Java e Shkencës 2012 - Universiteti i Prishtinës

KUMTESA
Kosova duhet të mburret sot për numrin e madh të medieve. Ajo ka një televizion publik,
RTK-ën dhe radio publike, RK ,si dhe katër TV private të nivelit shtetëror dhe shumë
kanale televizive dhe radio lokale. Kemi një numër të konsiderueshëm të gazetave të
përditshme të cilat shkruajnë dhe informojnë për më të rejat në globin tokësor. Shikuar në
aspektin sasior kjo është një arritje e jashtëzakonshme kur kemi parasysh se para luftës kemi
pasur vetëm dy sosh RTP dhe RP si dhe vetëm një gazetë të përditshme. Megjithatë në
aspektin cilësor niveli i tyre lë për të dëshiruar, pa mohuar faktin se në të gjitha këto kanale
TV kemi gazetarë dhe profesionistë të shkëlqyeshëm. E njëjta gjë vlen të thuhet edhe për
gazetat e përditshme.Ajo që duhet theksuar më këtë rast është se mediet, të shkruarat dhe
elektronike luajnë rol të pazëvendësueshëm në aspektin gjuhësor meqë janë në kontakt të
përditshëm dhe me të gjitha shtresat e popullit.
Institucionet e ndryshme
Nuk duhet humbur shumë kohë për të pasur një pasqyrë të qartë se cili është përdorimi i
gjuhës në institucionet tona. Mjafton t’u hedhësh një shikim shkresave të ndryshme të
afishuara në vendet e shpalljeve, mureve, agjencioneve turistike të udhëtimit, guidave të
ndryshme turistike, reklamave nëpër qytet , njoftimeve, lajmërimeve, për të parë me sa
gabime janë të përshkuara ato. Autori i këtij shkrimi mbi katedrën e një drejtori të një shkolle
të mesme kishte hasur që shtatë ditët e javës në orarin e kujdestarisë së mësimdhënësve
vetëm dy sosh ishin të shkruara drejt. Për keqardhje por i vërtetë është fakti se një numër i
madh i njerëzve nuk i shkruajnë drejt dhe pa gabime ditët e javës. Në shumicën e rasteve
këto i gjejmë nëpër shkollat tona, aty ku fitohet baza e drejtshkrimit dhe drejtshqiptimit.
Gjendja nuk është aspak më e mirë edhe në institucionet tjera të larta. Sa për ilustrim do marr
disa shembuj sesi shkruhet në disa institucone tona. Një zyrtar i një Ministrie në një Njoftim
për kolegët e tij shkruan…”Koleg te nderuar iu njoftoi se me date ….te gjith…etj Shkronjat
në kursiv janë të shkruara gabimisht.Në dhjetë fjalë kemi gjashtë gabime, pot të vazhdonte
shkrimi më gjat do llogaritnim çdo të tretën fjalë me gabim.Ose një shkrim tjetër …”Hartimi
i Strategjis” …”për nderë të 100 vjetorit të Pavarësis së Shqipëris”… ”ASH shprehi
gatishmërin”…”të pakënaqur me ecurin”…për të marr masat…”vizituam edhe Ministrin e
Arsimit” ( është fjala për Ministrinë dhe jo Ministrin) …”z/Beni na njoftoj” …”Ministria e
Ekonomis”
Në të folurit e përditshëm shumësi i foljeve kam dhe jam në të tashmen e dëftores po thuajse
është bërë standard përdorimi gabim kena dhe jena, madje edhe nga vetë profesorët e të
gjitha niveleve të arsimit. Kam ndesh jo rrallë kur mësimdhënës të arsimit parauniversitar t’i
shkruajnë emrat e lëndëve : fizik, matematik ose në vend të përvojë e punës ( provojë e
punës) etj. Procesverbalet e mbledhjeve në Librat e klasës , nëpër shkolla , raportet e
ndryshme, njoftimet, dhe rubrka të ndryshme në institucionet e AMU dhe AML janë nën çdo
nivel jo vetëm për për gabimet drejtshkrimor por edhe në sajimet morfo- sintaksor me plot
defekte.
Arsimi i lartë
Është për keqardhje por pjesa dërmuese e studentëve tanë kanë zbraztësira të dukshme për
t’u shprehur me shkrim por edhe me gojë si rezultat i nivelit jo të kënaqshëm nga shkolla
fillore dhe e mesme. E them me përgjegjësi të plotë se në një ese të një student të UP por
edhe të Kolegjeve private 70% është e hartuar me gabime jo vetëm gjuhësore. Çdo koment
këtyre shembujve do ishte i tepërt. 261
261 Kjo kumtesë është refleksion individual imi, ashtu siç i shoh aktualisht rrjedhat jo të favorshme
~ 328 ~