Java e Shkencës 2012 - Universiteti i Prishtinës

Shërbimet
Industria
Transporti
KUMTESA
Institucionet bazike për menaxhimin e sektorit të Energjisë në Kosovë janë Ministria e
Zhvillimit Ekonomik (më herët Ministria e Energjisë dhe Minierave) dhe Zyra e
Rregullatorit të Energjisë. Një pjesë e përgjegjësive sa i përket këtij sektori i takon edhe
Ministrisë së Mjedisit dhe Planifikimit Hapësinor, Ministrisë së Tregtisë dhe Industrisë,
Ministrisë së Bujqësisë, Pylltarisë dhe Zhvillimit Rural dhe Ministrisë së Infrastrukturës. Një
mori dokumentesh ligjore të draftuara dhe që implementohen nga këto institucione synojnë
rregullimin e sektorit të Energjisë dhe të ofrojnë bazën e nevojshme ligjore për planifikimin
e aktiviteteve strategjike në këtë fushë. Disa nga ligjet si dhe dokumentet strategjike e
programore kryesore të aprovuara gjer më tani janë: Ligji për Energjinë, Ligji për Energjinë
Elektrike, Ligji për Rregullatorin e Energjisë, Ligji për Efiçiencën e Energjisë, Ligji për
Ngrohjen, Strategjia e Energjisë e Republikës së Kosovës 2009-2018, Plani i Kosovës për
Efiçiencë të Energjisë 2010-2018 dhe Strategjia e Ngrohjes së Kosovës 2011-2018
Gjendja aktuale në lidhje me furnizimin me energji
Përfundime të rëndësishme në lidhje me adresimin e problemeve dhe sfidave të sektorit të
Energjisë në Kosovë mund të nxirren në bazë të analizës së pjesëmarrjes sektoriale në
konsumin e energjisë.
Siç është prezantuar në fig. 1 sektori me konsum më të lartë të energjisë është sektori i
amvisërisë. Në anën tjetër konsumi e energjisë elektrike përbën 30% të tërë energjisë së
konsumuar në këtë sektor. Kjo nënkupton që zvogëlomi i konsumit të energjisë elektrike në
këtë sektor do të ndikonte në përmirësimin substancial të furnizimit përgjithshëm me energji.
Kjo mund të arrihet nëpërmjet adresimit të humbjeve komerciale siç janë keqpërdorimi i
energjisë elektrike dhe mospagimi i energjisë së shpenzuar. Adresimi adekuat i humbjeve të
tilla do të kontribuonte dukshëm në zvogëlimin e konsumit. Një tjetër çështje që duhet
trajtuar është përdorimi i gjerë i energjisë elektrike për nevoja të ngrohjes. Analizat tregojnë
që rreth 50 % e energjisë elektrike të konsumuar nga amvisëritë, shpenzohet për nevoja të
ngrohjes. Përveç kësaj, nga figura 1 shihet që 50 % të konsumit total të energjisë e përbën
konsumi në sektorin e amvisëritë dhe atë të shërbimeve. Në anën tjetër rreth 66 % e energjisë
totale të konsumuar në këta sektor, shpenzohen për nevoja të ngrohjes.
Fig. 1 Shpërndarja e konsumit të energjisë nëpër sektorë në vitin 2010
Bujqësia 2
Amvisëritë
Shkalla e lartë e konsumit të energjisë në sektorin amvisërisë dhe atë të shërbimeve tregon
potencialin e madh për racionalizimin e shfrytëzimit të energjisë në ndërtesat rezidenciale
(ndërtesat e banimit) dhe ato të shërbimeve publike. Bazuar në një fakt të tillë, Qeveria dhe
~ 374 ~