Java e Shkencës 2012 - Universiteti i Prishtinës

KUMTESA
Audienca
Qysh në Antikitet, prejardhja e konceptit lidhet me një grup fizik njerëzish, në një vend, për
të njëjtin qëllim, për të parë tragjedinë ose lojëra sportive. Në antikitet kishte tri lloj
publikësh: politik, kulturor, sportiv . Pra, koncepti për audiencën nuk ka ndryshuar shumë,
mbetet po ajo shumësi njerëzish për të cilët krijohen mesazhe dhe prodhohen produkte
mediatike.“Procesi i komunikimit masiv është i formalizuar, i institucionalizuar dhe
impersonal. Ai konstiston në mesazhin e dërguar përmes disa formave të teknologjisë në një
numër të madh njerëzish ose në audiencë masive.Teknologjia është gjithmonë e përfshirë në
komunikimin e masës,nuk ka më ndarje informacioni fytyrë më fytyrë.Mesazhet i
komunikohen masës së audiencës përmes një shumëllojshmërie formash:faqet e printuara,
radioja, televizioni, filma në ekran, reklamat, posterat e mëdha dhe bluzat me reklamime.”
(Merrill, J. Lee, J. dhe Friedlander, E. Modern MassMedia, Harper&Row 1990:7).Sipas
studiuesve të “mediologjisë” Merrill, Lee dhe Friedlander audienca është një përzierje
individësh të ndryshëm në kohë të ndryshme. Po sipas studiuesve amerikanë audienca duhet
përfytyruar në formë hinke, ku pjesa më e gjerë i përkon audiencës më të madhe, pra
publikut të rrjeteve kombëtare televizive, ndërsa pjesët e tjera u përkojnë grupeve të tjera të
publikut të shtypit të shkruar, të atij profesionist e deri te komunikimi impersonal.
Klasifikimi Në themel të çdo audience është individualja. Sepse është individi që sheh TVnë,
blen gazetën apo lexon librin. Mesazhet e mediave, edhe pse merren në mënyrë
individuale, krijojnë atë që quhet opinion publik, ose e thënë ndryshe, konsensus të
përhershëm ose të përkohshëm mes individësh të ndryshëm. Audienca përfshin masat,
publikun, grupet , organizatat apo edhe individët. Ka disa klasifikime që i bëhen
audiencës.Sipas Merrill, Lee dhe Friedlander audienca klasifikohet sipas tipeve, natyrës apo
tipologjisë së qëndrimeve.
“Tipi i parë: audience e përgjithshme, publiku.Është shumë e gjerë dhe jashtëzakonisht
komplekse. Një masë kompakte gjithëpërfshirëse edhe e pjesëve anonime, edhe e masës
heterogjene, edhe e masës së lëvizshme, edhe e masës individuale.” (Merrill, J. Lee, J. dhe
Friedlander, E. Modern MassMedia, Harper&Row 1990:43).
Në tipin e dytë të audiencës po këta studiues flasin për një audiencë më të vogël dhe më
homogjene. “Ky lloj publiku është më pak anonim .Quhet audiencë e specializuar.” (Merrill,
J...1990:43). Studiuesit e mediologjisë amerikane e klasifikojnë audiencën dhe pjesëtarët e
saj duke u bazuar edhe te qëndrimet e tyre bazë siç janë vlerat, interesat dhe filozofia e tyre
për jetën.“Qëkur masmedia vendosi të ketë sa më shumë qëllime mbi personin me interesa
të ngjashëm dhe qëndrime të ngjashme, gazetarët si komunikues të masës, dëshirojnë të
izolojnë segmentet bazë të audiencës së përgjithshme publike. Kemi kështu një shembull të
tipologjisë së qëndrimeve:
qëndrimi i paorientuar, qëndrimi pragmatik, qëndrimi intelektual.” (Merrill, J. Lee, J. dhe
Friedlander, E. Modern MassMedia, Harper&Row 1990:44).
Qendrime te ndryshme
Le t’i analizojmë me radhë këto qëndrime.
Qëndrimi i paorientuar ka të bëjë me audiencën e sipërfaqshme, që nuk hyn në thellësi të
lajmit, mbetet te koka e lajmit, nuk i pëlqen të lexojë informacionin në mënyrë kritike, por e
merr siç e jep një media e caktuar.“Kanë qëndrime negative kundrejt informacioneve,nuk
mbajnë qëndrime serioze edhe kur janë informacione me vlerë ndërkombëtare.” (Merrill, J.
Lee, J. dhe Friedlander, E. Modern MassMedia, Harper&RoË 1990:45).
~ 136 ~