Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Muhamet AVDYLI, Prof. Asoc. dr. Tamara LUARASI: NJË VËSHTRIM I
PËRGJITHSHËM MBI PËRDORIMIN E TEKNOLOGJIVE TË GPS DHE TË
SENSORËVE NË MENAXHIMIN E NJË BIZNESI TRANSPORTI
Përmbledhje:
Artikulli do të ketë një karakter përshkrues të qëllimit, metodologjisë, si dhe të teknologjive
që do të përdoren në një studim në nivel doktorature. Studimi do të marrë përsipër
përdorimin e teknologjive moderne në krijimin e një sistemi menaxhues të aktivitetit të një
biznesi transporti ne lidhje me përdorimin e automjeteve të tij. Esenca e studimit është
krijimi i një sistemi informacioni rreth një grupi automjetesh dhe përdorimi i tij për
kontrollin, planifikimin, dhe rritjen e efikasitetit të përdorimit të tyre. Ky sistem informacioni
mundësohet nga sistemet satelitore ekzistues GPS, bashkëpunimi i tyre me sensorë të
vendosur në automjet dhe shfrytëzimi i këtij informacioni me medoda bashkëkohore
programimi.
Hyrje
Sistemi i Pozicionimit Global (GPS) është një sistem i bazuar në përshkimin satelitor të
hapësirës që siguron informacione të ndryshme që mund të përdoren sipas interesave
specifike të bizneseve ose institucioneve të ndryshme. Informacionet e marra nga GPS me
ndihmën e marrësve specialë bëhet e mundur me teknologjitë moderne hardware dhe
software të rezervohen në Servera te caktuar ku këto informacione do të përpunohen dhe
përdoren për qëllimet konkrete të studimit. Teknologjia nga pikëpamja e hardware-it
përfshin marrësin GPS, sensorë të ndryshëm që vendosen në automjete me konfigurime
specifike të tyre për të mbledhur atë lloj informacioni për të cilin jemi të interesuar si dhe
paisje të tjera që do të bënin të mundur transmetimin e këtij informacioni në një Server. Nga
ana tjeter ky transmetim kërkon ndërhyrjen e një software-i që do të realizonte komunikimin
e Serverit me paisje te tilla si marrësi GPS dhe sensorët si dhe interpretimin e informacionit
që do të kalonte nga sensori në një bazë të dhënash në Server. Në rastin konkret të këtij
studimi, gjithë kjo teknologji do të përdorej për një menaxhim më të mirë të aktivitetit të
transportit nga pikpamja e përdorimit më me efikasitet të automjeteve, duke e lidhur këtë
efikasitet me përdorimin e rrugës më të përshtatëshme (nga pikëpamja e kostos), shfrytëzimit
racional të kohës së punës dhe elementëve të tjerë që të gjithë bashkë do të ngrinin
rendimentin dhe dhe efikasitetin të një biznes transporti.
-Shtrimi i Problemit: Studimi merr shtysë nga një situatë e zakonshme dhe që është
~ 367 ~