Teknologjia Ushqimore

KAPITULLI I TETË
TEKNOLOGJIA E PËRPUNIMIT DHE
KONSERVIMIT TË FRUTAVE DHE
PERIMEVE.
1. Lëndët bazë dhe ndihmëse që përdoren
për prodhimin e konservave të frutave,
perimeve dhe kërkesat ndaj tyre
Konservat kanë lindur si pasojë e nevojës së
njeriut për të pasur produkte ushqimore në
kohë të ndryshme të vitit dhe që ruhen për
një kohë më të gjatë.
Konservat e frutave dhe perimeve lëndë
bazë kanë vet frutat dhe perimet të cilat
pasi trajtohen me procese të ndryshme dhe
me substanca e shtesa ushqimore,
formojnë produktet me karakteristika të
veçanta që përbëjnë konservat.
Lëndët e para ndihmëse, që përdoren në
teknologjinë e përpunimit të frutave dhe
perimeve, luajnë një rol të madh në
përcaktimin e karakteristikave të tyre
kimike dhe fizike, vlerat ushqimore dhe
vetitë organoshqisore.
Figura 8.1. Konserva të përftuara nga fruta të ndryshme
Uji. Uji në industrinë e konservimit luan një
rol shumë të rëndësishëm, ai përdoret për
nevoja teknologjike të vet pajisjeve (uji i
ushqimit të kaldajave, uji i ftohjes, uji i larjes
për përdorim të vazhduar etj). Ai hyn në
mënyrë të drejtpërdrejt në takim me
ushqimet e trajtuara ,ose përbën një
element kryesor të produktit përfundimtarë
(uji i hollimit ose tretësira të përdorura
gjatë cikleve të prodhimit, uji i larjes ose
zierjes i vetë produkteve ushqimore, uji i
larjes së kutive metalike ose prej qelqi, uji i
larjes së linjave të prodhimit etj). Në
funksion të shumëllojshmërisë së
produkteve të trajtuara nga industria
konservuese dhe përdorimeve të
ndryshme, që uji ka gjatë fazave të shumta
të përpunimit, nuk mund të përdoret ujë me
përbërje dhe cilësi bakteriologjiket veçanta,
për çdo produkt dhe për çdo përdorim. Vetia
që ka uji për të zier frutat dhe perimet, varet
nga fortësia e tij, pra nga sasia e kripërave