Java e Shkencës 2012 - Universiteti i Prishtinës

KUMTESA
3. Algoritmi i përgjithshëm për konvertimin e tekstit në të folur
Principi bazë i dizajnimit të algoritmit për konvertimin e teksteve të shkruara në të
folur qëndron në krahasimin dhe gjetjen e fjalëve të tekstit me fjalët nga baza e të dhënave
me segmentet akustike. Nëse fjala gjindet në grupin e fjalëve të ruajtura si fajlla akustik,
atëherë segmenti i tillë akustik merret dhe bëhet pjesë e fajllit akustik për gjenerim të të
folurit [4].
Figura 2. Algoritmi për konvertim të tekstit në të folur
Nëse fjala nga teksti i shkruar nuk është ruajtur si segment i veçant, atëherë ajo
ndahet në dyshkronjëshe. Pastaj, bëhet kërkimi i këtyre dyshkronjëshave në bazën e
segmenteve akustike përkatëse. Duke i bashkuar këto segmente akustike fitohet fjala e
caktuar (shih figurën 2).
Incizimi i segmenteve akustike paraqet një çështje në vete. Ai duhet të bëhet në
studio profesionale me kushte dhe paisje të veçanta akustike, me qëllim të eliminimit të
zhurmave. Pastaj prej tyre priten valët akustike të fjalëve, dyshkronjësheve dhe shkronjave
[3]. Prerja nga teksti i lexuar është shumë më cilësore se sa incizimi i fjalëve,
dyshkronjësheve dhe shkronjave veç e veç, gjë që do të rezultonte në të ashtuquajturin lexim
robotik.
Figura 3. Pamja e valëve akustike (shkronja e, përkatësisht numri 60)
Gjatë prerjes dhe ruajtjes së këtyre segmenteve akustike duhet përshtatur parametrat
~ 346 ~