Java e Shkencës 2012 - Universiteti i Prishtinës

KUMTESA
dhe italiane. Po të zemë t’i ndritim Shqipërisë me ato dritëra jallane që na kanë dhënë të
huajtë, atëhere nuk duhet të bëjmë gjë tjetër, veçse do të andakosemi një orë e më parë. 1
Si mësimdhënës në Mësonjëtoren e parë shqipe në Korçë, nuk kishte mundësi të mos shfaqte
vlerat e tij si metodist, arsimdashës e pedagog. Gjatë gjithë kësaj periudhe lufte e përpjekjeje,
veprimtarie intensive në disa fusha e drejtime si ajo e politikës, publicistikës, arsimit e
kulturës do të njohë përveçse arritjeve, do të njohë edhe rënien e dënimet e tejskajshme, deri
në dënimin me vdekje.Por presionit për dënimin me vdekje H.A.Korça do t’i përgjigjet:
“Hajde të themi se unë u vrava, a pandehni ju se kjo ide do të vdiste. Unë kam lënë me
mijëra nxënës, të cilët këtë ide kanë për ta ndjekur.Por duhet të dini mirë, se edhe sikur të
vdisnja, eshtrat e mija deri në kijamet: Ah, Shqipëri! Ah, Shqipëri! kanë për të thirrur.” 1
Në kohën e rënies së suksesit të medreseve, sipas Hafiz Ali Korçës, arsyeja kryesore ishte
metoda e gabuar e mësimdhënies së gjuhës arabe. Dhe jo vetëm në këtë fushë, por edhe në
shkrimet e tjera shoqërore, shkencore të këtyre shkollave.
Prandaj, me rënien e këtyre medreseve nuk po binte vetëm Perandoria e myslimanëve, por
edhe qytetërimi islam bashkë me fenë. Siç thekson edhe vetë H.A.Korça, feja mbahet vetëm
me dituri. Dituria sjell zotësi, ndërsa injoranca sjell robëri.
Si intelektual, si vlerësues i dijeve, mendimet e tij prej pedagogu, në lidhje me metodat e
mësimdhënies, do të jenë sa të rëndësishme,por edhe bashkëkohore. Duke qenë anëtar i
Komisionit të Gjuhës, në kohën e pushtimit nga AustroHungaria, bashkë me Ndre Mjedën
dhe disa figura të tjera ia shpalos këto mendime popullit të Shkodrës, ku ai gjen mbështetje
të plotë. Midis metodave që ai do të zgjedhë, atë që ka të bëjë me mësimin e gjuhës, të cilën
nënat ia mësojnë fëmijëve të vegjël, kur ata pyesin: “Çfarë është kjo?”. Pra, fëmijët e vegjël
mësimin e gjuhës nuk e fillojnë nga gramatika, por nga praktika e mësimi i fjalëve. “Gjuha
pjell gramatikën e jo gramatika gjuhën”-thekson ai. Lufta dhe përpjekja për ta çuar përpara
shkollën me reformat do t’ia prisnin ëndrrën në mes, sepse shteti i atëhershëm nuk ia vuri
veshin. Në vend të kësaj ëndrre realizohet ëndrra ose makthi komunist, për të cilin
H.A.Korça kishte shkruar edhe më parë në librin “Bolshevizma a çkatërrimi i Njerëzimit”.
Duke mbyllur me këto rreshta për veprën e tij themi se kemi bërë shumë pak. Ishte dhe do
të mbetet një nga njerëzit më të ditur që kishte Shqipëria në shekullin e kaluar.Ai me fjalën e
mençur, karakterin e jashtëzakonshëm fitoi respektin më të madh jo vetëm te besimtarët
myslimanë, por të të gjithë shqiptarëve brenda e jashtë kufijve të
Shqipërisë,Kosovë,Maqedoni e gjetkë.
~ 260 ~
Recenzentë :
Prof.dr. Tomor Plangarica
Dr.Zhulieta Daja