Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
vizituar në rajoni apo qytetin ku zhvillohet udhëtimi.
Parashikimi i interesit të turistëve
Një metodë e bazuar në analizën e rrjetave sociale do të zhvillohet për parashikimin/
estimimin e interesit të turistëve. Me tutje, metoda do të avancohet që të mundësoj
gjenerimin e nën grupeve të turistëve, gjë që do të ndikoj në shpejtimin e procesit të
planifikimit të itinerarit të udhëtimit dhe në ngritjen e përgjithshme të kënaqësisë së
turistëve. Performanca e metodës do të analizohet duke përdor matës të ndryshëm nga
analiza e rrjetave sociale, siç janë klikat (cliques), nën komponentët (sub-components),
qendërsia (centrality) apo eigen vector. Në bazë të analizës së bërë, do të krijohet një
algoritëm që do të mundësoj parashikimin sa më adekuat të interesit të turistëve duke
përfshirë matësit e përmendur.
Algoritmi për krijimin e itinerarit të udhëtimit
Për të arritur një përgjigje në kohë reale për gjenerimin e itinerarit të udhëtimit, nevojitet që
të aplikohet një metodë kërkuese efikase. Problemi i ashtuquajtur “Multi Constrained Team
Orienteering Problem with Time Windows (MCTOPTW)” [9] mund të për të modeluar
problemin e planifikimi të udhëtimit për një turist të vetëm. Ky problem do të zgjerohet në
problemin MC Multiple TOPTW (MCMTOPTW), në mënyrë që të mund të modelohet
problemi për rrugë të shumëfishta gjatë turneut njëditor. Parashihet që të aplikohet metoda
kërkuese Taboo Search për të hulumtuar hapësirën kërkuese të zgjidhjeve të mundshme.
Operatorët që konsiderohen të përdoren për të hulumtuar fqinjësinë e zgjidhjes aktuale janë:
Shkëmbe (një pikë në itinerar me një pikë jashtë itinerari), Inserto (një pikë të re në itinerar)
dhe Bëjë Rotacion (me disa pika të zgjedhura rastësisht në itinerar).
Menaxhimi i udhëtimit / Simulimi i ngjarjeve reaktive
Përderisa turistët do të jenë në fazën e realizimit të udhëtimit të tyre, itinerari paraprakisht i
përgatitur mund të bëhet i papërdorshëm (në pjesë të caktuara të tij) si rezultat i ngjarjeve të
ndryshme që mund të ndodhin. Andaj, fizibiliteti i itinerarit të përgatitur do të vëzhgohet nga
një njësi qendrore, që do të bëjë sistemin të reagoj në raste të ndodhjeve të ngjarjeve të
caktuara. Ngjarjet mund të iniciohen nga vet turistët (p.sh. kërkesë për një pauze apo një
turist i ri i bashkëngjitet grupit) apo nga njësia simulative e ngjarjeve (p.sh. ndryshimi i
motit, mundësi për të vizituar pika të reja, ngjarje jo të rregullta, tollovi në trafik etj.). Për më
shumë, njësia qendrore do të ketë detyrën e realizimit të komunikimit në mes të moduleve të
ndryshme të sistemit, duke përfshij këtu edhe informatat mbi kontekstin e turistëve
(lokacioni, koha dhe numri i turistëve).
Rezultatet e pritura
Në këtë punim, në të cilin, në formë të propozimit, paraqitem zhvillimin konceptual të
sistemit, dallojmë katër kontribute kryesore shkencore, si në vijim: (1) algoritmi për
planifikimin itinerarit për udhëtim grupor me tipare reaktive, (2) implementimi i prototipit,
(3) simulatori i ngjarjeve reaktive dhe (4) metoda për parashikimin e interesit të turistëve.
Për më shumë, pas përfundimit të punës së paraparë, do të paraqesim konceptet teorike për
të zgjedhur problemin në fjalë, duke përfshirë edhe reprezentimin matematikore të tij.
Demonstrimi i tipareve reaktive dhe atyre grupore të sistemit të paraparë, do të bëhet përmes
kryerjes së eksperimenteve me të dhënat testuese të cilat do të krijohen për këtë qëllim.
~ 395 ~
Recensentët: