Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Dr. Meli SHOPI 1 , Dr.RUDINA MITA 1 : HAFIZ ALI KORÇA, PERSONALITET I
ARSIMIT, KULTURËS E GJUHËS SHQIPE
1
Universiteti ”A.Xhuvani” Elbasan
Për një shpirt të madh profetik, fluturimi i tij në hapësirë s’është gjë e pamundur,sepse ato
(shpitërat profetikë) zhvishen prej gjendjes njerëzore, shpirtërisht dhe engjullisht fluturojnë
më shpejt se vetëtima. Pa përjashtim gjithë profetët kështu janë. 1
Fjalë dhe ide këto të njeriut të Zotit, njeriut të mendjeve të ndritura, fisnike e plot kulturë,
patriotit Hafiz Ali Korça.Të shkruash për figura të tilla historike,patriotike,me vlera
kulturore, gjuhësore e shumë të rralla publicistike etj., nuk është e lehtë,sidomos për atë që
kanë qenë apo përfaqësojë. Ajo që shërbeu për të si shembull, për të qenë dikushi në jetë
është marrja model e jetesës, veprimtarisë, sjelljes, etikës dhe e veprave të njerëzve të shquar
të kombit, rruga e të cilëve ka qenë dhe mbetet ndriçuese për zhvillimin e progresin human.
I lënë në harresë nga diktatura, ajo u mundua t’i mënjanonte këto vlera të rralla e të vyera të
traditës shqiptare, nga rrethi intelektual zyrtar.Por koha dhe e vërteta nuk i la të mos dilnin
në dritë, të merrnin përmasa gjigande e të vendoseshin në radhën e atyre që sot brezat i kanë
studiuar dhe i kanë përjetësuar. Puna dhe përpjekja e intelektualëve shqiptarë, sidomos pas
viteve ‘90 për të nxjerrë në pah këto vlera të pazbuluara, përbën një angazhim qytetar e
kulturor. Ato vijnë para lexuesit si autorë të veprave filozofike, teologjike, gramatikore e
përkthime, bashkë me veprimtarinë e tyre në të gjitha fushat.
I tillë ishte edhe Hafiz Ali Korça. Ai vinte nga një mjedis tipik patriotik, fetar, kulturor,
korçar. Veprimtaria e tij: kulturë, fe dhe publicistikë etj., ishte si e të gjithë atyre që ndoqën
rrugën për t’iu përkushtuar popullit,interesave dhe cështjeve kombëtare. Çdo fjalë e dalë nga
goja e tij apo e shkruar nga dora e palodhur do të gjente mbështetjen dhe besimin e të gjitha
shtresave shoqërore të asaj kohe. Ky lider ishte padyshim një oqean i madh i mendimeve
fisnike dhe përparimtare, të cilat na ndjekin në vargjet e çdo krijimi. Shkrimet e Hafiz Aliut
përbëjnë një moment tranzitor nga Rilindja në letërsinë e Pavarësisë ku tiparet e saj janë më
të spikatura, edhe pse veprimtaria e tij, sikur kufizohet gjatë gjysmës së parë të
shek.XX(1900-1944).Ai do të radhitej në vazhdën e atyre mendjendriturve që do të quheshin
-rilindas- si një letrar e patriot për çështjen kombëtare, me vargjet:
… O mëmëz -o halle- madhe, ç’gjëmë e zezë të ka zënë,
Bijt’ e tu s’mentohen fare rrugëvet të kanë lënë,
Të pamëshirçmit s’të shohin nuk kujdesen për ty fare,
Të kanë lënë të shkretë, zhveshur, e pa ngrënë…
ose
… Qani vëllezër Kosovën qani!
Për gjëmëzezën ca ditë zi mbani
………………
Qani Kosovën dhe Çamërinë
~ 257 ~