Shtojca 1 - UNDP Kosovo

Shtojca 23 Raport i implementimit të përbashkët 2011 Art
Gold Dragash
Agjensitë donatore: Qeveria e Belgjikës, Qeveria e Finlandës (Donacione në formë
mallrash dhe shërbimesh)
Realizues: Komuna e Dragashit, UNDP-ja në Dragash në kuadër të projektit
“Ruajtja e biodiversitetit dhe shfrytëzimi i mençur i tokës” dhe zyra
gjenoviane e programit ART të UNDP-së
Periudha e raportimit: Janar-dhjetor, 2011
Përgatitur nga: Maria Elena Zuniga, udhëheqëse e projektit të UNDP-së në Dragash dhe
Kaltrina Salihu, zyrtare për terren e programit ART Gold për Kosovë
Miratuar nga: Krenar Loshi, Kryesues i Grupit për Qeverisje Demokratike
Janar, 2012
Përmbledhja ekzekutive
Programi ART GOLD në Dragash ka zbatuar plotësisht fund e krye ciklet planifikuese me
bashkëpjesëmarrje lokale në pesë fshatra të komunës së Dragashit. Brenda kësaj periudhe, janë
themeluar pesë grupe punuese lokale dhe një grup punues komunal. Ky cikël projektesh ka zgjatur se
paku katër muaj të plotë. Janë dizajnuar projekte me ndikim të shpejtë për pesë fshatra: Bellobradin,
Brrutin, Brodin, Blaçin dhe Restelicën.
Në katër prej këtyre fshatrave, projektet me ndikim të shpejtë janë zbatuar me përfshirjen e komunës.
Komuna dhe Projekti për Dragash kanë nënshkruar një marrëveshje me anë të së cilës është bërë
transferimi i resurseve tek komuna për zbatimin e këtyre projekteve.
Udhëheqësve kyçë të grupeve punuese të fshatrave, si dhe zyrtarëve komunalë u kemi ndihmuar në
zhvillimin e aftësive për përgatitje projektesh.
Projekti ka qenë në gjendje të mobilizojë resurse shtesë në saje të nismës për blogim "Ndërlidhja e
bashkësive në Dragash" të financuar nga Qendra Rajonale e Bratisllavës dhe UNDP-ja e Nju Jorkut.
214