hartimi i strategjisë për ppp në korçë dhe plani i investimeve ... - LGPA

HARTIMI I STRATEGJISË PËR PPP NË KORÇË DHE
PLANI I INVESTIMEVE KAPITALE NË POGRADEC
Tetor 2009
Ky botim u financua nga Agjencia e Shteteve të Bashkuara për Zhvillimin
Ndërkombëtar (USAID) dhe u përgatit Instituti i Kërkimeve Urbane për Programin e
Qeverisjes Vendore në Shqipëri (LGPA).
Bashkia
Korçë
Bashkia
Pogradec

Ky studim u mundësua nga USAID në kuadër të kontratës: DFD-I-00-05-05-00121-00 të
Programit për Qeverisjen Vendore në Shqipëri (LGPA)
Studimi u realizua nga Instituti i Kërkimeve Urbane (URI) në nënkontratë nr. LGPA – 09 –
008 me kompanine ARD, Inc. Studimi u përgatit nga:
Edlir Vokopola / Ekspert për Menaxhimin e Asseteve / URI
Enea Hoti / Jurist/ URI
Sokol Ngjelina / Arkitekt/ URI
Fabjola Zeqiri / Eksperte Finance / URI
1

HARTIMI I NJE STRATEGJIE PËR PPP NE
BASHKINË KORÇË DHE PLANI I
INVESTIMEVE KAPITALE NË POGRADEC
Tetor 2009
Pikpamjet e autorëve të shprehura në këtë publikim nuk reflektojnë domosdoshmërisht
pikpamjet e Agjencisë së Shteteve të Bashkuara për Zhvillimin Ndërkombëtar ose të
Qeverisë së Shteteve të Bashkuara.
2

Mirënjohje
Hartimi i Projekti të Partneritetit Publik dhe Privat për Programin e Zhvillimit të Tokës për
Qëllime Tregu dhe Banesa Sociale në Bashkinë Korçë (HP4) dhe Plani i Investimeve Kapitale
(PIK) në Pogradec u mundësuan nga USAID në kuadër të Programit të Qeverisjes Vendore në
Shqipëri (LGPA).
HP4 dhe PIK u përgatitën nga Instituti i Kërkimeve Urbane në bashkëpunim me Grupet e
Punës në bashkitë e Korçës dhe Pogradecit. Për këtë dokument punuan Edlir Vokpola,
Fabjola Zeqiri, Enea Hoti, Sokol Ngjelina, Lindita Oshafi dhe Zana Vokopola.
URI falenderon Grupet e Punës në bashkinë Korcë dhe Pogradec si dhe personelin e LGPA
për mbështetjen e vazhdueshme dhe kontributin e tyre.
Projekti u zhvillua me inciativën dhe nën kujdesin e vazhdueshëm të kryetarit të bashkisë
Korçë, zotit Niko Peleshi dhe kryetarit të bashksë Pogradec, zotit Artan Shkembi.
Për më shumë informacion mbi HP4 dhe PIK mund të kontaktoni me Edlir Vokopola
(evokopola@uri.org.al) në Institutin e Kërkimeve Urbane (www.uri.org.al)
3

Tabela e permbajtjes
Mirënjohje ............................................................................................................................................................................ 3
Shkurtime ............................................................................................................................................................................ 5
Hyrje ............................................................................................................................................................................ 6
Komponenti 1: Hartimi i Strategjisë për PPP në Korçë ................................................................................ 7
1. Konteksti i projektit ................................................................................................................................... 7
2. Zbatimi i Detyrave dhe Përshkrimi i Aktiviteteve ......................................................................... 8
2.1 Krijimi dhe bashkëpunimi me Grupin e Punës të Bashkisë ................................................ 8
2.2 Mbledhja dhe analiza e të dhënave inxhinierike dhe financiare për vendin e zhvillimit të
Projektit ................................................................................................................................... 9
2.3 Përgatitja e dokmentave për një proçes përzgjedhës konkurues ..................................... 12
2.4 Prezantimi in je modeli të aplikueshëm të PPP për zonën e zgjedhur të projektit ............. 13
2.5 Asistencë teknike për strukturimin e paramentrave administrativë dhe institucional për një
proces kompetitiv përzgjedhës të PPP ...................................................................................... 14
3. Hapat e menjëhershëm në vijim..........................................................................................................15
4. Legjislacioni i konsultuar për përgatitjen e Projektit me PPP në bashkinë Korçë .........16
Komponenti 2: Plani i Investimenve Kapitale në Pogradec......................................................................18
1. Konteksti ......................................................................................................................................................18
2. Zbatimi i detyrave dhe Përshkrimi i aktiviteteve............................................................. 18
2.1 Krijimi i Grupit të Punës................................................................................................ 18
2.2 Rivlerësim dhe rishikim i Planeve të Investimeve Kapitale të Bashkisë ............................. 19
2.3 Pregatitja dhe rishikimi i Draftit të PIK-ut....................................................................... 19
2.4 Përgatitja dhe rishikimi i Draftit të PIK-ut....................................................................... 21
3. Hapat e mëtejshëm ...................................................................................................................................23
4. Lista e kuadrit ligjor që është konsultuar .......................................................................................24
4

Shkurtime
PIK Plani Investimeve Kapitale
PZHTQT&BS Programi i Zhvillimit të Tokës për Qellime Tregu dhe Banesa Sociale
PPP Partneriteti Publik dhe Privat
NJQV Njësitë e Qeverisjes Vendore
GP Grupi i Punës
VKM Vendim i Këshillit të Ministrave
ZRPP Zyra e Regjistrimit të Pasurive te Paluajtshme
ARKKP Agjensia Rajonale e Kthimit dhe Kompesimit të Pronave
HP 4 Hartimi i Projektit me Partneritet Publik dhe Privat
SIDA Swedish Agency for International Development
USAID United States Agency for International Development
5

HARTIMI I PROJEKTIT TË PPP NË KORÇË DHE PLANI
I INVESTIMEVE KAPITALE NË POGRADEC
Hyrje
Programi i Qeverisjes Vendore në Shqipëri (LGPA) po punon me dhjetë bashki në të gjithë
Shqipërinë për të nxitur forcimin ekonomik lokal, përmirësimin e qeverisjes vendore, dhe
forcimin e rolit dhe angazhimit të shoqërisë civile dhe të sektorit privat në zhvillimin lokal.
LGPA ka për qëllim që të inkurajojë dhe të lehtësojë rritjen e punësimit, dhe të ardhurave,
vecanërisht që të rrisë bazën e taksueshme në nivel lokal. LGPA ka siguruar asistencë teknike
dhe trainim të vazhdueshëm për personelin e të gjitha bashkive të përfshira në projekt.
Programi i Qeverisjes Vendore në Shqipëri (LGPA) i USAID po asiston bashkitë e Korçës
dhe të Pogradecit që të rrisin kapacitetet dhe të përmirësojnë menaxhimin e aseteve, në
menyrë që të përmirësohen dhënia e shërbimeve publike nëpërmjet një proçesi me pjesmarrje
të gjerë të qytetarëve në vendim-marrje.
Bashkia e Korçës ka zgjedhur të rrisë vlerën e aseteve publike për qëllimin e zhvillimit të
tregut të ndërtimit si dhe përmirësimin e kushteve të strehimit për familjet në nevojë, duke
zhvilluar një Projekt të Partneritetit Publik Privat për Zhvillimin e Tokës për Qëllime Tregu
dhe Banesa Sociale, duke përdorur nje truall bashkiak i cili është transferuar në pronësi të saj
kohët e fundit.
Bashkia e Pogradecit ka zgjedhur që të adresojë nevojën për një Plan Investimesh Kapitale
(PIK) në infrastrukturë, zbatimi i të cilit do të mundësojë rritjen ekonomike, zhvillimin e
turizimit dhe përmirësimin e shërbimeve publike.
Të dy komponentët e projektit janë identifikuar si prioritete kryesore nga secila prej njësive
vendore. Këto projekte u zgjodhën pasi u ndërmorrën bisedime intensive ndërmjet bashkive
pjesmarrëse dhe një ekipi të kombinuar me përfaqësues të ARD dhe URI.
6

Komponenti 1: Hartimi i Strategjisë për PPP në Korçë
1. Konteksti i projektit
Qyteti i Korçës ka zgjedhur që të zhvillojë një Projekt të Partneritetit Publik Privat për
Zhvillimin e Tokës për Qëllime Tregu dhe Strehim Social (Projekti) si pjesë të një programi
të përgjithshëm i cili ka për objektiv të adresojë problemin e strehimit për rreth 738 familje të
pastreha të cilat janë identifikuar dhe regjistruar si të tilla nga bashkia.
Bashkia ka dedikuar për këtë Projekt një truall pronë publike e bashkisë me sipërfaqe rreth
40,000 m2. Ky truall është transferuar kohët e fundit në pronësi të bashkisë me një vendim të
veçantë të Këshillit të Ministrave.
Për këtë truall është hartuar një Studim Pjesor i cili është aprovuar nga Këshilli i Rregullimit
të Territorit (KRRT) të bashkisë. Me asistencën e URI, për qëllimet e Projektit, u bënë disa
ndryshime të studimit pjesor, duke bërë njëkohësisht edhe rishikimin dhe rivlerësimin e
kostove të infrastrukturës.
Vendosja e Truallit tw
Projektit
Fig. 1: Harta e zonimit të qytetit të Korcës dhe vendosja e Truallit të Projektit
Trualli i cili është dedikuar për këtë projekt është vendosur në pjesën perëndimore të qytetit,
sic është treguar në harten e zonimit në Fig. 1 më sipër. Trualli i dedikuar për projektin
ndodhet përgjatë bulevardit “Rilindja” një nga zonat më të frekuentuara të qytetit, duke qënë
kështu një zonë shumë më interes dhe e preferuar për ndërtuesit, dhe blerësve të ardhshëm të
apartamenteve dhe të hapsirave të dedikuara për zhvillimin e tregtisë dhe shërbimeve.
7

Bashkia i ka kërkuar Institutit të Kërkimeve Urbane që të zhvillojë një Projekt të Parteritetit
Publik Privat për Zhvillimin e Tokës për Qëllime Tregu dhe Strehim Social (Projekti).
Në terma të përgjithshëm, Projekti konsiston në një vlerësim dhe analizë ligjore, analizë të
tregut si dhe të bëshmërisë teknike dhe financiare. Projekti i siguron gjithashtu bashkisë,
asistencë për përgatitjen e dokumentave standard për ankandin publik nëpërmjet të cilave do
të zgjidhet partneri privat me i suksesshëm për zbatimin e Projektit.
I gjithe proçesi për përgatitjen e studimit të fizibilitetit është zhvilluar nëpërmjet hapave në
vijim:
1. Analiza ligjore, për të siguruar që projekti është i pranueshëm;
2. Studimi financiar në termat e analizës së kostos dhe përfitimit;
3. Analiza inxhinierike në termat e vlerësimit të studimit pjesor dhe përcaktimin e
kondicioneve të zhvillimit, nevojat për infrastrukturë dhe kostot respektive;
4. Vlerësimin e kërkesës dhe ofertës së tregut për apartamente banimi;
5. Konsultimin me aktorët e interesit;
6. Përgatitjen e Termave të Referencës dhe dokumentave të tenderit;
7. Asistence per proçesin e vendim-marrjes së Këshillit Bashkiak.
Ekipi i URI-t i përfshirë në përgatitjen e këtij Projekti përbëhet nga tre specialistë, përfshirë
Edlir Vokopola, Enea Hoti dhe Sokol Ngjelina, secili prej tyre i ngarkuar me një detyrë
specifike nga tërësia e objektivave të Projektit. Ekipi i URI-t ka koperuar ngushtësisht me një
ekip të zgjedhur të bashkisë, detyra kryesore e të cilëve ka qenë sigurimi i informacionit dhe
përgatitja për zbatimin e Projekti në vijimësi.
2. Zbatimi i Detyrave dhe Përshkrimi i Aktiviteteve
URI ka plotësuar të gjitha detyrat të cilat janë përcaktuar në Objektin e Punës në kuadër të
kontratës No. LGPA – 09 – 008 me kompaninë ARD, Inc. Gjithsesi, disa prej aktiviteteve të
detyrave nr. 4 dhe nr. 5 mund të duan të rishikohen dhe azhurnohen nëqoftëse informacioni
përfundimtar nga komentet e personelit të bashkisë dhe vendimi i këshillit bashkiak do të jetë
i ndryshëm me versionin final të studimit të bëshmërisë.
Përshkrimi i aktiviteteve, arritjeve dhe dokumentat referuese jane dhënë në mënyrë të
përmbledhur në paragrafët në vijim.
2.1 Krijimi dhe bashkëpunimi me Grupin e Punës të Bashkisë
Si hap i parë, URI prezantoi Projektin përpara zyrtarëve të bashkisë. Përmbajtja e prezantimit
të Projektit përbëhej nga lista e aktiviteteve të shoqëruar me afatet kohore dhe një përshkrim i
shkurtër i parimeve të Partneritetit Publik Privat (PPP), përfshirë dhe disa eksperienca nga
vënde të tjera.
Menjëherë pas prezantimit të Projektit, u krijua një Grup Pune (GP) i përbërë nga personeli i
specializuar i bashkisë dhe konsulentët e URI. Që në fillim të hapave të zhvillimit të
8

Projektit, Grupi i Punës ka qënë një skuadër efektive dhe aktive, duke siguruar informacion të
vlefshëm duke e bërë më të lehtë për konsulentët ë URI-t zbatimin e projektit.
Antatër e GP kanë luajtur në vazhdimsi një rol të rëndësishëm në zbatimin e projektit; ata
kanë asistuar në përgatitjen e diskutimit të hapur të versionit fillestar të studimit në një
mbledhje me përfaqësues të grupeve të interesit nga qyteti i Korçës. Në një bashkëpunim të
ngushtë me konsulentët e URI-t, antarët e GP kanë përgatitur studimin për diskutimin dhe
aprovimin e Këshillit Bashkiak.
2.2 Mbledhja dhe analiza e të dhënave inxhinierike dhe financiare për vendin e
zhvillimit të Projektit
URI bëri të mundur realizimin e shumë takimeve me drejtorë dhe personel të institucioneve të
tjera të tilla si Zyra e Rregjistrimit të Pasurive të Paluajtshme dhe Agjensia Rajonale e
Kthimit dhe Kompesimit të Pronave, për të mbledhur informacion mbi tregun lokal të
banesave dhe të truallit për ndërtim në afërsi të vendit të Projektit. Letra zyrtare u dërguan në
secilin prej institucioneve për të zyrtarizuar infromacionin ne mbështetje të zhvillimit të
projektit.
Me ndihmën e Grupit të Punës, URI mblodhi të gjithë informacionin e mundur në lidhje me
truallin e propozuar për Projektin, lidhur me përdoruesit e mëparshëm dhe ata aktual;
përdoruesit e ardhshëm; si dhe nevojat për infrastrukturë në mbështetje të përdoruesve të
ardhshëm, nevojat për strehim etj.
Fig. 2: Pamje të truallit të destinuar për zhvillimin e Projektit
URI verifikoi se prona që do të përdorej për zhvillimin e projektit ishtë e sigurtë, se nuk
kishte kërkesa për kthim ose kompesim nga pronarët e vjetër megjithse disa familje kanë
okupuar disa ndertesa të vjetra por pa të drejtë pronësie mbi to. Me inkurajimin e URI-t,
bashkia ka bërë të mundur një marrëveshje me të gjitha familjet që okupojne disa ndërtesa në
zonën e projektit, duke i siguruar ata se ata do të trajtohen me strehim në përfundim të
9

projektit të banesave sociale që zhvillohet me financimin e Bankës së Këshillit të Evropës
(CEB).
Në mënyrë që bashkia të sigurojë pronësi të plotë mbi truallin e Projektit, URI ka ndihmuar
me proçesin e rregjistrimit të pronës në ZRPP vendore në Korcë. Megjithatë, zhvillimi me
sukses i këtij proçesi kërkoi disa takime me Regjistruesin e Korcës si dhe përfaqsues të
Ministrisë së Brëndëshme dhe Agjensisë së Inventarizimit dhe Transferimit të Pronave
Publike për të siguruar dokumentacionin e nevojshëm për regjistrimin e pronës në emër të
bashkisë.
URI hartoi dhe përpunoi një format llogaritje në programin Excel për të bërë vlerësimin e
nevojave për strehim, parashikimin e rritjes së popullsisë dhe familjeve të pastreha në qytetin
e Korçës për një periudhë 10 vjecare. Llogaritjet përfshijnë një vlerësim të numrit dhe
strukturës së apartamenteve që nevojiten për të pastrehët ne baze të strukturës së grupimeve
të familjeve në nevojë. URI analizoi të gjitha familjet e regjistruara si të pastreha në bashki
dhe i klasifikoi ato mbi bazën e të ardhurave, numrit të antarëve për të justifikuar në këtë
mënyrë nevojën për të zhvilluar projektin e propozuar. Në këtë punë Uri u asistua nga antarët
e Grupit të Punës të cilët siguruan një informacion të vlefshëm dhe në format të përshtatshëm.
Tabela llogaritëse në Excel përmban parametra të ndryshëm për projektin të tilla si: sipërfaqja
e truallit, siperfaqja e truallit e destinuar për ndërtim, hapsirë të gjelbër dhe kënd lojrash,
rrugë, parkime, sipërfaqe ndërtimi e cila është ndarë në sipërfaqe ndërtimi për apartamente
dhe hapsirë e dedikuar për shërbime tregtare dhe sociale. Vlerësimi përfshin llogaritjen e
kostos së infrastrukturës, koston e investimeve, shpërndarjen e kostos së infrastrukturës dhe
ndërtimit në fazat e zhvillimit të Projektit, si dhe një analizë të kosts dhe përfitimit lidhur me
interesin e bashkisë në këtë Projekt. Tabela e llogaritjeve shoqërohet me një plan konceptual
të zhvillimt të truallit si dhe afatet kohore në faza për zhvillimin e Projektit.
Gjatë kohës së zhvillimit të studimit, URI vendosi një marrdhënie pune shumë të suksesshme
me Drejtorinë e Politikave të Strehimit (DPS) në MPPTT. Në bashkëpunim me personelin e
DPS, konsulentët e URI-t asistuan në përgatitjen e një Udhezimi 1 zyrtar i cili ndihmoi në
plotësimin e kuadrit ligjor dhe që përbën bazen mbështetëse për zhvillimin e Projektit me
PPP.
Udhëzimi përcakton metodën për të llogaritur minimumin ose përqindjen bazë të sipërfaqes
së ndërtimit që bashkia mund të përfitojë në këmbim të sipërfaqes së tokës që do të destinojë
si pjesë e një investimit të përbashket me investitorin provat për zhvillimin e Projektit.
Ndër të tjera, për hartimin e studimit, URI ka marrë në konsideratë, dokumenta 2 të tjerë
zyrtar, komentet dhe mendimet e siguruara nga pjesmarrësit në takimin e hapur me
përfaqësues të grupeve të interesit, si dhe sugjerimet dhe kërkesat specifike të kryetarit te
bashkise dhe staf-it të tij të ngushtë.
Bazuar mbi input-et dhe proçesin si më sipër, URI ka finalizuar llogaritjen e përqindjes së
këmbimit të sipërfaqes së ndërtimit me sipërfaqen e truallit të destinuar për ndërtim për
zhvillimin e Projektit të Partneritetit Publik Privat për Zhvillimin e Tokës për Qëllime
Tregu dhe Strehim Social (Projekti).
1 Udhëzimi Nr. 6, date 14.05.209, “Mbi disa metoda orjentuese për llogaritjen e sipërfaqes së ndërtimit në lidhje
me shitjen e truallit të pajisur me infratrukturë”.
2 Hartën e vlerës së tokës sipas VKM nr. _____, datë _____, “Mbi …
10

Fig. 3: Studimi i zhvillimit konceptual të truallit të destinuar për Projektin
Raporti përfundimtar i studimit përmban një analizë të detajuar ligjore e cila adreson
përgjigjet për tre pyetje thelbësore për zhvillimin e Projektit, si më poshtë:
1. A ka bashkia të drejtë të plotë pronësie mbi truallin qe ka destinuar për zhvillimin e
projektit?
2. A ka pengesa ligjore të cilat nuk do ta lejonin bashkinë për të ndermarrë këtë projekt
me bazë PPP?
3. Cilat janë rrugët dhe proçedurat ligjore për zbatimin e Projektit, dhe a mund të
konfirmohet se bashkia nuk do të ketë pengesa ligjore dhe proçeduriale gjatë rrugës
për zbatimin e Projektit.
Duke ndjekur rekomandimet dhe plotësuar kërkesat specifike të Vendimit të Këshillit të
Ministrave Nr. 35, i cli përbën dhe bazën ligjore për zhvillimin e Projektit, dhe pasi ka bërë
nje kërkesë zyrtare, bashkia ka marrë nga ZRPP një përgjigje zyrtare nëpërmjet të cilës
çertifikohet vlera e tokes për m2 në zonën e projektit është e njëjtë me vlerën e tokës sic është
marrë në konsideratë në kuadër të llogaritjeve për studimin tonë. Në këto kushte, kryetari i
bashkisë mund ta dërgojë pa rezerva studimin për aprovimin e këshillit bashkiak që zotëron të
drejtën e pronarit, aprovim i cili do të hapë dritën jeshile për zbatimin e projektit.
11

Gjithshka që është përmbledhur më sipër, është përshkruar në detaje në një dokument
përfundimtar të Projektit i cili është paraqitur për aprovimin e këshillit bashkiak në një
mbledhje të radhës.
2.3 Përgatitja e dokmentave për një proçes përzgjedhës konkurues
URI ka përgatitur një komplet dokumentash standard për konçensioni bazuar në modelin e
përdorur nga METE per rastet e tenderimit të konçensioneve të Hidrocentraleve.
Njëherazi, URI ka përgatitur edhe nje set te dokumentave standarde për ankandin publik të
cilat do të përdoren nga bashkia për të realizuar kompeticionin për përzgjedhjen e konkurentit
fitues të PPP. Kompleti i dokumentave përfshin:”
o Projekt – vendimin e këshillit bashkiak i cili aprovon: (i) Studimin e Projektit,
(ii) Dokumentat standarde te ankandit publik dhe Specifikimet teknike; dhe
(iii) Autorizimin e kryetarit për të hapur ankandin publik.
- Një model të urdhërit të punës, autorizimin dhe udhëzimet për përgatitjen e ankandit
publik / garës së konçensionit;
- Standard documentash të cilat përfshijnë, thirjen për propozime, kushtet e
përgjithshme të kontratës për konçensionin dhe shitjen e aseteve publike me ankand
publik;
Të gjitha dokumentat të cilat janë pjesë e paketës së studimit i janë dorëzuar bashkisë së
Korçës në letër dhe në version elektronik.
Fig. 4: Modeli i zhvillimit të PPP për Projektin e Zhvillimit të Tokës për Qëllime Tregu dhe
Banesa Sociale
12

2.4 Prezantimi in je modeli të aplikueshëm të PPP për zonën e zgjedhur të
projektit
URI ka përgatitur një model të zbatueshëm të PPP për projektin bashkiak të Zhvillimit të
Tokës për Qëllime Tregu dhe Programin e Banesave Sociale në bashkinë e Korcës, (Fig 4
më sipër). Modeli tregon se si bashkia mundet të menaxhojë asetet e veta për qëllime sociale
në mënyrë që të adresojë nevojat për familjet e pastreha të cilat jetojnë në qytetin e Korcës.
Projekti i propozuar do të sigurojë ndërtimin e 437 apartamenteve me një kosto totale prej
afërsisht 15 milion Euro. Bashkia e Korcës do të përfitojë 97 apartamente të madhësive të
ndryshme, që përbëjnë rreth 13% te nevojave për strehim kundrejt totalit prej 738 familjesh të
cilat janë rregjistruar si të tilla bazuar mbi kërkesa strikte ligjore. Të dhënat e projekti janë
përmbledhur në tabelën që vijon:
Tabla 1: Të dhëna të përgjithshme
Nr. Të dhëna të përgjithshme Njësia Shuma
1 Sipërfaqja totale e truallit m2 35.000
2 Sip. Totale e ndërtimit mbi të cilën llogaritet % e kembimit m2 53.200
3 Sipërfaqja bazë e ndërtimit m2 8.535
4 Kosto totale e ndërtimit Leke 1.489.600.000
5 Kosto totale e infrastrukturës qe financohet me fonde private Leke 44.600.000
6 Kosto totale e infrastr. që financohet me fonde bashkiake Leke 17.145.800
7 Kosto e infrastrukturës që financohet me fonde bashkiake dhe nga donatorët Leke 38.700.000
8 Kosto e studimit pjesor që do të financohet me fonde private Leke 43.844.488
9 Kosto e supervizionit qe financohet me fonde bashkiake
Leke 5.000.000
Cmimi për m 2 10 i tokës sipas hartës zyrtare të vlerës për vitin 2008
Leke/m2 14.500
11 Vlera totale e truallit Leke 123.757.500
11 Cmimi i ndertimit per m 2 Leke/m2 28.000
12 Kosto totale e investimit Leke 1.762.647.788
12 Cmimi mesatar për m 2 sip ndërtimi për apartamente leke/m2 45.000
Llogaritja e % së kembimit është mbështetur mbi keto të dhëna bazë:
Tab.2: Llogaritje e % se kembimit me Metoden e perqindjes, bazuar në Udhezimin Nr. 6 të datës 14.05.2009
1 Investimi i bashkise 184.603.300
1.1
Vlera e tokes bazuar ne cmimin njesi sipas hartes se vleres dhe e
konfirmuar nga ZRPP 123.757.500
1.2 Vlera e investimit te bashkise perfshire infrastrukture dhe supervizim 60.845.800
2 Investimi privat 1.578.044.488
2.1 Kosto e ndertimit 1.489.600.000
13

2.2 Kosto e infrastruktures 44.600.000
2.3 Kosto studim - projektimit 43.844.488
3 Vlera totale e investimit 1.762.647.788
4 Praku i pjeses takuese te bashkise si perqindje e investimit ndaj totalit 11%
Tabela 3: Permbledhese e Projektit te Zhvillimit te Tokes per Qellime Tregu dhe Sociale me PPP
Fazat e
Sip Nr. Sip Sip
Nr.
Zhvillimit trualli ndertesave ndertimi ndertimi Shperndarja e sip ndertimit sipas takimit apart Nr. apart
bashki bashki privat privat
te projektit baze gjithsej banim treg banim treg bashki privat
(m2) (nr) (m2) (m2) (m2) (m2) (m2) (m2) (nr) (nr)
Faza 1 2.290 6,0 2.290 13.930,0 1.028 464 8.572 3.866 20 75
Blloku
Komercial 755 3 755 2525 0 280 0 2.245 0 0
Faza 2 2.456 9,0 2.456,0 16.102 1.601 124 13.345 1032 33 117
Faza 3 3.034 11 3.034 20.643 2.025 185,7 16.884 1548 44 148
Permbledhese 8.535 29 8.535 53.200 4.654 1.053 38.801 8.692 97 340
Nr. Total i Apartamenteve 437
Perqindja e shfrytzimit te siperfaqes 100%
2.5 Asistencë teknike për strukturimin e paramentrave administrativë dhe
institucional për një proces kompetitiv përzgjedhës të PPP
Në kuadër të kësaj detyre URI ka përgatitur nje komplet dokumentash standard prokurimi të
cilat bashkia do t’i përdori për të realizuar nje garë të hapur për përzgjedhjen e fituesit të PPP.
Prokurimi i këtij projekti do të bazohet në ligjin 3 për Ankand Publik i cili rregullon aktivitetin
e njësive të pushtetit vendor për të shitur asetet në pronësi të tyre me qëllimin që të adresojnë
nevojat e komunitetit për shërbime më të mira publike.
Kompleti i dokumentave përfshin gjithashtu edhe një format dokumentash të cilat bashkia
mund t’i përdori për:
- Krijimin e Komisionit për Vlerësimin e Tokës;
- Komisionit e Vlerësimit të Ofertave për zgjedhjen e partnerit privat;
Të gjitha dokumentat i janë paraqitur bashkisë Korçë në letër dhe në format elektronik.
3 Ligj nr. 9874, datë 12.02.2008 “Për anakandin publik”dhe VKM nr. 1719, datë 17.12.2008, Mbi aprovimin e
rregullave te ankandit publik”.
14

3. Hapat e menjëhershëm në vijim
Zhvillimi në vijim i projektit kërkon marrjen e disa veprimeve të menjëhershme nga bashkia
e Korçës. Këto veprime bëhen të detyrueshme nga VKM nr. 35, datë 24.01.2007, “Mbi
proçedurat dhe format e shitjes e truallit të pajisur me infrastrukturë për qëllime tregu”, si dhe
të Udhëzimit nr. 6, datë 14.05.2009. Të dy këto dokumenta lehtësojnë zbatimin e ligjit nr.
9232, të datë 13.05.2005. Tani që bashkia ka rregjistruar pronën dhe ka marrë nga ZRPP një
çertifikatë pronësie si dhe konfirmimin për çmimin e tokës në zonën e projektit, veprimet e
mëposhtëme është e nevojshme që të ndërmerren sa më shpejt që të jetë praktikisht e mundur:
1. Aprovimin e studimit nga këshilli bashkiak, duke marrë njëherazi edhe lejen për të
tjetërsuar pasurinë në këmbim të një sipërfaqe ndërtimi siç është përcaktuar në
studim, dhe sëbashku me këtë leje, aprovimin e dokumentave standard të ankandit
publik dhe specifikimet teknike të projektit, përfshirë edhe autorizimin e kryetarit për
të filluar proçedurat e ankandit publik;
2. Krijimin e një Njësie për Ankandin Publik dhe të Komisionit të Vlerësimit për
përzgjdhjen e ofertës fituese të projektit me PPP.
Aprovimi nga këshilli bashkiak është një hap esencial i cili duhet të realizohet përpara se
bashkia të fillojë proçesin e prokurimit. Të gjithë hapat e tjerë siç janë përshkruar më sipër
janë përgjegjësi e bashkisë. Për të lehtësuar këtë proçes Uri ka përgatitur të gjitha dokumentat
e nevojshëm që nga ana administrative e bëjnë të lehtë proçesimin për në këshill dhe
prokurimin që bashkia mund t’i realizojë në kohën më të përshtatshme në planin e saj.
3. Sapo të gjithë hapat më sipër të jenë arritur, kryetari i bashkisë së Korçës do të japë
dritën jeshile dhe autoritetin e plotë që të nxjerrë “Thirrjen për Propozim”, duke lejuar
jo më pak se 20 ditë për kompanitë e interesuar që të përgjigjen kësaj thirrje me
interesimin e tyre.
4. Ndërkohë, siç është treguar dhe më sipër Komisioni i Vlerësimit dhe Njësia e
Ankandit Publik duhet që të jenë krijuar paraprakisht. Komisioni do të ketë
përgjegjësinë për të përgatitur listën e kompanive të kualifikuara të cilat i janë
përgjigjur “Thirrjes për propozim” dhe të zgjedhë propozimin më të mirë bazuar në
kriteret e vlerësimit të përgjithshme dhe specifike sic janë vendosur në Termat e
References të Projektit që janë përgatitur me asistencën e URI-t dhe janë aprovuar
paraprakisht nga këshilli.
Hapi i katërt do të realizohet sipas kërkesave ligjore të përcaktuara nga ligji për Ankandin
Publik, dhe do të zhvillohen në nje hark kohor gjatësia e të cilit është të paktën sa periudha e
vlefshmërisë së ofertave (150 ditë). Zgjdhja e propozimit më i mirë do t’i japë mundësi
kryetarit të bashkisë që të fillojë negociimin dhe të përcaktojë kushtet dhe termat e kontratës
me firmën fituese ose kompanitë në rastet të një konsorciumi të suksesshëm.
5. Negocijimi i suksesshëm i kontratës dhe aprovimi i saj nga këshilli do të jetë hapi
final përpara fillimit të zbatimt të projektit.
Sapo termat dhe kushtet e kontratës do të jenë negocijuar ndërmjet bashkisë dhe firmës
fituese, kryetari i bashkisë do t’i kërkojë këshillit aprovimin përfundimtar. Këshilli do të
autorizojë kryetarin që të firmosë kontratën, kësisoj duke hapur rrugën për zbatimin e
projektit.
Disa hapa të tjerë të cilët pasojnë nënshkrimin e kontratës janë si vijon:
15

6. Rishikimin e studimit urbanistik pjesor dhe nxjerrjen e lejes së ndërtimit të aprovuar
nga KRRT. Bashkia mund të përfshijë investitorin privat të kontraktuar për zbatimin e
projektit, në një garë ndërkombëtare për për të rishikuar studimin urbanistik pjesor si
dhe përgatitjen e projektit teknik të zbatimit.
7. Pasi të jenë zbatuar të gjithë hapat si më sipër, investitori privat do të përgatisë
projektin teknik dhe do të kërkojë lejen e ndërtimit nga KRRT e bashkisë. Pasi të jetë
dhënë leja, investitori privat do të vijojë me ngritjen e kantjerit të ndërtimit dhe
fillimin e punimeve të ndërtimit.
Fig. 4: Studimi pjesor paraprak 3 dimensional i Projektit në Korçë.
8. Zbatimi i projektit është planifikuar të zhvillohet në tre faza (tre seksione kohore):
a. Faza e pare për 24 deri në 30 muaj, përfshirë edhe ndërtimin e bllokurt
komercial;
b. Faza e dyte për 30 – 36 muaj në vijim të fazës së parë, dhe
c. Faza e tretë për 30 -36 muaj.
Zbatimi i të tre fazave për zhvillimin e Projekti është vlerësuar të kryhet për një hark kohor
prej deri në 8 vjet, përfshirë edhe fazën e përgatitjes së projektit teknik të zbatimit.
4. Legjislacioni i konsultuar për përgatitjen e Projektit me
PPP në bashkinë Korçë
1. Kushtetuta e Republikës së Shqipërisë
2. Kodi Civil i Republikës së Shqipërisë
16

3. Ligj nr. 8652, date 31.07.2000 ‘Për organizimn dhe funksionimin e pushtetit vendor
në Shqipëri;
4. Ligj nr. 8744 date 22.2.2001 “Për transferimin e pasurive të paluajtshme shtetërore në
pronësi të njësive të pushtetit vendor”;
5. VKM nr. 1532, date 19.11.2008 “Për aprovimin e listës përfundimtare të pronave të
paluajtshme të shtetit të cilat transferohen në pronësi të bashkisë Korçë;
6. VKM nr. 726, date 28.05.2008 “Për transferimin nga Ministria e Brëndëshme në
pronësi të bashkisë Korçë të ndërtesave të Ushtrisë nr. 741”;
7. Ligj no.9232 _2004 “Për programet sociale të strehimit për të pastrehët në zonat
urbane”;
8. VKM nr. 35, date 24.1.2007 “Për procedurat dhe format e shitjes së truallit të pajisur
me infrastrukturë për qëllime tregu”;
9. VKM nr. 6, date on 14.05.2009 “Mbi disa metoda orjentuese për llogaritjen e
sipërfaqes së ndërtimit në lidhje me shitjen e truallit të pajisur me infrastrukturë “;
10. Harta e vlerës së tokës aprovuar me VKM nr. … ;
11. Ligj nr. 9874, date 14.2.2008 “Për ankandin publik”; dhe
12. VKM nr. 1719, date 17.12.2008 “Mbi aprovimin e rregullave për ankandin publik”.
17

Komponenti 2: Plani i Investimenve Kapitale në Pogradec
1. Konteksti
Bashkia e Pogradecit ka kërkuar asistencë inxhinierike dhe financiare për përgatitjen e një
Plani Investimesh Kapitale (PIK) për një periudhë 4 vjeçare duke përdorur si dokument bazë
Planin Lokal të Veprimit për Mbrojtjen e Mjedisit, të përgatitur në 2005 me mbështetjen e
SIDA-s. Proçesi i PIK-ut garanton pjesëmarrjen e publikut në mënyrë që projekti të përfitojë
një konsensus të gjerë.
Objektivi kryesor i këtij projekti është përgatitja e një plani investimesh kapitale, që do të
koordinojë planin lokal të investimeve me planin qendror, duke rezultuar në një menaxhim
më të mire të burimeve financiare me qëllim kryesor përmirësimin e infrastrukturës lokale
dhe shërbimeve publike të lidhura me të.
PIK identifikon të gjitha asetet lokale që do të rehabilitohen, rinovohen ose rikonstruktohen,
periudhën kohore kur do të zbatohen si dhe shumën e fondeve që nevojiten për çdo
projekt/investim. Në ndryshim nga eksperienca të tjera në vend, PIK në Pogradec përmban
analizën financiare, e cila identifikon kapacitetet potenciale fiskale të bashkisë për financimin
e zbatimit të PIK-ut, gjithashtu dhe mënyrën e gjenerimit të këtyre fondeve.
Ekipi i URI-t i angazhuar në zbatimin e projektit përfshin 3 ekspertë nga URI dhe një person
nga Vullnetarët e Korpusit të Paqes që ndodhet në Pogradec. Që nga fillimi i projektit, URI
ka ndërmarr një sërë aktivitetesh të vazhdueshme në terren dhe në zyrë të cilat kanë rezultuar
në progres të kënaqshëm të projektit dhe përfundim në kohë të detyrave, duke prodhuar një
produkt final cilësor, Planin e Investimeve Kapitale në Bashkinë e Pogradecit.
2. Zbatimi i detyrave dhe Përshkrimi i aktiviteteve
Për zbatimin e këtij komponenti URI ka ndërmarr 4 hapa të përcaktuar në nënkontratën nu.
LGPA – 09 – 008 me ARD, Inc., nën projektin e Qeverisjes Lokale të USAID në Shqipëri.
2.1 Krijimi i Grupit të Punës
URI bëri prezantimin e projektit në takimin e parë që u zhvillua në Pogradec me një
pjesëmarrje të gjerë të përfaqësuesve të bashkisë. Prezantimi i projektit përmbante një
përshkrim të listës së aktiviteteve, afatet kohore si dhe një përmbledhje të shkurtër të
koncepteve bazë dhe përfitimeve nga PIK-u për një menaxhim më të mirë të aseteve publike
dhe përmirësim të infrastrukturës.
Grupi i Punës (GP) i përbërë nga përfaqësues të departamenteve të ndryshme të bashkisë u
krijua dhe ishte funksional që nga fillimi deri në përfundim të zhvillimit të projektit.
18

Gjithashtu dhe Grupi i Punës i Diskutimit me Grupet e Interesit (GP) me pjesëmarrje të gjerë
të drejtuesve të departamenteve kryesorë në bashki dhe përfaqësues nga grupet e interesit,
duke përfshirë dhe shoqërinë civile, biznesin dhe qytetarët, u krijua dhe ishte funksional nga
fillimi deri në përfundim të zhvillimit të projektit duke kontribuar në një analizë të
suksesshme të PIK-ut.
Përfaqësuesit nga departamentet në bashki kanë vënë në dispozicion të konsulentëvë të URIt,
të angazhuar në zbatimin e projektit, në mënyrë aktive informacion dhe të dhëna te lidhura
me projektin.
2.2 Rivlerësim dhe rishikim i Planeve të Investimeve Kapitale të Bashkisë
Në vijim të rezultateve të evidentuara nga Plani Lokal i Veprimit të Mbrojtjes së Mjedisit i
cili është përgatitur në 2005, dhe të një strukture fillestare në proçes të planit lokal urbanistik
të zhvillimit, URI ka mbledhur dhe analizuar një sërë dokumentash në dispozicion që
përmbajnë:listat e investimeve prioritare në infrastrukturë, listën e investimeve kapitale të
parashikuara për t’u financuar në buxhetin 2009, listën e inventarizimit të aseteve lokale, të
kompletuar më vëzhgim ne terren dhe takime me të gjithë departamente e bashkisë, duke
siguruar informacione shtesë për formulimin e një listë të gjerë për Investimet Kapitale.
Në përfundim të disa takimeve me GP të bashkisë është përgatitur një liste e gjerë paraprake
të investimeve kapitale. URI ka dizenjuar dhe mundësuar për GP një sistem vlerësimi për t’u
përdorur për prioritizimin e nevojave me qëllim përgatitjen e një inventari të gjerë të
investimeve prioritare kapitale.
2.3 Pregatitja dhe rishikimi i Draftit të PIK-ut
URI ka dizenjuar dhe përgatitur një format dhe ka drejtuar Grupin e Punës në kryerjen e një
inventarizimi fizik të hollësishëm si dhe të një vlerësimi të indikatorëve të ndryshëm për
secilin nga projektet e propozuar për infrastrukturën si pjesë e planit kapital të investimit.
Gjatë kohës që u përgatit lista e gjerë e inventarizimit kapital dhe u diskutua me Grupin e
Punës, URI ka asistuar departamentet e bashkisë ne përcaktimin e kostove të rehabilitimit,
parametrave fizikë të çdo projekti si dhe rezultatet e pritshme nga zbatimi i tyre.
Me qëllim realizimin e një pjesëmarrjeje të gjerë publike në përgatitjen e PIK-ut, nën
sugjerimin dhe drejtimin e vazhdueshëm të URI-it, bashkia ka printuar mbi 100 kopje të
Listës fillestare të Aseteve dhe e ka shpërndarë tek qytetarët duke përdorur Qendrën e
Informimit në bashki si pikë shpërndarjeje. Nga qytetarët u kërkua që të jepnin komentet e
tyre dhe përcaktimin e prioriteteve në lidhje me infrastrukturën dhë shërbimet publike qe janë
më të nevojshme.
19

Financimi i Borxhit
Procesi PIK hap pas hapi
Analiza dhe
parashikimi i
buxhetit
Teprica Operative
Lidhja e
propozimeve te
investimeve
Zhvillimi i
propozimeve te
investimeve
Krahasimi i kapacitetit
financiar me kërkesat e
investimeve
Zgjedhja e investimeve
Dokumenti Përfundimtar
Fig. 4: Proçesi i Përgatitjes së Planit të Investimeve Kapitale
Përcaktimi i
kritereve te
zgjedhjes se
investimeve
Inventari fillestar i investimeve kapitale fillestare u diskutua në dy takime të hapura me
Grupin e Punës të Diskutimit në të cilat morën pjesë nëpunës të bashkisë, antarë nga shoqëria
civile, përfaqësues nga komuniteti i biznesit dhe qytetarë.
Fig 5: Foto nga diskutimet publike të hapura për PIK-un në Pogradec.
Në vijim të dy diskutimeve të para, lista paraprake e investimeve kapitale prioritare u
diskutua dhe në një takim të tretë të hapur që u zhvillua në ambientet e teatrit të qytetit. Mbi
100 qytetarë dhe përfaqësues nga grupe të ndryshme të interesit në Pogradecmorën pjesë në
takimin për PIK-un.
Nën asistencën dhe kujdesin e stafit të URI-t, zëvendës kryetari i bashkisë prezantoi para
publikut planin e propozuar të investimeve kapitale për periudhën 2010-2014 për bashkinë e
20

Pogradecit. Ekspertët e URI-t analizuan me kujdes komentet dhe diskutimet e qytetarëve dhe
i reflektuan në draftin final të dokumentit të PIK-ut.
URI gjithashtu ka përfunduar me sukses një analizë të kapaciteteve fiskale të bashkisë për
financimin e PIK-ut, si dhe të identifikimit të burimeve të tjera aktuale dhe potenciale në të
ardhmen që janë të nevojshme për zbatimin e projektit.
Fig 6: Përzgjedhja e disa projekteve të veçanta si pjesë e PIK-ut 2010-2014.
Drafti fillestar i dokumentit të PIK-ut 2010-2014, përfshin 71 projekte nga të cilat 15 % i
përkasin përmirësimit të rrugeve dh trotuareve, 14 % i përkasin projekteve të zhvillimit të
turizmit,kulturës dhe sporteve, dhe pjesa e mbetur i përket prioriteteve të ndryshme.
2.4 Përgatitja dhe rishikimi i Draftit të PIK-ut
Duke ndjekur hap pas hapi zhvillimin e proçesit të PIK-ut, URI dhe GP i bashkisë kanë
përgatitur një Draft Final të Planit të Investimeve Kapitale për bashkinë e Pogradecit.
Dokumenti i PIK-ut është verifikuar duke u krahasuar me prishmërinë dhe politikat e
Kryetarit para dërgimit për aprovim final në Këshillin e Bashkisë.
Dokumenti final i PIK-ut përmban 57 projekte që priten të financohen me burime të
ndryshme financiare si:
- Të ardhurat e veta të bashkisë;
- Transfertat nga buxheti i shtetit, dhe
- Donacionet.
21

Dokumenti final i PIK-ut paraqet udhëzimin për rrugën që duhet ndjekur për investime
kapitale nga zyrtarët e bashkisë dhe faktin që qytetarët kanë ndërmarr një rol aktiv në
procesin e përgatitjes. Secili nga projektet që është përfshirë në PIK shoqërohet me
informacionin e mëposhtëm:
- Planvendosja dhe lokalizimi i projektit;
- Foto që tregojnë vendosjen dhe kushtet aktuale;
- Emërtimi i projekti, përshkrimi i përmirësimeve të pritshme;
- Kosto totale investimi
- Fusha e programit të zhvillimit
Fig 7: Ilustrim i projekteve të propozuara ashtu siç janë paraqitur në dokumentin final të PIKut
Gjithashtu është dhe një përshkrim i skëmës së zbatimit me intervale kohore . Ky seksion ka
si qëllim përputhshmërinë e kostove me burimet e financimit për zbatimin e projekteve.
Fig 8: Demonstrim i përshkrimit të projektit dhe ciklit kohor të zbatimit
22

Informacioni në këtë seksion përmban detaje dhe hollësi në lidhje me zërat kryesorë të
ndërtimit për çdo projekt, kostot dhe alokimet e financimit që do të thotë nësë vetëfinacohet
nga bashkia apo nga burime të tjera.
Ky dokument është i shoqëruar dhe me një analizë financiare që do të ndihmojë bashkinë në
parashikimin e të ardhurave dhe shpenzimeve përgjatë periudhës kohorë të zbatimit të PIKut,
me qëllim që të llogarisë suficitin e financimit kapital dhe të identifikojë burime
alternative të financimit që janë të nevojshme në intervale kohore të caktuara për projekte
specifike, dhe që për më tepër mundësojnë zbatimin e PIK-ut.
Tab. 1: Shpërndarja e kostove kapitale dhe burimeve të financimit për PIK 2010 - 2014
Zëri Total 2010 2011 2012 2013 2014
Kosto totale kapitale e
parashikuar 855.600.000 183.500.000 182.100.000 164.000.000 150.000.000 176.000.000
Financimi total i
kostove kapitale e
ndarë sipas burimeve 842.700.000 170.600.000 182.100.000 164.000.000 150.000.000 176.000.000
Buxheti i vet i bashkisë 121.600.000 110.000.000 120.000.000 119.000.000 134.000.000
Buxheti i kushtëzuar
nga Shteti 48.000.000 71.100.000 25.000.000 20.000.000 26.000.000
Partneritete 1.000.000 1.000.000 19.000.000 11.000.000 16.000.000
Sufiçit Kapital/defiçit 12.900.000 12.900.000 0 0 0 0
Duke ju referuar tabelës së mësipërme, kosto totale e investimeve kapitale e parashikuar gjatë
kohëzgjatjes së PIK-ut është afërsisht 6 milion Leke, 70% e të cilave do të financohen nga
buxheti i bashkisë kurse pjesa tjetër nga burime të tjera. Tabela e mësipërme nuk përfshin
projektin që është në proçes për ujësjellës kanalizimet dhe që financohet nga Kfw me një
vlerë rreth 12,9 milion Euro.
3. Hapat e mëtejshëm
Në përfundim të proçesit, në një takim që u zhvillua në ambjentet e bashkisë së Pogradecit në
7 Gusht 2009, këshilli i bashkisë aprovoi Planin e Investimeve Kapitale 2010 - 2014.
Në këtë moment, bashkia e Pogradecit po përgatit printimin e një dokumenti në format B5 të
përshtatshëm për printim të specializuar. Ndërkohë katalogu i PIK-ut do të shpërndahet tek
organizatat donatore dhe burime te tjera financuese. Bashkia do ta përdor gjithashtu për
23

qëllime planifikimi kurse këshilli bashkiak mund ta përdor si tregues për matjen dhe
vlerësimin e përformancës së Kryetarit dhe stafit të tij.
4. Lista e kuadrit ligjor që është konsultuar
1. VKM nr. 726, datë 28.05.2008,
2. VKM nr. 1532, datë 19.11.2008,
3. Ligji Nr. 8652 dt. 31.7.2000 “Funksionimi dhe organizimi i qeverisjes lokale”,
4. Ligji Nr. 9232 dt.13.5.2004 ‘”Programe sociale për strehimin e banorëve në zonat
urbane ”.
a. VKM nr. 35, datë 24.012007, “Për proçedurat dhe format e shitjes së tokës së
pajisur më infrastrukturë për qëllime tregu”;
b. Udhëzim nr. 6, datë 14.05.2009, “Metoda orientuese për llogaritjen e
sipërfaqeve për banim për efekt shitjen e tokës së pajisur me infrastrukturë ”.
5. Ligji Nr. 8744 dt. 22.2.2001 “Transferimi i pronësisë së pasurive të paluajtshme nga
shteti tek NJQV”.
6. Kodi Civil i Republikës së Shqipërisë.
24