Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
që do të figuronte në dokumentacionin papnor, gjë që nuk ndodh. Në një dokument papnor të 12 majit
të vitit 1319, ku papa Gjoni XXII i drejtohet Filipit, ai e quan atë “Dilecto filio nobili viro Philippo
clarae memoriae regis Siciliae filio, principi Tarentino, 430 por asgjë më shumë se kaq, përsa i përket
lidhjes së tij me Arbërinë. Konkluzioni i natyrshëm i gjithë kësaj është që papati njihte karakterin
lokal vendor të kësaj mbretërie, dhe ishte i interesuar të theksonte identitetin lokalo-vendor të saj.
Këtë identitet nuk mund ta quajmë akoma kombëtar për asyet që përmendëm në fillim të këtij
shkrimi. Për ta plotësuar duhet thënë që nga mënyra sesi papati u drejtohet forcave politike shqiptare,
të bën të kuptosh që ai po nxit në radhë të parë bashkimin e këtyre forcave, si forca politike. Nuk është
rastësi që papati u drejtohet atyre në grupe: në një letër Muzakajve, në një tjetër Blinishtëvë,
Aranitëve, Matrangëve, dhe në një tjetër Radislaut Gonomes (Ladislau Jonima), kontit të Dioklesë dhe
të Arbërisë bregdetare, me pothuajse të njejtat fjalë, të njejtat udhëzime, dhe u sugjeron të njejtin
person-kontakti me rol udhëheqës: Ndreun e Krujës. Në këtë kontekst Ndreu i Krujës kishte edhe një
mision indirekt: atë të bashkimit të forcave politike të Mbretërisë së Arbërisë. Sa më i fortë të ishte
identiteti dhe karakteri lokal vendor i kësaj kështjelle mbrojtëse të krishtërimit, aq më pozitiv ishte ky
fakt për papatin, që duke ofruar mbrojtjen e aleatëve dhe udhëheqje shpirtërore të bazuar në vullnet të
lirë, mund të ushtronte ndikim në Ballkan.
430 ASV, Reg. Vat. 109 (Litt. Secr.) fol. 162v ep. 671.
~ 475 ~