Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Msc. Vehbi NEZIRI 1 : ROLI I TEKNOLOGJISË NË E-DEMOKRACI – RASTI I
KOSOVËS
~ 405 ~
1 Agjencia Kosovare e Pronës
Përmbledhje
Në vitet e fundit Kosova pati një rënie të dukshme të pjesëmarrjes së qytetarëve në proceset
politike në përgjithësi, e në procesin zgjedhor në veçanti. Nisur nga kjo, shihet se nevojitet
një veprim i përnjëhershëm në drejtim të gjetjes së mënyrave të reja të motivimit të
qytetarëve për të marrë pjesë dhe për të pasur rol në këto procese. Përhapja e shpejtë e
Teknologjisë së Informacionit dhe Komunikimit-TIK në Kosovën e pasluftës mund të
shërbejë si bazë e mirë për zhvillimin e e-demokracisë e me theks të veçantë të procesit
zgjedhor. Se si, sa dhe në cilën fazë të sistemit zgjedhor përdoret o do të mund të përdorej
TIK-u në promovimin e demokracisë me pjesëmarrje të drejtpërdrejtë të qytetarit është
qëllim i këtij punimi. Në punim po ashtu diskutohet edhe roli i TIK-ut në proceset zgjedhore
demokratike dhe njëkohësisht jepen rekomandimet praktike të lehtësimit dhe të përmirësimit
të këtyre proceseve.
Fjalë çelës: teknologjia e informacionit, e-demokracia, procesi demokratik, proces zgjedhor,
proces politik
1. Hyrja
Zhvillimi i hovshëm shkencës dhe teknologjisë, sidomos ky i dhjetëvjetëshit të fundit,
vendeve demokratike ua ka lehtësuar proceset e komunikimit me qytetarët e tyre. Sot në
vendet demokratike marrëdhënia në mes qytetarëve dhe qeverive ka ndryshuar dukshëm dhe,
kjo kryesisht për shkak të rolit në rritje të Teknologjisë së Informacionit dhe Komunikimeve.
Tashmë, mund të thuhet se, teknologjia ka ndikim të madh në jetën politike, si mjet i cili
ndihmon dhe bën transparent veprimtarinë e përditshme politike. Shumë vende janë në
rrugën e ndërtimit dhe të praktikimit të sistemeve demokratike, megjithëse rruga drejt
demokracisë, qoftë asaj klasike qoftë asaj elektronike, është e mundimshme dhe e vështirë.
Vështirësive u kontribuon dhe përcaktimi i drejtë se çka është dhe çka përfaqëson
demokracia e vërtetë? Pjesëmarrja dhe gatishmëria, janë parakusht shumë i rëndësishëm i
ndërtimit të sistemit demokratik. Prandaj angazhimi i qytetarëve me pjesëmarrje të
drejtpërdrejtë aktive në jetën publike përmirëson dukshëm rolin dhe rëndësinë e