Shtojca 1 - UNDP Kosovo

Sipas Strategjisë së turizmit të Kosovës 2011-2020, shtyllat kryesore të shërbimit turistik në Kosovë
janë:
1) Turizmi kulturor
2) Turizmi malor
3) Turizmi rural, alternative dhe ekoturizëm
4) Turnetë ndërkufitare dhe rajonale, udhëtimet
5) Turizmi aktiv (çiklizmi, shëtitja, shtegtimi, ngjitja, aventurat…)
6) Takimet dhe konferencat
Këto janë segmentet kryesore që duhet të zhvillohen dhe të përfshihen në fushatat e marketingut.
Dragashi ka pozitë të mirë që t’i përmbush secilën prej këtyre shtyllave dhe se krahasimi i produkteve
ekzistuese turistike në Dragash ndihmon në përcaktimin se ku duhet të bëhen investimet fillestare. Për
Dragashin, shumica e këtyre shtyllave përkojnë me njëra-tjetrën dhe se mund të ofrohen në fushat e
njëjta.
Autenticiteti me bazë vendin është një strategji tejet e rëndësishme për sukses afatgjatë. Kjo
nënkupton identifikimin e pasurive të brendshme të një fushe të caktuar dhe promovimin e tyre në
aspekt afatgjatë. Në këtë pritjet e vizitorëve do të përmbushen kur të bëjnë vizita.
Tri aspektet më unike dhe më autentike të Dragashit:
4. Bukuritë natyrore (bjeshkët, biodiversiteti)
5. Kulturën dhe trashëgiminë (kultura e goranëve, mënyra e jetës në fshatrat malore)
6. Mikpritja dhe kuzhina (ushqimi që prodhohet në ato vise; mikpritja në fshat)
Duke u bazuar në tre faktorët e mësipërm rekomandohet që Dragashi ta përqendroj zhvillimin e tij
turistik në lidhjen ndërmjet natyrës dhe kulturës malore rurale. Kjo lidhje me mënyrën natyrore të të
jetuarit, me traditën e mikpritjes, bujqësinë dhe bagëtinë, të cilat janë zhdukur në pjesën më të madhe
të Evropës dhe se ofrojnë përvojë unike për tregjet burimore. Përveç kësaj, shfrytëzimi i shtigjeve nga
barinjtë e deleve dhe tregtarët në kuaj paraqesin pasuri për shëtitjet dhe për çiklizëm malor të cilat
mund të lidhen drejtpërdrejtë me jetën e përditshme të fshatarëve.
Llojet e produkteve turistike
Është thelbësore që aktivitetet të jenë të pranishme për vizitorët dhe të jenë afër objekteve dhe
lehtësirave turistike në mënyrë që investimet të kanë sa më shumë ndikim.
Shëtitjet: klima e mirë, peizazhet e llojllojshme, bjeshkët e larta, flora dhe fauna e pasur dhe fshatrat
piktoreske e bëjnë Dragashin një rajon tërheqës për shëtitje prej muajit prill deri në nëntor. Shëtitjet në
terren me niveleve të ndryshme të vështirësisë mund të bëhen kudo në komunën e Dragashit. Janë
identifikuar së paku katërmbëdhjetë shtigje për shëtitje dhe se janë futur në Udhëzuesin për shëtitje në
Dragash. Mund të zhvillohen edhe shtigje të tjera për shëtitje duke krijuar edhe itinerare të shëtitjes në
dy territore të vendeve fqinje (p.sh. Shqipëri dhe ish Republikën Jugosllave të Maqedonisë), ose itinerare
që do të përfshinte 2 ose më shumë vende (p.sh. shëtitje prej ish Republikës Jugosllave të Maqedonisë
deri në Dragash, Kosovë).
196