga
120 shembujt e vjelë, është përkthyer me kohën e tashme të shqipes 9 herë, respektivisht 7, 5
%.
Shembuj:
“You’ve known her long enough to trust her.” (OT, 191)
“E njihni prej mjaft kohësh, e mund t’i zini besë.” (OT, 166)
Tommy Chitling hasn’t won a point; (OT, 230)
Tomi Çitlingu nuk fiton as një pikë. (OT, 207)
Kjo kohë foljore e anglishtes është përkthyer me të tashmen e shqipes përgjithësisht
atëherë, kur perfekti i anglishtes tregon një veprim që ka ndodhur në një kohë të shkuar, por
që pasojat e tij vazhdojnë edhe në kohën e tashme, dmth. në momentin e ligjërimit.
Sipas dendurisë vjen në radhë përkthimi i perfektit të tashëm të anglishtes me
pluskuamperfektin e shqipes. Nga numri i lartpërmendur perfekti i anglishtes është përkthyer
5 herë me më se të kryerën e shqipes, ose 4, 2%.
Shembuj:
He remembered to have seen the waggons, as they went out, toiling up the hill. (OT,
95)
I kujtohej se kish parë karrot tek dilnin jashtë qytetit, dhe ngjiteshin kodrës përpjetë.
(OT, 69)
He asked as he resumed his seat: in the tone of a keeper who has tamed some wild
animal. (OT, 348)
Pyeti, kur u kthye në vënd, me tonin e një roje që kishte zbutur ndonjë kafshë t’egër.
(OT, 369)
Gjatë leximit me kujdes të “Oliver Twist” – it jam ndeshur me disa raste shumë të
rralla të përkthimit të perfektit të anglishtes me kohë të tjera, në të vërtetë një shembull me
imperfektin e shqipes dhe një tjetër me të ardhmen e përparme të gjuhës shqipe:
A polite and delikate evasion of the request, which shows the young lady to have
been possessed of that natyral good breeding... (OT, 138)
Kjo shmangie e sjellëshme e delikate tregonte se vajza dallohej me edukatë të mirë
natyrale... (OT, 128)
Which way have they taken? (OT, 441)
Ç’udhë do të kenë shkuar vallë? (OT, 434)
Sa u përket diatezave të perfektit të tashëm të anglishtes, vërehet se në shumicën e
shembujve diatezat përkojnë, qoftë në raste kur koha ndryshon, qoftë në raste kur koha nuk
ndryshon. Kjo do të thotë se diateza veprore (Active Voice) në gjuhën angleze është
përkthyer me diatezën veprore të gjuhës shqipe, si dhe diateza pësore e anglishtes (Passive
Voice) me diatezat pësore dhe vetvetore të shqipes. Nga gjithë shembujt e vjelë, nga kjo
pikëpamje del se përkojnë më shumë se gjysma e rasteve.
~ 49 ~