Java e Shkencës 2012 - Universiteti i Prishtinës

KUMTESA
që analizën e vlerave numerike ta bëjmë në nivel të tresheve të shifrave, për pozitat përkatëse
të shumëfisheve.
Figura 5. Pjesa e algoritmit për shndërrimin e vlerës numerike në tekst të zakonshëm
Në figurën 5 është paraqitur një pjesë e algoritmit për analizimin e vlerave numerike
dhe shndërrimin e tyre në tekst. Pas kësaj, teksti i fituar konvertohet në të folur duke e
shfrytëzuar sistemin standard për sintetizimin e të folurit nga tekstet e shkruara shqipe.
Përfundim
Shndërrimi i teksteve të shkruara në të folur mbetet edhe më tutje një fushë me
shumë interes. Gjuha shqipe ende nuk është e përfshirë në bashkësinë e gjuhëve për të cilat
ka një zgjidhje përfundimtare lidhur me këtë çështje. Ne jemi angazhuar në gjetjen e një
modeli sipas të cilit do të mund të bëhej shndërrimi i teksteve të shkruara në gjuhën shqipe,
në të folur. Duke i përcjellur edhe studimet për gjuhët tjera, jemi duke e përpunuar idenë e
sintezës së të folurit me bashkimin e fajllave akustik të segmenteve tekstuale, të cilët ruhen
në një bazë të dhënash.
Problemi kryesor që paraqitet gjatë sintetizimit është ai i bashkimit të segmenteve
akustike, në procesin e gjenerimit të fjalëve. Nga algoritmi i dhënë më sipër shihet se si
segmente akustike janë një numër i caktuar fjalësh (ato që paraqiten më së shpeshti në tekstet
e gjuhës shqipe), pastaj dyshkronjëshet (difonet) dhe të gjitha shkronjat e alfabetit. Kurse,
problemi i shndërrimit të numrave në zë lehtë zgjidhet duke i shndërruar së pari numrat në
tekste të zakonshëm dhe pastaj, tekstet e fituara konvertohen në zë duke e shfrytëzuar
procedurën e zakonshme që përdoret për tekstet tjera.
Recensentë:
Prof. Asoc. Dr. Blerim Rexha
Prof. Asoc. Dr. Lule Ahmedi
~ 348 ~