Kamogelo ya morapeledi mo sedulong sa bogosi

Kamogelo ya morapeledi mo sedulong sa
bogosi
Dikgang-kgolo tsa Beibele tse o ka emang fa pele ga Modimo:
1. Ka ntlha ya taletso ya Modimo (Jeremia 33:3) ‘Ka moo he, a re atameleng sedulo sa
bogosi sa bopelotlhomogi ka dipelo tse di phuthulogileng, gore re tle re amogele kutlwelobotlhoko,
re bone boitshwarelo, re tle re thusiwe ka nako ya teng. (Baheber 4:16)
2. Ka ntlha ya sefapano. ‘Ya re Jesu a sena go amogela motatsa, a re: ‘Go weditse!’ A bo a
oba tlhogo, a ntsha mowa’ (Johane 19:30)
3. Ka ntlha ya thapelo ya Jesu mo bogatong ba rona. ‘Gonne Keresete ga a ka a tsena
mo Felong-ga-Boitshepo fa go dirilweng ka diatla, fa e leng setshwantsho fela sa felo ga
boammaaruri, mme o tsenye mo legodimong tota gore jaanong a bonale fa pele ga
sefatlhego sa Morena ka ntlha ya rona.’ (Bahebere 9:24)
4. Ka ntlha ya tsholofetso ya Modimo. ‘Gonne le fa go ka nna dipolelelo-pele tsa Modimo di
le kae, di Ee mo go ene; ke ka moo re reng Amen ka ene go kgalaletsa Modimo.’ (2
Bakorinthe 1:20)
5. Ka ntlha ya kgolagano le Modimo. ‘Ke tla nna Rraeno, mme lo nne bomorwaake le
bomorwadiake, go bua Morena wa thata yotlhe.’ (2 Bakorinthe 6:18). ‘Kana kgolagano e ke
tla e dirang le Baiseraele fa morago ga malatsi ano ke ya gore: ke tla tsenya molao wa me
mo maikutlong a bona, ke e kwale mo dipelong tsa bone; ke tla nna Modimo wa bone,
mme bone ba tla nna morafe wa me.’ (Bahebere 8:10)
6. Ka ntlha ya madi a Jesu. ‘Jaanong he, bagaetsho, e re ka re na le phuthulogo ka madi a
ga Jesu go ka tsena mo Felong-ga-Boitshepo, ka tsela e ntšhwa e e phelang e o e re
buletseng go ka ralala lesire, ke go re ka nama ya gagwe e re ka re bile re na le moperesiti
yo mogolo yo o okameng Ntlo ya Modimo. A re atameleng he, ka dipelo tsa boammaruri, re
na le tumelo e e tletseng, re kgatshitse dipelo, go tlositswe matswalo, re bile re tlhapisitswe
mebele ka metsi a a phepa.
7. Ka ntlha ya boikano jwa Modimo. ‘Ke ka moo e rileng Modimo o rata gagolo go supetsa
baja-boswa ba tse di solofeditsweng bosafetogeng jwa boikaelelo jwa ona wa di tiisa ka
maikano.’ (Bahebere 6:17)
8. Ka ntlha ya semelo sa Modimo. ‘Modimo ga se motho moo a ka akang, le e seng morwa
motho mo o ka ikwatlhayang. A o kile a bua sengwe, mme wa seka wa se dira? Kampo a
o ka solofetsa sengwe, mme wa se ka wa se dirafatsa?’ (Numeri 23:19)
1

9. Ka ntlha ya tiro ya boperesiti. ‘… a ba a re dira dikgosi le baperesiti ba Modimo,
Rraagwe, a kgalalelo e nne ya gagwe, le thata go ya bosakhutleng! Amen.’ (Tshenolo 1:6)
10. Ka ntlha ya Leina la Jesu. ‘Mme le fa e ka nna eng se lo ka se kopang mo leineng la
me, ke tla se dira gore Rara a galalediwe mo go Morwa. Fa lo kopa sengwe mo leineng
la me ke tla se dira.’ (Johane 14:13-14)
11. Ka ntlha ya bopelotlhomogi le kutlwelo-botlhoko tsa Modimo. (Johane 1:16)
12. Ka ntlha ya gore go se sepe se se palelang Modimo. (Matheo 17:20)
13. Ka ntlha ya gore Modimo ga a tlhaole. (Baroma 2:11)
14. Ka ntlha ya gore sedulo sa bogosi ke sedulo sa bopelotlhomogi le kutlwelobotlhoko.
(Bahebere 4:16)
2