Java e Shkencës 2012 - Universiteti i Prishtinës

KUMTESA
vrasës në Itali apo Greqi përpara krimit që s’duhet të ketë atdhe, menjëherë mediat i gjejnë
kombësinë duke trumbetuar me të madhe faktin e të qenit shqiptar. E kjo, ndodh vetëm kur
flitet për të huajin, pasi nuk kemi dëgjuar të flitet për kombësi a shtetësi kur krimineli është
vendas italian apo grek.
Atëherë lind pyetja : Pse u intereson origjina e një krimineli, atyre që bëjnë axhendën e
mediave në rastin shqiptar? Pra edhe këtu duhet parë e analizuar pasoja e imazhit negativ që
është krijuar nga mediat e huaja për shqiptarët.Duket se janë më tepër një grumbull
interesash të ndryshme që bëhen gjithnjë e më shumë përcaktues në krijimin e lajmeve që
duhen transmetuar.
Funksionet e massmedia-s
Deri në fillim të viteve ‘90 çdo artikull rreth teorisë së rëndësisë së atributeve, theksonte
faktin se mediat nuk janë fort të suksesshme për të na treguar çfarë të mendojmë, por kanë
një sukses të habitshëm për të na treguar mbi çfarë të mendojmë. Përmes inkuadrimit.Po
sipas studiuesve amerikanë media ka tri funksione kryesore që në fud i japin masmedia-s
rolin si përcaktuese e axhendës së audiencës dhe “rojtare gardhi” në përcjelljen e
informacionit për publikun e saj.
“1.Massmedia ndjek, eleminon dhe bashkërendon informacionin faktik.
2.Përballja e publikut me kuptueshmërinë e mesazhit.
3.Të zbavitë publikun.
Këto shpesh u referohen tri gjërave: -lajmeve, analizave, zbavitjes”(Merrill, J...1990:28 ).
Ja pse lidhjen mes audiencës dhe komunikuesve të masmedia-s Merrill, Lee dhe Friedlander
e konsiderojnë si simbiotike pra, në bashkëjetesë me njëra-tjetrën.
ROLI I MASMEDIAS
Flitet për globalizëm dhe multikulturalizëm. Nëse popujt merren vesh e bashkëjetojnë me
njëri-tjetrin , nëse njerëzit ndihen mirë në këtë bashkëjetesë , shumë shpejt s’do të kemi
nevojë për imazh, se ai do të jetë thjesht pasqyrim i atij realiteti ku komunikimi paraprin një
botë pakufij dhe të qytetëruar. Por për sa kohë ka interesa të forta politike dhe ekonomike ,
do të ketë dhe imazhe pozitive apo negative , sipas axhendave që janë dhe përfituese të asaj
që percepton publiku. Po sipas kësaj qasjeje të perspektivës së veprimit social “kuptimi i
medias ndryshon vazhdimisht” teksa qasjet e audiencës ndryshojnë.
Nëse publikun italian do ta konsiderojmë grup, kjo do të thotë se ata kanë një përcaktim
masiv për shqiptarët dhe negativja që mbizotëron, është pjesë e kulturës së tyre për ta parë
tjetrin si të huaj e të pabarabartë me të. Mënyrat sesi reagojmë ndaj medias, lidhen me
ndërveprimet sociale. Ndërveprimi njerëzor është pjesë e jetës sonë të përditshme dhe nëse
një lajm i keq për shqiptarët dëgjohet duke pirë një kafe, duke luajtur apo në makinë , kjo
sigurisht bëhet objekt diskutimesh dhe nxit efekte negative në përshtatje me steriotipin e
shqiptarit që tashmë dihet se është i padrejtë dhe negativ.Si konkluzion massmedia ka një rol
që mund të jetë pozitiv kur i qëndron kodit të saj etik, por dhe negativ kur i largohet apo e
shkel këtë kod. Ja si cilësohen efektet e massmedia-s në veprën e studiuesve amerikanë
“Massmedia”:
“Efektet pozitive:1.Mesazhet e medias e mbajnë publikun në kontakt me vlerat shoqërore të
popullatës.Ato kanë në vetvete masivizimin ose socializimin e efekteve.2.Mesazhet e medias
përforcojnë vlerat shoqërore.Media shërben si mekanizëm i kontrollit për të mbajtur në
marrëdhënie drejtimin thelbësor të shoqërisë.3.Media ka efekte ndihmëse për plotësimin e
dëshirave të papërmbushura, shpresave, pengesave dhe ndjenjave negative.”4.Media
ndihmon në shoqërizimin e masës përmes edukimit duke vendosur në peshore gjërat e
~ 138 ~