Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Msc. Xhemajl MEHMETI 1 , Dr.sc. Naser LAJQI 2 , Mr.sc. Shpetim LAJQI 2 :
ZHVILLIMI I MODELIT TË FUNKSIONIMIT TË MIRËMBAJTJES SË
AUTOMJETEVE QË NGASEN NË REPUBLIKËN E KOSOVËS
1 Universiteti për Biznes dhe Teknologji
2 Universiteti i Prishtinës, Fakulteti i Inxhinierisë Mekanike
Qëllimi i punimi është krijimi i modelit të organizimit të funksionimit të mirëmbajtjes së
automjeteve që ngasen në Republikën e Kosovë, e cili do të ndikon në rritjen e kapacitetit punues të
tyre dhe rritjen e efikasitetit të tyre. Pra objektivë është që të bëhet një model i ri i mirëmbajtjes së
automjeteve i bazuar në kushtet klimatike, nivelin e ndotjes së ambientit, kushtet infrastrukturore,
shpejtësinë mesatar të ngasjes së automjeteve, etj. Gjithashtu do të paraqitet vjetërsi e automjeteve
që ngasen në Republikën e Kosovës, gjendja aktuale e ndërrimit të filtrave vajit, ajrit dhe lëndës
djegëse si dhe do të jepen rekomandime për kohën e ndërrimit të tyre në funksion të një jetëgjatësi
më të madhe të sistemeve të automjetit.
Modeli i paraqitur në këtë punim mund të përdore nga ngasësit automjeteve dhe nga kompanitë që
merren me mirëmbajtjen e automjeteve në Republikën e Kosovës.
Fjalët kyçe: mirëmbajtja, automjet, ndërrimi i filtrave, ndotje e ambientit.
1. HYRJE
Të gjitha elementet e automjetit, lidhjet e tyre dhe tërësitë funksionale, kanë për detyrë që ta
kryejnë misionin e dhënë. Aftësia e sistemit për ta realizua funksionin e kërkuar karakterizohet me
gjendjen e tij në punë. Gjendja në prishje tregon gjendjen e paaftësisë së sistemit që në mënyrën e
lartë përmendur ta kryen funksionin e dhënë. Për dëshmi të kësaj, mirëmbajtja ka për detyrë që ta
ndaloj apo shtyj gjendjen në “dështim”. Nëse megjithatë kjo gjendje është paraqitur, atëherë
mirëmbajtja duhet të siguroj kthimin e sistemit nga gjendja “në prishje” në gjendje “pune”. [1]
1.1. Gjendja aktuale e automjeteve në Kosovë
Është fakt i njohur se në Kosovë deri në vitin 1999 numri i automjeteve ka qenë shumë i kufizuar.
Brenda 10 viteve të fundit ky numër është rritur me ritëm të shpejtë dhe është mbi 20 herë më i lartë
se sa para 10 viteve, ku numri total i automjeteve të regjistruar në vitin 2009 arrin në 419241
automjete. Raporti banor - automjet në Kosovë është 5 banorë për një automjet, por tendencat janë
drejt zvogëlimit të këtij raporti.
~ 411 ~