Java e Shkencës 2012 - Universiteti i Prishtinës

KONFERENCA VJETORE E SHKENCËS ‘JAVA E SHKENCËS 2012
Dr. Gladiola DURMISHI (ELEZI) 1 : MJEDISI SHOQËROR KU NDODH
KOMUNIKIMI DHE KULTURA GJUHËSORE E INDIVIDIT, SPECIFIKUES TË
NJË KOMUNIKIMI TË NDËRSJELLTË NË SHOQËRI
1
Departamenti Gjuhë-Letërsi
Universiteti “Ismail Qemali” Vlorë
Çfarë do të thotë të komunikosh?
Të komunikosh do të thotë :
Të japësh një mesazh dhe ta kthesh atë
Të zgjedhësh një kod dhe ta përdorësh atë për kodifikimin dhe dekodifikimin e
mesazhit
Të mbash në gjendje pune kanalet e komunikacionit
Të interpretosh përmbajtjen e komunikacionit sipas kontekstit
Të njohësh dhe të zbatosh rregullat e komunikacionit kur të gjithë këta elemente
janë të pranishëm se pohohet se komunikimi ynë është plotësuar dhe se personat në
komunikime e kryejnë atë për një qëllim të caktuar. Qenia njerëzore nuk mund
të përfytyrohet jashtë komunikimit. Komunikimi shihet si një përpjekje e njeriut për
të bashkëjtuar me përvojën e tij. Komunikimi është një proces që mundëson krijimin e
klimës së mirëkuptimit midis dy ose më shumë personave. Për të qenë të komunikueshëm
s’mjaftojnë vetëm disa udhëzime, por ajo çka duhet për t’u mësuar rreth dërgimit dhe
marrjes së personazheve, është të kuptuarit e asaj që ndodh kur komunikojnë si dhe aftësia
për t’iu përshtatur komunikimit.
Individët që bëjnë pjesë në një shoqëri apo në një bashkësi të madhe apo të vogël, e
zhvilluar apo primitive shkëmbejnë komunikime me njëri-tjetrin, pra mjedisi shoqëror është
vendi ku kryhet komunikimi. Gjithçka që ndodh në praninë e dy personave konsiderohet
komunikime 1 . Me gjithçka komunikohet, gjithçka në mënyrë të pashmangshme komunikon
diçka. Komunikimi plotëson nevojën e anëtarëve të një grupi. Për mjedisin shoqëror
komunikimi ka si qëllim të transmetojë një pasuri të një lloji të veçantë që është kultura 22 .
Gjatë një komunikimi një informacion merr fill nga një burim , kthehet në sinjale me anë të
një përcjellësi dhe pengesa të kanalit arrin tek marrësi. Pra që të vendoset një proces normal
komunikimi nevojitën këta elementë 3 .
TRANSMETUESI
DHËNËSI → SINJALI → MARRËSI
~ 145 ~