Shtojca 1 - UNDP Kosovo

Zhvillimi i një “rruge piktoreske” nga Zhuri në Brod do të mund të promovohej si pikë në vete e
destinacionit turistik, ku do të caktoheshin zonat për piknikë përgjatë rrugës.
Turizmi Rural: gjersa e tërë strategjia e turizmit e bazuar në natyrë lidhet me turizmin rural atëherë ky
duhet të përshkruhet si një aktivitet në vete. Një sistem i vogël i familjeve që operojnë me objekte për
banim dhe shërbime të tjera do ta plotësonte ofertën e mësipërme me bazë natyrën, ku do të shtohej
numri i shtretërve, si dhe do të përmirësohej atmosfera e trashëgimisë së veçantë kulturore.
Kuzhina pasqyron një karakter unik kulturor të rajonit dhe se është kontribuues i madh në cilësinë e
përvojave turistike. Mënyra se si rritet dhe përgatitet ushqimi, roli që ka në ritualet dhe traditat e
njerëzve e promovon idenë e kuzhinës kulturore – ushqimi që lidhet ngushtë me traditat dhe kulturën e
njerëzve, e që është në harmoni me njeriun dhe natyrën. Përsëri, kjo do të shërbejë si plotësim i
trashëgimisë unike kulturore, dhe se do ta promovonte zhvillimin e bizneseve turistike duke u bazuar në
operator individual të lidhur me profesionin e tyre. Në këtë mënyrë, të ardhurat prej turizmit shërbejnë
si shtesë e profesionit të tyre të rregullt (bujqësinë, blegtorinë, bletarinë, prodhimin e djathit, etj.).
Festivalet kulturore: për shkak të kufizimeve buxhetore nuk mbahen shumë prej festivaleve.
Megjithëkëtë, trashëgimia kulturore mund të jetë tejet tërheqëse për vizitorët dhe mund të
shfrytëzohet për t’i rritur vizitat turistike gjatë periudhave të caktuara të vitit. Festivalet kryesore të cilat
mund të shfrytëzohen jo vetëm për tërheqjen e vizitorëve, por edhe për ruajtjen e trashëgimisë
kulturore të asaj zone janë:
Garat me kuaj
Turnetë e mundjes
Festivali pranveror
Fushat për zhvillim
Duke e pasur buxhetin e kufizuar të komunës për investime kapitale, përqendrimi për zhvillim turistik
duhet të jetë në atraksionet e “pikave vrojtuese”. Këto janë produkte të gatshme në dragash të cilat e
plotësojnë infrastrukturën turistike (hotele, rrugë, parkingje, etj). Këto pika vrojtimi mund të shërbejnë
si zona pilotimi për turizmin e bazuar në natyrë në Dragash, si dhe pastaj zonat e tjera do të
zhvilloheshin sipas kërkesës dhe rritjes së të ardhurave. Rekomandohet që këto zona për planifikim dhe
investim do të ishin:
1) Fshati Brod
2) Qyteza e Dragashit (që lidhet me Radeshën dhe bjeshkën e Koritnikut)
3) Luginën e Opojës
Atraksionet përkatëse që mund të promovohen janë:
a) Fshati Brod si fshat turistik që lidhet me bjeshkët e bukura të Dragashit jugor dhe me mundësi
për skijim;
198