Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Dr. Ermira Qosja & Floriand Beshku: INOVACIONI DHE SIPËRMARRJA,
VËSHTIRËSI DHE SFIDA NË SHQIPËRI
Hyrje
Sipërmarrjet sot kudo në botë ndodhen përballë sfidave të shumta. Ruajtja e avantazheve
konkurruese për një kohë relativisht të gjatë prej tyre është bërë gjithnjë e më e vështirë,
mungesa e burimeve dhe globalizimi, zhvillimi i shpejtë i teknologjisë në përgjithësi dhe i
teknologjisë së informacionit në veçanti, ka transformuar tërësisht qasjet menaxhuese të
bizneseve dhe për më tepër i ka dhënë përparësi menaxhimit të ndryshimit, risive dhe
inovacionit. Në këtë punim jemi përpjekur që duke analizuar trendet evropiane në inovacion,
si dhe duke shfrytëzuar burime zyrtare të Shqipërisë si dhe një sërë raportesh të agjensive
prestigjioze të paraqesim vështirësitë dhe sfidat e sipërmarrjes shqiptare në këtë drejtim.
I. Përkufizimi i inovacionit dhe indeksi i matjes së tij
Inovacioni sipas Schumpeter (Fagerberg, Mowery, Nelson, 2005) është një nga faktorët kyç
për mbijetesën e organizatave në periudhën afatgjatë. Sipas tij inovacioni mund të
klasifikohet në pesë tipe: futja e një produkti të ri, futja e një mënyre të re prodhimi në
industri, hapja e një tregu të ri, përdorimi i burimeve të reja në proçeset e prodhimit dhe
ndryshimi në organizimin e sipërmarrjeve apo dhe vetë industrive. Për inovacionin gjenden
një numër i madh përkufizimesh, që kanë mjaft pika të përbashkta, por që nga viti 2005 në
Manualin e Oslos (OECD, 2005), është standartizuar përkufizimi i inovacionit si në vijim:
Një inovacion është zhvillimi i një produkti apo shërbimi të ri, i një metode të re prodhimi,
një përmirësim i ndjeshëm i një metode të re marketingu,
Fig.1. Indeksi i inovacionit (Komisioni Evropian, 2012).
~ 355 ~