Java e Shkencës 2012 - Universiteti i Prishtinës

KUMTESA
-Roli i marresit GPS
Përveç përcaktimit të saktë të pozicionit GPS marrësi përcakton edhe të dhëna të tjera të
rëndësishme siç janë: shpejtësia e lëvizjes, drejtimi i lëvizjes, koha reale e lëvizjes, gjatësia e
shtegut që duhet të kalohet. Kjo varet nga sensorët qe ndodhen në të si dhe konfigurimi i tyre që
do të jetë një pjesë e rëndësishme.
-Programimi dhe krijimi i nje ambienti pune për programimin
Një element i rëndësishëm i punës është dërgimi i informacionit nga marrësi GPS në një bazë të
dhënash në një server. Nëse marrësi GPS është i diktuar nga satelitët e sistemit satelitor GPS
atëherë pozicioni i saktë i një objekti dhe informacionet tjera merren në kohën reale.Përndryshe
në se marrësi GPS nuk i “shikon” satelitet, ndërsa është realizuar lidhja nëpërmes shërbimeve
komunikuese atëherë te dhënat ne lidhje me pozicionin dhe të dhënat e tjera mund të merren
nëpërmes ‘logut’ (kujtesës së brendshme të pajisjes GPS e cila në vartësi nga lloji i pajisjes
mund të mbajë mendë deri 12000 km e fundit te rrugës së përshkruar të objektit).Kjo lloj
përcjelljeje e informacionit quhet ndryshe edhe përcjellje GPS pasive e objektit i cili është në
lëvizje ose ka qënë në lëvizje. Në këtë rast nuk mundemi te kemi transmetim të të dhënave në
kohë reale, por antena e cila është vendosur ne GPS marrës e ushqen me të dhëna siç janë
pozicioni, shpejtësia, etj kujtesën e brendshme (logun) e marrësit GPS që më vonë do të mund të
lexohej.
Përcjellja dhe marrja e të dhënave nga GPS marrësi ne aspektin lëvizës bëhet në tri mënyra:
GPS Percjellja automatike bëhet atëherë kur e kemi të programuar GPS marrësin ashtu
që në intervale të caktuara kohore (psh.çdo orë, 4 herë ne 24 orë etj) të shpërndaj
informacione.
GPS Përcjellja sipas thirrjes nga një qendër kontrolli apo nga interneti e cila bëhet sipas
nevojës dhe kërkesave.
GPS Përcjellje pasive e cila i mundëson qendrës kontrolluese apo shfrytëzuesit që
ndërkohë të marrë te dhëna të ruajtura dhe të kuptojë në bazë të tyre pozicionin,
drejtimin, shpejtësinë etj.
Transmetimi i Informacionit nga paisjet e vogla në Server do të kërkonte instalimin e
programeve specifikë në paisjet e vogla që vendosen në automjete, ekzekutimi i të cilave
efekton dërgimin e informacionit të mbledhur në destinacion (Server).
Këto programe fillimisht do të duhej të realizoheshin jashtë paisjeve të vogla e më pas të
instaloheshin atje. Mund të punohet fillimisht më një emulator të një paisje të vogël dhe për këtë
ndihmohemi nga platforma qe u përgjigjen teknologjive të reja të programimit. Një e tillë është
platforma ose sistemi Android. Android është një sistem operativ për paisjet e lëvizshme të tilla
si smartphone-et dhe kompjuterat tablet. Kjo platformë është zhvilluar nga “Open Handset
Alliance” e udhëhequr nga Google. Aplikimet në këtë sistem janë kryesisht në Java e cila ofron
klasa të posaҫme për programimin në paisjet e vogla. Android është një sistem operativ “open
source” bazuar ne Linux dhe me mundësi integrimi të fuqishme me baza të dhënash.
Me interes në rastin tonë do të ishte përdorimi i GPS dhe hartat e Google (Google Maps) në
Android.
Për komoditetin e punës tonë përdorim Eclipsin si IDE dhe sistemi Android do të integrohej në
Eclipse. Më poshtë po paraqesim hapat që ndërmarim për të realizuar këtë ambient pune:
Ngarkojmë Eclipsin (ne kemi ngarkuar eclipse-jee-helios-SR2-win32-x86_64.zip)
Ngarkojmë Java JDK ne kemi ngarkuar JDK6 Update 6:
(http://java.sun.com/javase/downloads/widget/jdk6.jsp) ZgjidhniWindows x64
~ 370 ~