hap pas hapi për ndërtesa shkollore më të mira - Ministria e Arsimit ...

HAP PAS HAPI PËR NDËRTESA 

SHKOLLORE MË TË MIRA 

KONFERENCË NDËRKOMBËTARE 

4 DHE 5 DHJETOR 2012 

Përmbledhje 

Emri: “Hap pas Hapi për ndërtesa shkollore më të mira” 

Data: 4-5 dhjetor 2012 

Organizuar nga: Ministria e Arsimit, Shkencës dhe Teknologjisë (MASHT) e 

Republikës së Kosovës 

Financuar nga: Ministria e Arsimit, Shkencës dhe Teknologjisë (MASHT) në 

mbështetje të Bankës Botërore përmes zhvillimit institucional 

për projekte të arsimit (IDEP) 

Gjuha zyrtare: Gjuha shqipe dhe gjuha angleze- me për përkthim simultan në 

tri gjuhët zyrtare të Kosovës: në gjuhën shqipe, gjuhën angleze 

dhe gjuhën serbe 

Vendi: Hotel “Emerald”, Prishtinë, Kosovë 

Objektivi 

Qëllimi i konferencës është që të theksoj përpjekjet e institucioneve që të ndërtojnë, të 

përmirësojnë dhe të ofrojnë kushte më të mira në ndërtesat shkollore, gjithnjë me qëllim të 

përmirësimit të cilësisë duke i përfshirë të gjitha shkollat e Kosovës. 

Konferenca do të promovoj punën e Ministrisë së Arsimit, Shkencës dhe Teknologjisë rreth 

ndërtesave shkollore, veçanërisht punën e Departamentit të Infrastrukturës në ndërtim të 

mjediseve të qëndrueshme shkollore si dhe përpjekjet e vazhdueshme në përmirësimin e 

kushteve në hapësirat mësimore. 

Konferenca organizohet me mbështetjen e Bankës Botërore në kuadër të Projektit për 

Zhvillimin Institucional të Arsimit (IDEP). 

Qëllimi specifik i kësaj konference është që të promovoj punën e Departamentit të 

Infrastrukturës përmes Projektit për Zhvillimin Institucional të Arsimit (IDEP) në 

implementimin e strategjisë së arsimit, me theks të posaçëm në krijimin e kushteve më të 

mira në hapësirat shkollore, gjë që kontribuon në rritjen e cilësisë së arsimit. Gjegjësisht, kjo 

komponentë e projektit synon të krijoj kushtet e duhura për hartimin e dizajneve më të mira 

dhe më të përshtatshme të ndërtesave shkollore, zvogëlimin e ndërrimeve, adresimin e 

pengesave sot, si dhe atyre që mund të paraqiten në të ardhmen në hapësirat e mësimit. 

HAP PAS HAPI PËR NDËRTESA SHKOLLORE MË TË MIRA 

KONFERNCË NDËRKOMBËTARE 4 DHE 5 DHJETOR 2012 1

Konkretisht, puna në këtë komponentë të projektit është përqendruar në tri aktivitet 

kryesore: 

* Zhvillimi i bazës së të dhënave të rrjetit fizik të ndërtesave shkollore –Hartat shkollore- 

Planifikimi i Investimeve në bazë të të dhënave të hartës shkollore; 

* Hartimi i Udhëzuesit për normat dhe standardet e hapësirave shkollore, ku përcaktohen 

normat dhe standardet për hapësirat shkollore në mënyrë që dizajnet-projektet 

arkitektonike të jenë financiarisht të qëndrueshme, efiçiente në ruajtje të energjisë, si dhe të 

përshtatshme për metodat e reja të mësimdhënies; 

* Ndërtimi i shkollës model të bazuar në udhëzimet e hartuara në Udhëzuesin për normat 

dhe standardet e hapësirave shkollore, si dhe kritereve të përcaktuara në bazën e të 

dhënave të rrjetit fizik të ndërtesave shkollore – hartat shkollore. 

Duke pasur parasysh rëndësinë e zgjerimit të njohurive mbi praktikat më të mira, konferenca 

do të mundësoj sjelljen e përvojës rajonale dhe ndërkombëtare për të paraqitur ide të reja, 

praktika të reja, përvoja dhe hapa të duhur drejt mjediseve të qëndrueshme arsimore. 

Gjithashtu, është mundësi e mirë që edhe donatorët e tjerë do të paraqesin të arriturat e 

tyre në hapësirat shkollore në Kosovë. E rëndësisë së posaçme është që edhe profesionistët 

lokal do t'i prezentojnë hulumtimet e tyre në këtë fushë. 

Shkëmbimi i informatave dhe përvojave do t'i ofroj mbështetje Departamentit të 

Infrastrukturës në MASHT, në përdorimin e mundshëm të tyre në politikat dhe strategjitë në 

të ardhmen. 

Formati 

Prezentime dhe diskutime të hapura. 

Konferenca është planifikuar të zgjasë dy ditë, e ndarë në pesë seanca. 

Dita e parë - Hapja dhe fjala hyrëse nga ministri i Arsimit, Shkencës dhe Teknologjisë, dhe 

përfaqësuesi i Bankës Botërore në Kosovë. 

Seanca e I-rë - Prezentim nga përfaqësuesit e MASHT-it mbi historinë e arsimit në Kosovë 

dhe rolin e MASHT-it në përmirësim të kushteve në hapësirat shkollore. 

Seanca e II-të – Prezentime dhe diskutim i hapur. Përfaqësuesit e Departamentit të 

Infrastrukturës të MASHT-it dhe të Projektit për Zhvillimin Institucional të Arsimit (IDEP) 

prezentojnë punën e bërë dhe rezultatet e arritura në kuadër të këtij projekti të financuar 

nga Banka Botërore. 

Seanca e III-të- Prezentime dhe diskutim i hapur. Përfaqësues të komunitetit të donatorëve 

prezentojnë ndikimin e tyre në përmirësim të hapësirave mësimore në Kosovë. 

Dita e dytë – Ekspertët- folësit ndërkombëtarë, rajonalë dhe vendorë do të paraqesin 

hulumtimet, eksperiencat dhe hapat e ndërmarrë drejt hapësirave të qëndrueshme 

mësimore. Prezentimet do të plotësohen me diskutime të hapura. 

Seanca e IV-të - Prezentime dhe diskutim i hapur . Ekspertët ndërkombëtarë dhe rajonal 

paraqesin hulumtimet dhe përvojat drejt hapësirave mësimore të qëndrueshme. 

Seanca e V-të - Prezentime dhe diskutim i hapur . Ekspertët vendorë paraqesin hulumtimet 

e tyre drejt përmirësimit të kushteve në hapësirat shkollore. 



Programi 

**Detajet e këtij programi mund te ndryshojnë 

Dita e parë 

08:30 – 09:15 Regjistrimi 

E martë: 4 dhjetor 2012 

09:15 – 09:45 Mirëseardhja dhe fjalimet hyrëse 

09:45 – 10:00 

Ministri i Arsimit, Shkencës dhe Teknologjisë 

Përfaqësues nga Banka Botërore 

Seanca e I-rë 

Prezentimi 1: 

10:00 – 10:15 Prezentimi 2: 

Historia e arsimit nëpër vite 

10:15 – 10:30 Pushim për kafe 

10:30 – 11:00 

11:00 – 11:30 

11:30 - 12:00 

— Drita Kadriu, MASHT,këshilltare politike e Ministrit 

Roli i Ministrisë në përmirësimin e hapësirave shkollore 

— Fadile Dyla, MASHT,drejtoreshë- Departamenti i Infrastrukturës 

Seanca e II-të 

Prezentimi 3: 

Baza e të dhënave të ndërtesave shkollore, dhe paraqitja hapësinore e tyre 

përmes platformës GIS (përkrahur nga projekti IDEP- financuar nga Banka 

Botërore) 

— Rina Ponosheci, MASHT, Departamenti i Infrastrukturës, ing. e ndërtimtarisë 

— Sami Duraku, MASHT/IDEP, konsulent, ekspert i GIS-it 

Prezentimi 4: 

Udhëzuesi për Normat dhe Standardet e hapësirave shkollore (përkrahur nga 

projekti IDEP- financuar nga Banka Botërore) 

— Merita Behluli, MASHT/IDEP, konsulent, arkitekte 

— Isuf Gashi, MASHT, Departamenti i Infrastrukturës, arkitekt 

Prezentimi 5: 

12:00 - 12:30 Diskutim: 

Prezentimi i projektit Shkolla Model (përkrahur nga projekti IDEP- financuar 

nga Banka Botërore) 

— Ilir Gjinolli, MASHT/IDEP, konsulent, arkitekt, Urban plus 

— Ardita Byci, MASHT/IDEP, konsulent, arkitekte, Urban plus 

Panelistët: Fadile Dyla, Rina Ponosheci, Isuf Gashi, Merita Behluli, Sami 

Duraku, Ilir Gjinolli, Ardita Byci 



12:30 - 13:30 Dreka 

Seanca e III-të 

13:30 – 14:00 Prezentimi 6: 

14:00 – 14:30 Prezentimi 7: 

UNICEF në Kosovë prej emergjencës në zhvillim 

— Afërdita Spahiu ,UNICEF 

UNICEF - nisja globale për shndërrimin e shkollave në mjedise mike për fëmijë 

— Carlos Vasquez, UNICEF, arkitekt kryesor për programin e shkollave mike, 

SHBA 

Zvogëlimi i mësimit në më shumë se 2 ndërrime në shkollat e Kosovës 

— Valbona Dushi, USAID-CHF 

14:30 – 14:45 Pushim për kafe 

14:45 - 15:15 

15:15 - 15:45 

09:15 – 09:35 

09:35- 10:55 

Shkolla e gjelbër, model për teknologji të re të ndërtimit në Kosovë 

— Dukagjin Kastrati, USAID-CHF 

Prezentimi 8: 

Ndërtimi i shkollave të gjelbra dhe sfidat e ndërtimit në Rumuni 

— Steven Borncamp, themelues dhe CEO I këshillit për ndërtesa të gjelbra në 

Rumani 

Diskutim: 

Panelistët: Aferdita Spahiu, Carlos Vasquez, Valbona Dushi, Dukagjin Kastrati, 

Steven Borncamp 

Dita e dytë 

E mërkurë: 5 dhjetor 2012 

Seanca e IV-të 

Prezentimi 9: 

Arkitektura dhe arsimi – Sfida të reja – Përvoja e arkitekturës së shkollave në 

Zagreb/ Arkitektura dhe Arsimi 

— Boris Koruznjak,dekan i Fakultetit te Arkitekturës, Universiteti i Zagrebit, 

Kroaci 

Prezentimi 10 : 

“Shkollat përtej shkollimit” 

09:55- 10:15 Prezentimi 11 : 

— Frid Buehler, profesor në Universitetin e Konstancës, Gjermani 

Kompozimi i elementeve në ndërtesa shkollore 

— Giovanni Romagnoli, asistent profesor në Universitetin e Sapienza, Romë 



10:15- 10:45 Diskutim: 

10:45- 11:00 Pushim për kafe 

11:00-11:20 

Panelistët: Boris Koruznjak, Frid Buehler, Giovanni Romagnoli 


11:20-11:40 Prezentimi 13 : 

11:40-12:00 Prezentimi 14 : 

12:00- 12:30 Diskutim: 

12:30- 13:30 Dreka 

13:30– 13:50 

Te ndërtuarit e shkollave të së ardhmes – në drejtim të shkollave cilësore në 

Finlandë 

— Reino Tapaninen, kryearkitekt në Bordin Kombëtar të Arsimit, Finlandë 

Të projektuarit për arsimin : Një perspektivë ndërkombëtare 

— Alastair Blyth, ish- analist në OECD- CELE, Angli 

Sfidat në arkitekturën e shkollave 

— José Freire da Silva, konsulent në shkollën e arkitekturës dhe planifikimit, 

ish-përfaqësues i Portugalisë në OECD, Portugali 

Panelistët: Reino Tapaninen, Alastair Blyth, José Freire da Silva 

Seanca e V-të 


13:50 – 14:10 Prezentimi 16 : 

14:10- 14:30 Diskutim: 

Hulumtimet në fushën e ndërtimit të qëndrueshëm dhe trajtimet e akustikës 

në ndërtesat e shkollave 

— Violeta Nushi, profesoreshë në Universitetin e Prishtinës, Fakulteti i 

Arkitekturës 

Siguria në objektet shkollore nga fatkeqësitë natyrore -rast i studimit: tërmetet 

— Zana Hoxha-Edip, UNDP, specialiste në zvogëlimin e rrezikut ndaj 

fatkeqësive 

Panelistët: Violeta Nushi, Zana Hoxha-Edip 

14:30 – 15:30 Vërejtjet përmbyllëse 



Folësit 

Folësit e MASHT dhe IDEP: 

1. Drita KADRIU, MASHT- këshilltare politike e Ministrit 

2. Fadile DYLA, MASHT- Departamenti i Infrastrukturës, drejtoreshë 

3. Rina PONOSHECI, MASHT- Departamenti i Infrastrukturës, inxhiniere e ndërtimtarisë 

4. Sami DURAKU, MASHT/IDEP- konsulent, ekspert i GIS-it 

5. Isuf GASHI, MASHT- Departamenti i Infrastrukturës, arkitekt 

6. Merita BEHLULI, MASHT/IDEP- konsulent, arkitekte 

7. Ilir GJINOLLI, MASHT/IDEP- konsulent, arkitekt, Urban plus 

8. Ardita BYCI, MASHT/IDEP- konsulente, arkitekte, Urban plus 

Përfaqësues të donatorëve: 

9. Aferdita SPAHIU ,UNICEF 

10. Carlos VASQUEZ, UNICEF- arkitekt kryesor për programin e shkollave mike, SHBA 

11. Valbona DUSHI, USAID-CHF-inxhiniere e ndërtimtarisë 

12. Dukagjin KASTRATI, USAID-CHF-arkitekt 

Ekspertët ndërkombëtarë: 

13. Steven BORNCAMP, Rumani, themelues dhe CEO i këshillit për ndërtesa të gjelbra në 

Rumani 

14. Boris KORUZNJAK, Kroaci, dekan i Fakultetit të Arkitekturës, Universiteti i Zagrebit 

15. Frid BUEHLER, Gjermani , profesor ne Universitetin e Konstanzës 

16. Giovanni ROMAGNOLI, Itali, Asistent profesor në Universitetin e Sapienza, Romë 

17. Reino TAPANINEN, Finlandë, kryearkitekt ne Bordin Kombëtar të Arsimit në Finlandë 

18. Alastair BLYTH, Britania a Madhe, ish- analist në OECD- CELE 

19. José FREIRE da SILVA, Portugali ,konsulent në shkollën e arkitekturës dhe planifikimit, 

ish-përfaqësues i Portugalisë në OECD. 

Ekspertët lokal: 

20. Violeta NUSHI, Kosovë, profesoreshë në Universitetin e Prishtinës- Fakulteti i Arkitekturës 

21. Zana HOXHA-EDIP, Kosovë, specialiste në zvogëlimin e rrezikut ndaj fatkeqësive në 

UNDP. 



Biografitë e folësve në konferencë 

Drita KADRIU, MASHT- këshilltare politike e Ministrit 

Drita Kadriu, deputete në kuvendin e Republikës së Kosovës, si dhe 

kryesuese e komisionit për arsim, shkencë, teknologji, kulturë, rini dhe 

sport. Aktualisht është këshilltare politike e Ministrit të Arsimit, Shkencës 

dhe Teknologjisë në Kosovë. Ligjëruese në Fakultetin e Edukimit në 

Universitetin e Prishtinës "Hasan Prishtina", ku ligjëron strategjitë 

interaktive të mësimit si dhe ligjëruese në Universitetin e Pejës "Haxhi 

Zeka" mbi psikologjinë edukative. Për shkak të përvojës së saj të pasur në 

sektorin e arsimit ajo ka një rol kyç në komisione dhe këshille të ndryshëm, të tilla si: anëtare 

e këshillit kombëtar -korniza e kurrikulit, anëtare e këshillit shtetëror për licencimin e 

mësimdhënësve dhe anëtare e këshilleve të ndryshëm komunal. Si profesoreshë e biologjisë, 

e diplomuar në Fakultetin e Shkencave Natyrore dhe Matematikës në Universitetin e 

Prishtinës dhe me MA në Menaxhim dhe udhëheqje në arsim, të përfunduar në SEEU- 

Tetovë, karrierën e saj në sektorin e arsimit ka filluar që nga viti 1995 si drejtoreshë e shkollës 

fillore "Meto Bajraktari" në Mitrovicë. Ajo gjithashtu ka përvojë të gjerë ndërkombëtare, ku 

ishte pjesëmarrëse e vizitave të shumta studimore ndërkombëtare dhe programeve 

shoqëruese kerkimore. Ajo gjithashtu botoi një mësim model brenda librit të 

mësimdhënësve "modelet e mësimdhënies bazuar në strukturën ERR" dhe një mësim model 

brenda librit të mësimdhënësve "Anti-Korrupsioni në Arsim". 

Fadile DYLA, MASHT- Departamenti i Infrastrukturës, drejtoreshë 

Fadila Dyla është Drejtore e Departamentit të Infrastrukturës dhe 

Shërbimeve Teknike, në Ministrinë e Arsimit, Shkencës dhe Teknologjisë që 

nga viti 2002, përgjegjësitë e saj përfshijnë: përmirësimin e mjedisit për 

mësimdhënie dhe mësimnxënje në Kosovë, zhvillimin dhe monitorimin e 

standardeve për projektim dhe ndërtim të ndërtesave arsimore, 

menaxhimin dhe monitorimin e infrastrukturës së më shumë se 1100 

ndërtesave arsimore në Kosovë; koordinuese e donatorëve në investimet 

në ndërtesat shkollore. Znj. Dyla ka studiuar në Universitetin e Prishtinës, Fakulteti i 

Ndërtimtarisë dhe Arkitekturës, ku ajo diplomoi në Arkitekturës në vitin 1998, kohët e fundit 

ka filluar studimet MBA në Menaxhim të Përgjithshëm në Universitetin e Sheffield, Fakultetit 

Ndërkombëtar CITY College në Selanik. Para angazhimit të saj në kuadër të Ministrisë së 

Arsimit, Shkencës dhe Teknologjisë ajo ka punuar si arkitekte në projektet e shumta të 

infrastrukturës përmes OJQ-ve të ndryshme në tërë Kosovën. Në vitin 2010 ajo bëri një 

hulumtim në Washington DC përmes Hope Fellowship programit në fushën e arsimit me 

temë “Promovimi i qëndrueshmërisë në shkolla – Mjediset mësimore efektive”. Gjatë 

angazhimit të saj në kuadër të Ministrisë ajo ishte pjesëmarrëse në shumë trajnime të 

ndryshme ndërkombëtare dhe vizita studimore, të tilla si: Zhvillimi i lidershipit të lartë, 

programi i organizuar nga Universiteti i Calgarit.. 



Rina PONOSHECI, MASHT- Departamenti i Infrastrukturës, inxhiniere e ndërtimtarisë 

Rina Ponosheci lindi ne vitin 1982 ne Gjakovë. Ka studiuar Fakultetin e 

Ndërtimtarisë-drejtimi konstruktiv në Universitetin e Prishtinës (2000 – 

2006). Në vitin 2007 Rina ka ndjekur kursin ndërkombëtar për projektim dhe 

ndërtim aseizmik, i mbajtur në Institutin për Inxhinieri te Tërmeteve (IZIIS) 

në Shkup, Maqedoni. Që nga viti 2006 ajo praktikon profesionin e 

ndërtimtarisë në projektimin dhe ndërtimin e objekteve të ndryshme. Rina 

punon ne MASHT si projekt menaxhere në Departamentin e Infrastrukturës qe nga viti 2008. 

Si inxhiniere e ndërtimtarisë është e angazhuar në koordinimin e projekteve për ndërtimin e 

shkollave prej fazës se selektimit te dizajnit, menaxhimin e ndërtimit deri ne pranimin final të 

projektit dhe gjithashtu përfshihet ne aktivitet tjera ne përgatitjen dhe menaxhimin e 

investimeve te MASHT-it në ndërtimin e shkollave. Së fundi, Rina ka filluar studimet MBA për 

menaxhment të përgjithshëm në Universitetin e Sheffild-it, fakulteti ndërkombëtar City 

College ne Selanik. 

Sami DURAKU, MASHT/IDEP- konsulent, ekspert i GIS-it 

Sami Duraku lindi ne vitin 1974 në Krushë të Madhe, Komuna Rahovec. Ka 

kryer studimet universitare në Fakultetin e Shkencave Matematike-Natyrore 

të Universitetit të Prishtinës në vitin 2001. Është në përfundim të studimeve 

Master i Shkencave Kompjuterike në Universitetin e Prishtinës të realizuara 

me përkrahjen e programit “Tempus” në bashkëpunim me Universitetin La 

Rochelle në Francë dhe Institutin e Teknologjisë Carlow në Irlandë. Në vitin 

2004 u certifikua si specialist i GIS-it (Sistemin e Informacionit Hapësinor) në San Diego të 

Kalifornisë. Në vitin 2005 është certifikuar për GPS-it (Sistemi Global të Pozicionit) në San 

Francisko Kaliforni. Nga viti 2002 punon në KPMM (Komisioni i Pavarur i Minierave dhe 

Mineraleve) si kryesues i Departamentit të IT dhe GIS-it. Qe nga shtatori 2007 është 

angazhuar në “AUK”, fillimisht si asistent i profesorit në departamentin e CENR. (Center for 

Energy and Natural Resource). Gjithashtu është angazhuar si konsulent në lidhjeje me 

zhvillimin e sistemit hapësinor në MMPH. Ka qenë i përfshire ne hartimin e planeve 

rregullative urbane dhe komunale në komunat: Prishtinë, Pejë Prizren, Gjilan, Ferizaj, Shtime, 

Kaçanik, Podujevë. 

Isuf GASHI, MASHT- Departamenti i Infrastrukturës, arkitekt 

Isuf Gashi u lind ne vitin 1967 në Arllat- Gllogovc. Ka studiuar në fakultetin e 

Arkitekturës në Universitetin e Prishtinës (1987 – 1992). Gjatë periudhës 

1999-2000 Isufi ka punuar me organizatën Belge MSF (Medicins Sans 

Frontieres) në projektin e rehabilitimit të objekteve shëndetësore pas lufte. 

Nga viti 2000-2004 ai merret me projektim të objekteve të ndryshme dhe 

udhëheqjen e ndërtimeve të objekteve të ndryshme. Isufi punon në 

MASHT si projekt menaxher në Departamentin e Infrastrukturës që nga viti 2004. Përfshirja e 

tij si inxhinier i arkitekturës është e fokusuar në koordinimin e projekteve për ndërtimin e 

shkollave prej fazës se selektimit të dizajnit, menaxhimin e ndërtimit deri ne pranimin final te 

projektit dhe gjithashtu përfshihet ne aktivitet tjera ne përgatitjen dhe menaxhimin e 

investimeve te MASHT në ndërtimin e shkollave. 



Merita BEHLULI, Konsulente MAShT/IDEP, arkitekte 

Merita Idrizi Behluli, arkitekte nga Prishtina, Republika e Kosovës, diplomoi 

në vitin 1990 pranë Universitetit të Prishtinës ,Fakulteti i Ndërtimtarisë dhe 

Arkitekturës. Në vitin 2010 përmes Hope Fellowship programit kreu një 

studim për objektet e qëndrueshme nga aspekti mjedisor në Uashington 

D.C.. Në vitin 2009 ajo themeloi firmën e konsulencës së quajtur ‘M /micro/ 

studio’ e cila ofron këshilla dhe ekspertizë arkitekturale me synim të 

ndikimit të politikave publike të konceptit Gri në Gjelbër. Gjatë periudhës 

1998-2007 ajo ishte përfshirë aktivisht në procesin e rindërtimit të Kosovës si pjesë e 

rindërtimit dhe aktiviteteve zhvillimore. Përmes Agjencisë Evropiane për Rindërtim, ajo ishte 

pjesë e menaxhimit të programeve të ndryshme për rehabilitim dhe rindërtim të shtëpive, 

objekteve arsimore dhe publike në Kosovë. Në vitin 2007 ajo ishte pjesë e programit për 

rehabilitim dhe ndërtim të shkollave të rrënuara nga cunami në Shri Lankë. Në vitin 2012 ajo 

punoi si eksperte për strehim social në një projekt të Komisionit Evropian në Bosnje e 

Hercegovinë që synonte hartimin e politikave për strehim social për qeverinë e Bosnje e 

Hercegovinës. Ajo tash është duke punuar si konsulente në një projekt (IDEP) të Bankës 

Botërore në Ministrinë e Arsimit, Shkencës dhe Teknologjisë, me fokus të veçantë në 

mjedisin fizik të shkollave. Gjithashtu, ajo botoi artikuj në revistën ndërkombëtare 

“Conditions” me temën :njohuritë dhe praktikat e reja në arkitekturë. 

Ardita BYCI JAKUPI, MEST/IDEP Konsulente, Arkitekte URBAN PLUS 

Ardita Byci Jakupi lindi në Hamburg në vitin 1977. Diplomoi pranë 

Fakultetit të Ndërtimtarisë dhe Arkitekturës në Prishtinë në vitin 2003. 

Është pranuar në Departamentin e Arkitekturës- katedra e Urbanizmit 

dhe Planfikimit Hapësinor, Universiteti I Prishtinës si asistente mësimore. 

Në vitin 2001 u angazhua në studion e arkitekturës, planifikimit dhe 

dizajnit urban URBAN PLUS ku në vitin 2005 u bë edhe partnere. Ajo ka 

punuar si arkitekte dhe planere urbane dhe ka menaxhuar projekte të 

niveleve të ndryshme si në fushën e arkitekturës ashtu edhe të planifikimit urban. Aktualisht 

ajo është studente e doktoraturës pranë Fakultetit të Arkitekturës në Sarajevë ku është duke 

bërë hulumtime në fushën e arkitekturës peisazhore. 

Aferdita SPAHIU, UNICEF 

Aferdita Spahiu has been working with UNICEF Kosovo Office as an 

education specialist since 1999. She is a Master of Science on Philology 

and had graduated from the University of Prishtina on English Language 

and Literature. Apart from her teaching experience at primary, secondary 

ad university level, her expertise is related to the education in emergency 

and development. She has lead and coordinated some of the key 

education reforms in Kosovo, in particular in the area of curriculum 

development, teacher training, early childhood education etc. Her involvement has been 

notable in many advocacy efforts on the issues of inclusive education, investment of early 

childhood development etc. She conducted a research through the J. William Fulbright 

Visiting Scholars Program in 2009/2010 academic year in USA in the area of civic education 

with the topic “The Role of Civic Education in Transforming School into a Democratic 

Environment”. She is an active board member of a non-for-profit association Kosovo United 

States Alumni. 



Carlos VASQUEZ, shkollat miqësore për fëmijë, UNICEF, ShBA 

Carlos Vasquez ka diplomuar nga fakulteti i arkitekturës në vitin 1992 dhe 

ka marrë titullin Master në sistemet e qëndrueshme mjedisore në vitin 2010 

dhe titullin e-Master në WASH në shkolla në vitin 2011. Carlos ka punuar si 

arkitekt gjatë 20 viteve të kaluara. Me projektet ku ka punuar, ai ka 

dizajnuar dhe ka ndërtuar objekte sociale, qendra të kujdesit shëndetësor, 

strehimore për të pastrehët dhe shkolla. Ai ka dokumentuar gjenocidin në 

Ruandë, në vitin 1994, dhe ka studiuar ndikimin kulturor të kulturës arabe 

në Spanjë dhe në Amerikën latine përmes arkitekturës. Gjatë 6 viteve të fundit Carlos ka 

punuar për UNICEF-in në projektimin dhe ndërtimin e shkollave miqësore për fëmijë në 

shtetet që kanë kaluar fazën e emergjencave, konfliktit dhe shtetet në zhvillim. Nga selia 

qendrore e UNICEF-it ai përkrahë aktivitete të ndryshme që kanë të bëjnë me mjedisin 

miqësor për mësimnxënie dhe me ndërtimin e shkollave. Aktivitetet e tij kryesore janë në: 

përkrahjen e realizimit të pakove dhe doracakëve mësimor për shkollat miqësore për fëmijë, 

përkrahje dhe ndërtim të kapacitetit në nivel rajonale me të gjitha palët e interesuara, 

këshillë dhe përkrahje të zyrave shtetërore të UNICEF-it për menaxhim të projektimit dhe 

ndërtimit të shkollave. 

Valbona DUSHI, USAID-CHF-inxhiniere e ndërtimtarisë 

Valbona Dushi, Inxhiniere e Ndertimtarise nga Prishtina, Republika e 

Kosoves, diplomuar ne vitin 1989 ne Universitetin e Prishtines, Fakulteti I 

Ndertimtarise – Drejtimi Konstruktiv, ne Kosove. Me pervoje me shume se 

18 vjet ne menaxhimin e projekteve te zhvillimit dhe ndertimit ne Kosove. 

Kater vite Zevedes Drejtoreshe ne CHF International, program I financuar 

nga USAID per infrastrukturen e arsimit ne Kosove. Pervoja e meparshme 

ne programin e zhvillimit ekonomik, menaxhimin dhe implementimin e projekteve te 

zhvillimit ekonomik te financuara nga BE duke perkrahur Ministrine e Tregetise dhe 

Industrise. Pervoja me Shoqatat Lokale, duke ofruar trajnime per ndermarres te rinj dhe 

ofrimi i sherbimeve te zhvillimit te biznesit per bizneset lokale. Si Koordinatore e Projektit 

per UNDP, draftimin e Strategjise Zhvillimore te Qendrueshme per komunen e Gjakoves, 

bazuar ne Objektivat Zhvillimore te Mileniumit (OZHM). Gjate periudhes se pas luftes te 

rindertimit, ka menaxhuar stafin inxhinjerik dhe vleresues, dhe ka ofruar mbikqyrje te 

projekteve ndertimore per agjensionet e ndryshme nderkombetare. 

Dukagjin KASTRATI, USAID-CHF-arkitekt 

Dukagjin Kastrati, I diplomuar në shkallën master ne Tiranë, dhe disa 

trajnime shtesë si në: menaxhimi I financave, resurseve humane dhe 

menaxhment ndërtimi. Në 12 vitet e fundit ka zhvilluar përvoja ne projektim, 

planifikim, menaxhment, mbikëqyrje dhe angazhim komuniteteve. Tani 

është duke shërbyer në CHF në programin KASS për shkollat në Kosove, si 

dhe program I njëjtë për veriun e Kosovës. Ne bashkëpunim te ngushtë me 

stafin e CHF-së angazhohet në identifikimin, zhvillimin dhe ekzekutimin e 

projekteve, duke filluar nga procesi I tenderimit, kontraktimit dhe ekzekutimi i ndërtimit , 

duke siguruar kualitetin dhe afatin e punimeve. Po ashtu një pjesë karrierës kalon në 

mbrojtje të trashëgimisë kulturore, kryesisht arkitektonike, ne organizatën suedeze, 

Trashëgimia kulturore pa kufij – CHWB. Si projekt menaxher, në bashkëpunim me 

institucionet lokale dhe Ministrinë e Kulturës, ishte i angazhuar ne restaurimin dhe mbrojtjen 

e trashëgimisë kulturore të kulturave te ndryshme në Kosovë, si dhe qëndrueshmërinë e 

restaurimeve nëpërmjet angazhimeve të komuniteteve. 



Steven BORNCAMP, President themelues dhe kryeshef ekzekutiv, Këshilli rumun për 

objektet e gjelbra, Rumani 

Steven Borncamp ka udhëhequr ekipin i cili organizoi Këshillin Rumun për 

Objektet e Gjelbra, konferencën e parë “Build Green CEE” në Bukuresht 

dhe disa iniciativa tjera për ndërtime të gjelbra në rajon. Ai themeloi 

SOPOLEC, kompani inovative që i dedikohet përkrahjes dhe zhvillimit të 

bizneseve përgjegjëse mjedisore dhe ka dhënë këshilla strategjike dhe ka 

menaxhuar me projektet afariste dhe teknologjike për kompanitë 

udhëheqëse multinacionale në rajonin e Evropës qendrore dhe lindore si 

dhe në Shtetet e Bashkuara. Steven ishte një nga avokatët e parë të zhvillimit të 

qëndrueshëm dhe biznesit përgjegjës social i cili iu bashkua First Affirmative Financial 

Network (rrjeti i parë afirmativ financiar) në vitin 1993 – që është një nga kompanitë pioniere 

me investime në këtë fushë. Ai studioi ekonominë në Universitetin e Kalifornisë, San Diego, 

dhe mban titullin Master në marrëdhëniet ndërkombëtare nga Universiteti i Tuft-it, Fakulteti 

Fletcher i juridikut dhe diplomacisë. 

Boris KORUZNJAK, Dekan i Fakultetit të Arkitekturës, Universiteti i Zagrebit, Kroaci 

Boris Koružnjak u lind në vitin 1955 në Zagreb. Ai diplomoi në Fakultetin e 

Arkitekturës në Zagreb në vitin 1979 dhe punoi si Shef i Katedrës së 

Arkitekturës në Fakultetin e Arkitekturës që nga viti 2011. Në vitin 2000 ai 

mori titullin Master në tezën “Rezidencat për qytetarët e vjetër, duke 

analizuar shembuj të shtëpive të pleqve në Zagreb”. Gjatë viteve 1989, 

1992 dhe 1993 ai punoi në Vjenë (në byronë ILBAU - G.m.b.H.) dhe në 

Stuttgart (në byronë Laage & Partner dhe Behnisch & Parner). Ai është 

anëtar i Odës Kroate të Arkitektëve që nga viti 1999 dhe ishte anëtar i Komisionit për 

regjistrim të arkitektëve në Odën Kroate të Arkitektëve nga viti 2007 gjer në 2008. Ai ka 

pasur ekspozitë solo dhe ekspozitë kolektive, kurse si ligjërues ka marrë pjesë në shumë 

konferenca profesionale dhe shkencore. 

Frid BUEHLER, Profesor në Universitetin e Konstancës, Gjermani 

Frid Buehler është Prof. Dipl. Ing. i Arkitekturës, Partner i Buehler & 

Buehler, Architects, Munih (që nga viti 1972). Ai është kryesues i komisionit 

profesional të arkitekturës (shoqata për akreditim të studimeve 

arkitekturale dhe për planifikim, Berlin) dhe Profesor për dizajn dhe dizajn 

urban, Universiteti i Konstancës, fakulteti i arkitekturës dhe dizajnit të 

komunikimit. Ai ka përvojë të bujshme si profesor ndërkombëtar vizitues në 

Universitetin Shtetëror të Virgjinias, në Blacksburg ShBA dhe në 

universitete të ndryshme ndërkombëtare. Gjatë karrierës së tij ai ka fituar shpërblimin 

Deutscher Stahlbaupreis, shpërblimin IAKS International për objektet sportive, UNESCO, 

shpërblimin për projektim të shkollave, shpërblimin për objektin shembullor afarist për 

arkitektë, shpërblimin e Ministrisë së strehimit dhe zhvillimit urban etj. Ai gjithashtu ka pasur 

ekspozitat e tij personale siç janë International Biennial for Modern Architecture në Buenos 

Aires 1995 + 1998 (i shpërblyer), Objektet moderne industriale, Stuttgart, Objektet 

shembullore sportive, Köln, Ekspozita jubilare e Universiteti të Virgjinias dhe Vico 

Morcote/Zvicër. 



Giovanni ROMAGNOLI, assisten i profesorit ne Universitetin e Sapienza, Itali 

Giovanni Romagnoli u lind në Romë në vitin 1983. Në vitin 2010, ai mori 

titullin Master në Arkitekturë për ‘Metron e Romës: diagrami dhe 

arkitektura’ me nderin e klasës së parë (110/110 cum laude) në 

Universitetin e Romës “La Sapienza”. Në vitin 2007, ai ishte pjesë e ekipit 

fitues të Alvisi Kirimoto në garën ndërkombëtare Meno Meno Più për 

projektin e projektimit të qendrës qytetare me çerdhe për fëmijë. Në vitin 

2010 ai mori pjesë në ekspozitën ‘Etched Architecture’ të organizuar nga Istituto di 

Calcografia Nazionale në Romë. Që nga viti 2011, ai është student i kursit për Phd në 

Fakultetin e Arkitekturës në Università di Roma La Sapienza ku është duke bërë hulumtime 

në fushën e krijimtarisë ‘Roma dhe shtresimi i saj’. Ai punon edhe si asistent i profesorit 

Franco Purini. Në vitin 2011 ai fitoi çmimin Runner Up në Europan Kosovo 11 si anëtar i 

grupit “Diana’s Ring” me një projekt të Universitetit dhe qendrës qytetare për Pejën. 

Reino TAPANINEN, Kryearkitekt i bordit kombëtar të arsimit, Finlandë. 

Reino Tapaninen, u lind në vitin 1955 në Nurmes, Finlandë, dhe mban 

titullin Magjistër i Shkencave (Arkitekturë), nga viti 1980 nga Universiteti 

Tampere për Teknologji, Fakulteti i Arkitekturës në Finlandë. Që nga viti 

2011 ai punon me orar të pjesshëm si Kryeshef i kompanisë private, 

Bovallius Properties Ltd, Pieksämäki, në Finlandë, dhe si kryearkitekt me 

orar të pjesshëm për Bordin Kombëtare të Finlandës për Arsim, Helsinki 

në Finlandë. Ai aktivisht ka marrë pjesë në disa konferenca 

ndërkombëtare për arkitekturën dhe dizajnin e shkollave si prezantues, siç janë 

UIA/UNESCO/FEDE: Karakas, Venezuelë, 1991, INIFED: Campeche, Meksikë, 2011, INIFED: 

Puebla, Meksikë, 2012 etj. Ai është anëtar i Shoqatës Finlandeze të Arkitektëve që nga viti 

1980. Ai është edhe autor dhe redaktor i disa librave dhe artikujve për arkitekturën dhe 

dizajnin e shkollave për botuesit finlandez dhe ndërkombëtar. 

Alastair BLYTH, ish analist i qendrës OECD për mjediset mësimore (CELE), Angli 

Alastair Blyth është analist ndërkombëtar i politikave arsimore dhe arkitekt 

britanik që fokusohet në atë se si mjedisi mësimor përkrahë arsimin. Ai 

punon me qeveritë, politikë bërësit, arkitektët dhe pedagogët. Tema 

kryesore e punës së tij është mënyra se si mjedisi fizik përkrahë nevojat për 

mësim. Më parë në qendrën OECD për mjediset efektive mësimore (CELE) 

gjer në gusht të vitit 2012, puna e Alastair mbuloi të gjitha nivelet e arsimit 

dhe këshillave për politikë bërësit, pedagogët dhe projektuesit për mënyrën e krijimit të 

mjediseve fizike mësimore të cilat përmbushin nevojat e arsimit. Alastair udhëhoqi rishikimet 

politike në Portugali dhe në Meksikë rreth efikasitetit të programeve dhe renovim dhe 

modernizim të objekteve shkollore, dhe vazhdon punën si ekspert në OECD për rishikimet 

politike. Ai udhëhoqi studimin e OECD-së për mjediset mësimore që rezultoi në raportin 

“Projektimet për arsim: Përmbledhje e objekteve shembullore arsimore 2011”. 



Jose FREIRE da SILVA, Konsulent në fakultetin e arkitekturës dhe planifikimit, ish 

përfaqësues i Portugalisë në OECD-CELE, Portugali 

José Freire da Silva i lindur në Portugali, Ponta Delgada, në vitin 1946 

është arkitekt nga ESBAL (Escola Superior de Belas Artes de Lisboa), 1976 

dhe vijon studimet për Master në studimet e trashëgimisë në 

Universidade Aberta, Lisbonë. Gjatë periudhës 1995-2008 ai punoi për 

Ministrinë e Arsimit, në departamentin qendror për objektet shkollore, 

dhe përfaqësoi Ministrinë në OECD CELE (ish PEB), Bordin qeverisës dhe 

punoi si ekspert në vlerësimin e cilësisë së shkollave brenda fushëveprimit të PEB. Ai ka 

punuar si vlerësues për kryetarin e qytetit Macao, 1993-94; për Ministrinë e Arsimit të 

Portugalisë, Drejtoria e përgjithshme për objektet shkollore, 1977-85; dhe ka kryer studimet 

për EIB për programet e objekteve shkollore në Bukuresht dhe në Shqipëri, 2007 dhe 2008; 

programimi dhe projektimi i shkollave për kompanitë private të arkitekturës që nga viti 2007. 

Tani ai punon si konsulent dhe arkitekt projektues në sektorin privat dhe është konsulent i 

Bankës Evropiane për Investime. 

Violeta NUSHI, Kosovë, profesoreshë në Universitetin e Prishtinës- Fakulteti i Arkitekturës 

Violeta Nushi u lind në Gjakovë, në vitin 1965. Ajo u diplomua në 

Fakultetin e Ndërtimtarisë dhe Arkitekturës në Prishtinë, Degën e 

arkitekturës në vitin 1989 dhe është e punësuar në të njëjtin, në Fakultetin 

e Ndërtimtarisë dhe Arkitekturës që nga 2004. Në vitin 2004, ajo mori 

diplomë pasuniversitare Master i Shkencave Teknike me tezën ''Guaska 

betonarme në formë të paraboloidit hiperbolik” dhe mori diplomën e 

Doktorit të Shkencës me tezën "Arritja e qëndrueshmërisë në hapësirë me zgjedhjen e 

formës së strukturës hapësinore". Ajo është e angazhuar si Profesor edhe në Universitetin 

Shtetëror në Tetovë, Republika e Maqedonisë që nga viti 2009. Prej vitit 1989 deri 1999 ka 

punuar në Gjakovë (Entin për Urbanizëm dhe Projektim) si Urbaniste dhe kryeprojektante 

arkitektonike, prej 2000 deri 2001 në Zyrën amerikane në Prishtinë dhe prej 2002 deri 2010 

në Organizatën për Siguri dhe Bashkëpunim në Evropë në Prishtinë si Inxhiniere Ndërtimi. 

Aktualisht ajo është zëvendës-kryetare e Asociacionit të Arkitektëve të Kosovës. Që nga viti 

2009 ajo është anëtare shkencore në dy projekte shkencore ndërkombëtare në kuadër të 

Bashkëpunimit Evropian të Shkencës dhe Teknologjisë (COST TU0901 dhe COST TU0905). 

Ajo ka marrë pjesë me kumtesa dhe leksione të zgjedhura në shumë konferenca shkencore 

dhe profesionale. 

Zana HOXHA-EDIP, Kosovë, specialiste në zvogëlimin e rrezikut ndaj fatkeqësive në UNDP 

Zana Hoxha-Edip ka lindur më 1982 në Prishtinë. Ka studiuar Fakultetin e 

Ndërtimtarisë në Universitetin e Prishtinës, Drejtimin Konstruktiv (200- 

2005) Në vitin 2006 Zana ka qenë fituese e bursës për të ndjekur Kursin 

Ndërkombëtar për Projektim dhe Ndërtim Asizmik, i mbajtur në Institutin 

për Inxhinieri të tërmeteve dhe sizmologji IZIIS në Shkup, Maqedoni. Që 

nga viti 2005 Zana në mënyrë aktive merret me projektim dhe përforcim 

të objekteve të ndryshme inxhinierike në bashkëpunim me inxhinier me përvojë. Në vitin 

2007 Zana përzgjidhet fituese e bursës së DAAD (Shërbimit Gjerman për Shkëmbim të 

Studentëve) për të ndjekur programin e Magjistraturës “Natural Hazards Mitigation in 

Structural Engineering” në Bauhaus University Ëeimar, Gjermani (2007-2009). Që nga Marsi 

2010 Zana punon në UNDP Kosovë si Specialiste për Zvogëlimin e Rrezikut nga Fatkeqesitë 

(ZRF). Si specialiste e ZRF-së Zana mbështet Qeverinë e Kosovës në përfshirjen e kësaj fushe 

në proceset e zhvillimit dhe në të njëjtën kohë mbështet organizatat tjera te Kombeve të 

Bashkuara në çështjet e ZRF-së.

hap pas hapi për ndërtesa shkollore më të mira - Ministria e Arsimit ...

Create successful ePaper yourself

Delete template?

Save as template?