Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Kadri SYLEJMANI 1 dhe Lule AHMEDI 1 : NJË PROPOZIM PËR NJË SISTEM PËR
PLANIFIKIMIN E UDHËTIMEVE TURISTIKE GRUPORE ME TIPARE
REAKTIVE I AVANCUAR ME ANALIZËN E RRJETAVE SOCIALE
1 Universiteti i Prishtinës, Fakulteti i Inxhinierisë Elektrike dhe Kompjuterike
Abstrakti. Aktivitetet turistike kryesisht bëhen në formë grupore, me që rast
turistët janë nën shoqërinë e të afërmeve apo shokëve të tyre. Përgatitja manuale
e planit të vizitave për të vizituar disa pika të interesit në një rajon apo qytet, të
cilat plotësojnë preferencat individuale të anëtarëve të grupit, është një detyrë
komplekse. Për më shumë, pas përgatitjes së itinerarit të udhëtimit, i njëjti mund
të bëhet i papërdorshëm për shkak të ngjarjeve të ndryshme që mund të ndodhin
(p.sh. ndryshimi i motit, vonesat në trafik etj.). Në këtë punim prezantojmë një
propozim për një sistem inovativ, i cili do të mundësoj parashikimin e
kënaqësisë së turistit me pikat e interesit që do të vizitohen, planifikimin e
udhëtimit turistik shumëditësh për një grup të turistëve, si dhe trajtimin e disa
ngjarjeve reaktive që mund të ndodhin gjatë periudhës së udhëtimit. Për më
shumë, në kuadër të këtij punimi paraqitet zhvillimi konceptual i sistemit.
Universiteti i Prishtinës, Fakulteti i Inxhinierisë Elektrike dhe Kompjuterike, Bregu i Diellit
p.n., 10000, Prishtinë, Kosovë.
Hyrje
Gjatë fazës përgatitore (para udhëtimit), kryesisht, turistët merren me aktivitete planifikuese
në lidhje me vizitat që do t’i bëjnë në vendin turistik të zgjedhur. Edhe pse, me ndihmën e
veglave të ndryshme “online” , turistët mund të bëjnë disa nga përgatitjet e tyre (siç janë
p.sh. rezervimi i akomodimit, blerja e biletave për udhëtim, apo blerja e biletave hyrëse për
të vizituar Pika të Interesit (PI) të zgjedhura në bazë të preferencave të tyre), akoma, është e
vështirë që të sigurohen informata të detajuara në lidhje me PI-të, të cilat do të plotësonin
~ 391 ~