Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Rrahim MAKSUTI 1 , Hamit MEHMETI 2 , Mursel RAMA 1 , Malush MJAKU 3 :
ANIZOTROPIA E VETIVE MEKANIKE E ÇELIKUT TË PETËZUAR NË TË
NXEHTË
1
Fakulteti i Xehetarisë dhe Metalurgjisë, Universiteti i Prishtinës
2
UBT-Universiteti për Biznes dhe Teknologji
3
Ministria e arsimit e shkencës dhe teknologjisë
ABSTRAKTI
Çeliku i petëzuar në të nxehtë si rrjedhojë e historikut të prodhimit, përkatësisht përpunimit
shfaq anizotropi të vetive mekanike, d.m.th., shfaq veti të ndryshme mekanike në drejtime
të ndryshme dhe sjellja, përkatësisht qëndresa e këtillë e çelikut të petëzuar në të nxehtë
ushtron ndikim përcaktues në cilësinë e produkteve që prodhohen nga ky çelik. Prandaj,
vetitë mekanike të çelikut të petëzuar në të nxehtë duhet njohur paraprakisht, përkatësisht
para përdorimit si lëndë e parë për prodhimin e produkteve të ndryshme.
Në këtë punim është shqyrtuar anizotropia e vetive mekanike e çelikut të petëzuar në të
nxehtë (S355 EN 10025:2004) dhe të mbështjellë në lëmsha (bobina), që përdoren për
prodhimin e gypave të salduar, nëpërmjet përcaktimit eksperimental të vetive mekanike dhe
analizës metalografike.
Fjalët çelës: anizotropia, vetitë mekanike, çeliku.
1. HYRJE
Petëzimi është metodë e përpunimit plastik të metaleve, që realizohet me ndihmën e
cilindrave petëzues të cilët rrotullohen me kahje të kundërt me ç , rast lënda e parë tërhiqet në
hapsirën midis cilindrave petëzues dhe deformohet duke u holluar, duke u zgjeruar dhe duke
u zgjatur /1,2/, figura 1.
~ 397 ~