Shtojca 1 - UNDP Kosovo

Projekti i UNDP-së në Dragash - Mbrojtja e Biodiversitetit dhe Menaxhimi i Qëndrueshëm i Shfrytëzimit të Tokës
Analizë e çështjeve kryesore për Planin komunal zhvillimor për Dragashin
Draft
Përmbledhja
Analiza e çështjeve kyçe është e bazuar në rezultatet e punëtorisë për vizionin e Planit Zhvillimor
Komunal të Dragashit, i mbajtur në fillim të shtatorit 2011, në gjetjet e mëparshme të projektit të UNDPsë,
Axhenda Komunale 2004-2006, Analizat Hapësinore për Komunën e Dragash, të lëshuara nga MMPH
në vitin 2006, dhe në Strategjinë e Zhvillimit Ekonomik të Dragashit 2007-2011.
Vizioni i formuluar nga pjesëmarrësit në punëtori thotë:
Draft Vizioni i konsoliduar
Dragashi paraqet dhe ruan tradita.
Porta jugore e Parkut Nacional të Maleve të Sharrit, me biodiverzitet të pasur, infrastrukturë
moderne të nivelit të duhur, ekonomi të qëndrueshme, burime ekologjike të përdorshme dhe cilësi të
lartë të bio-produkteve është një vend ku çdokush do të dëshironte të vinte dhe të pushonte në
natyrën e mrekullueshme dhe të pastër. Trashëgimia kulturore e pasur dhe një popull i gatshëm që t’i
mirëpres mysafirët me mikpritje dhe ushqime vendore tërheqë vizitorët vendor dhe ndërkombëtar.
Duke u bazuar në gjetjet, u bë i mundur identifikimi i pesë fushave kryesore prioritare për një zhvillim
dhe zhvillim të mirëfilltë të Komunës së Dragashit. Këto janë: Vendbanimet dhe infrastruktura, Burimet
natyrore dhe shfrytëzimi tradicional i tokës, Biznesi dhe Sherbimet, Administrata Publike, dhe Zhvillimi i
Shoqërisë
Disa nga këto çështje shkojnë përtej fushëveprimit të PZHK-së, megjithatë ato luajnë një rol të
rëndësishëm për zhvillimin e komunitetit dhe duhet të konsiderohen dhe të trajtohen në mënyrën më të
mirë të mundshme në PZHK.
Punëtoria e përpilimit të vizionit dhe studimet dhe konceptet e bëra publike më parë cekin se Dragashi si
tërësi vuan nga një infrastrukturë e dobët dhe largësia dhe se këta faktorë ndikojnë gjithashtu
negativisht në ekonomi, vendbanime, cilësi të jetesës dhe në shoqërinë dhe në potencialet e saja
zhvillimore në përgjithësi.
Në anën tjetër, pasuritë e Dragashit me burime natyrore, në veçanti ujë, jo vetëm për qëllime të
furnizimit por edhe sa i përket hidro-energjisë, dhe sasia relativisht e lartë e ndërtesave të reja përbëjnë
një potencial të mirë për zhvillim të qëndrueshëm dhe të suksesshëm të komunës.
Si pasojë, PZHK-ja duhet të skicoj:
Në cilat pjesë të komunës dhe me cilat aktivitete, infrastruktura dhe shërbimet, si: rrjeti
rrugor, furnizimi me ujë dhe kanalizimet, furnizimi me energji, menaxhimi i mbeturinave,
dhe shërbimet e transportit public, duhet të ngrihen (themelohen) apo të përmirësohen;
Ku dhe si vendbanimet duhet të zhvillohen më tej dhe bëhen më tërheqëse, dhe
Çfarë duhet të jetë korniza për zhvillimin e vendbanimeve.
Me këto veprime vendbanimet, infrastruktura dhe shërbimet do të bëhen të aftë për të përballuar sfidat
e ardhshme dhe kjo do të përfshijë edhe përshtatjen ndaj ndryshimeve klimatike dhe strategjitë e
zbutjes (lehtësimit) kudo që të jetë e mundur dhe e arsyeshme.
Dragashi zotëron asete të jashtëzakonshme të burimeve natyrore, më të rëndësishmet
janë:
Burimet ujore, sidomos në pjesën jugore të komunës,
Faqe 88 nga 229
c:\users\admin\desktop\per web faqe\dragash year 2011 report annexes_abanian final.doc