Shtojca 1 - UNDP Kosovo

3. Partneritetet
Programi Art Gold punon në bashkëpunim me projektin e UNDP-së në Dragash "Ruajtja e biodiversitetit dhe
përdorimi i mençur i tokës”, duke i ndihmuar me metodologji të planifikimit me pjesëmarrje projektit që synon të
mundësojnë zhvillimin e qëndrueshëm të komunës së Dragashit.
Projekti po realizohet në bashkëpunim të ngushtë me komunën e Dragashit, duke përfshirë këtu grupet punuese
komunale, OJQ-të dhe sektorin privat.
6. Sfidat, reagimet dhe mësimet e marra
Nevojitet aktivizim i plotë i rrjetit për bashkëpunim të decentralizuar Art. Fshatarët që kanë qenë të
përfshirë në realizimin e projekteve me ndikim të shpejtë janë në njëfarë mase të brengosur që këto
projekte, megjithëse janë të mirëseardhura dhe shihen si tepër pozitive, në shumicën e rasteve nuk
çojnë në zhvillim të qëndrueshëm. Ata nuk kanë mundur të përfitojnë nga bashkëpunimi i
decentralizuar, pasiqë ky projekt nuk ia ka dalë ta zhvillojë këtë segment në tërësi. Njëra prej shkaqeve
prapa kësaj mund të jetë që numri i vogël i punonjësve pamundëson zgjerimin e plotë dhe angazhimin
për formimin e lidhjeve me bashkëpunëtorë. Kjo në njëfarë mase zbutet prej faktit që projekti i
Dragashit po financon dhe aktivizon nisma të tjera zhvillimi, si nisma afariste për përfshirjen e grave dhe
nisma e bujqësisë dhe pylltarisë, për realizimin e të cilave po ndihmojnë zyrtarët e proektit ART në
Dragash.
Qyteti dhe fshatrat e Dragashit kanë shumë nevoja të paplotësuara në sektorin e infrastrukturës dhe
grupet punuese të fshatrave zakonisht kërkojnë projekte që kanë të bëjnë me infrastrukturën. Ka qenë e
pamundur t'i shtyjmë fshatarët të kërkojnë projekte të një natyre më shoqërore.
Për të përmbledhur, sfidat për 2012-ën kanë të bëjnë me shtrirjen dhe llojin e projekteve me ndikim të
shpejtë, përfshirjen shoqërore të grave, si dhe rritjen e bashkëpunimit të decentralizuar.
Fotografi që paraqesin realizimin e tre projekteve në nivel fshati:
Bellobrad: Meremetimi i bibliotekës së fshatit; Brrut: Ndërtimi i fushës sportive në oborrin e shkollës
fillore; Restelicë: Pastrimi i vendeve ku janë hedhur mbeturinat dhe nisja e shërbimit të mbledhjes së
mbeturinave në fshat
218